انقبلت في المرحلة الثامنه ...لكن بعثتي متوقفه على ردودكم ..اتمنى تفيدوني

قبل كل شي حابه اقولكم كل عام وانتم بخير .... من غير مقدمات انا في دوامه مايعلم فيها الا الله ... انام واصحى وتفكيري منشغل بحلمي الابدي الابتعاث ...
صارلي ثلاث سنين ادخل مبتعث كل فترة والثانية والله اني احس بحسرة في قلبي اني مااقدر ابتعث بسبب رفض الاهل ...
حاولت اكمل دراسات عليا هنا وماحصلي الا ادرس دبلوم عالي في التربيه الخاصة وتخرجت من سنه واكثر وللاسف ماتوظفت ولا قدرت اكمل دراسة ..
.خلاصة الكلام ..
انا عمري 27 سنه وهذه اخر فرصة لي في الابتعاث ... قدمت واتكلت على الله وجاتني رساله القبول وموعد التدقيق يوم خمسه يعني الاسبوع الجاي ....
مافي أحد يدعمني ويعلم بتقديمي الا اخوي الكبير وهو خريج ماستر ويشتغل في التدريس ..رب اسرة وصعب يروح يكمل معاي برا
لكن عندي بدل المحرم اربعه كلهم يدرسون في امريكا عشان كذا تعمدت اختار امريكا .
الي افكر فيه اني اكمل اجراءت قبولي واختار اخوي الكبير محرم وامشي في الاجراءات واعديها وبعدها اطلب تاجيل بعثة واغير المحرم لأي أحد من اولاد اخواتي الي يدرسون في امريكا ..هل اقدر اسوي كذا ؟!!
أسوي تاجل لسنه أو اكثر؟!! واذا نعم كيف الاجراءات ؟!!
هل يلزم تواجد سبب اقدمه للوزاره لان فعلا ظروفي الان ماتسمح والدي وامي مقعدين وفي الاشهر الاخير اللهم لك الحمد تدهورت حالة الوالد الله يشفيه ويطول بعمره وعندي من التقارير مايثبت ذلك واقدر اقدمها للوزاره او الجهه المسئوله عن الابتعاث
بمعنى السنه هذه انا مااقدر ابدا اسافر بسبب الظروف هذه والسنه الجايه لو فكرت اقدم من جديد راح يسقط عني شرط العمر واحرم من الابتعاث :weep:
طيب لو اجلت الان السنه الجايه بكون عمري 28 اخاف يقولون لي باي باي ماتلحقين بالمرحله التاسعه

مشكلتي انا ماني فاهمه الاجراءات بالزبط اذا احد يقدر يشرح لي في اي مرحله بالضبط اقدر اقدم التاجيل وتغير المحرم يعني بعد مرحله التدقيق ؟ او بعد الملتقى ؟ متى بالضبط :confused:
وشي اخير بالنسبة لجواز السفر انا ماعندي هل يلزم حضور ولي امري او موافقة منه انه يطلع لي جواز سفر ابوي كبير بالعمر ومريض ومايقدر والشي المهم انا ماابغى اشعلل المشاكل بشور من اخوي اني اكمل الاجراءات واسوي تاجيل والموضوع يكون بيني وبينه وبعد سنه او سنه ونصف يقنع الوالد والاهل اني اكمل برا :upset:
والشي الي فعلا يخليني اغص بعبرتي ولد اختي واخوه ماشاء الله الان انقبلوا ابتعاث بكالوروس طب وفي امريكا في المرحله الثامنه صار عندي بدل اربعه سته محارم هههههه
غير بنات خالاتي الي لهم سنه يدرسون في امريكا :cursing:
كل مافي المشكلة ان توقيت دراستي وسفرتي حاليا غلط.. الحل التاجيل لحد ماتتيسر الاوضاع ... أتمنى احد يفيدني وله جزيل الشكر واعتذر عن الاطاله

تمنى اقدر افيدك بس انا كمانمقدمه ابتعاث ثالحين ولاني عارفه الطبخه

الله ييسر لنا امورنا

ليش ما تسجلي اخوك محرم لك
و يوصلك للمكان اللي فيه احد من محارمك
كذا ما تحتاجين تأجيل ان شاء الله
بالتوفيق لك

الي اعرفه ان قرار الابتعاث ساري المفعول لمدة 3 شهور من صدوره , يعني حاولي تتاخري في قبول المعهد و الفيزا و كدا و تتطلعي قرار الابتعاث في ربيع الاول او نهايتوا و يصير كدا استفدتي من الوقت و تسافري قبل شهر 7 رجب باسبوع اسبوعين , لان شهر 7 يقفلوا على اجراءات المرحلة الثامنة و يبدوا التاسعة

يعني لو زبطت دي الطريقة حتسافري بعد 9 شهور تقريبا ,, ان شاء الله تكون ظروفك اتيسرت

اتمنى اني ساعدتك و ان شاء الله الشباب الي عندهم خبرة اكثر مني يفيدوكي اكتر

انا مالي خبره بالجواز لكن البعثه انت توكلي على الله و كملي المقابله و الملتقيات و بعدها قدمي التاجيل الخوك الكبير خليه محرم لك و يكمل معك و بعدها عادي تغيرين المحرم
و التاجيل مسموح به لكن لازم يكون معك عذر قوي يقتنعون به
الله يوفقك و يسهل امورك يا رب

اختي قدمي وامشي بالاجراءات اصلا السفر اقرب وقت بيكون بعد 5-او-6 اشهر

الله يعينك ويحقق حلمك ويساعدك فيما فيه خير لك

الله يعطيكم العافيه ... مشكلتي مو في المحرم .. مشكلتي اني مااقدر اسافر الا اقل شي بعد سنه للظروف والأسباب الي ذكرتها .. انا ابي اغتنم فرصة القبول الان واسوي تاجيل ان شاء الله لو مع البعثة التاسعه ... ومن جد اشكركم على الردود

اكرر لك نفس الكلام

اقتباس:

---

المشاركة الأصلية كتبت بواسطة صالح ولد علي

اختي قدمي وامشي بالاجراءات اصلا السفر اقرب وقت بيكون بعد 5-او-6 اشهر

الله يعينك ويحقق حلمك ويساعدك فيما فيه خير لك

---

​بأذن الله راح امشي في الاجراءات .. بس ابي اتطمن من ناحية التاجيل لااكثر من سنه ..متى اسويه بعد مااستخرج الفيزا والا قبل ...متى بالضبط

نصيحة لوجه الله

لا تسافري اذا لم يكن لابوك وامك بنت سواك

فحسب كلامك انهم محتاجون لرعاية

فوالله الذي لا اله غيره ان التوفيق كل التوفيق في برهم وادخال السرور عليهم

اختي لا يشغلك ان فلان وفلانه قد ابتعثوا كل شخص وظروفه ولو استغليتي ظرفك فأن نجاحك اعلى واهم من نجاح المبتعث

تحياتي

- - - مشاركة محدثة - - -

نصيحة لوجه الله

لا تسافري اذا لم يكن لابوك وامك بنت سواك

فحسب كلامك انهم محتاجون لرعاية

فوالله الذي لا اله غيره ان التوفيق كل التوفيق في برهم وادخال السرور عليهم

اختي لا يشغلك ان فلان وفلانه قد ابتعثوا كل شخص وظروفه ولو استغليتي ظرفك فأن نجاحك اعلى واهم من نجاح المبتعث

تحياتي