بليز من وين أعرف انا قبلت بأي دولة ...
السلام عليكم
في البداية احب اهني جميع المقبولين واقولهم عقبال القبول النهائي وانا معكم..
ثانيا عندي استفسارين واتمنى القى عندكم ردود تثلج الصدر
الاول: انا قدمت على المرحلة الثامنة وقبلوني وقالوا لي تدقيقك السبت وسمعت من المبتعثين السابقين انو الحين تتحدد الدول ...لكن انا ماجاني شي وصفحتي مكتوب فيها الطلب تحت التدقيق على الرغم انهم ارسلوا لي عالجوال والايميل
وانا حاطة في الاختيارات امريكا وكندا والمانيا
اتمنى اللي يعرف من وين اعرف انا قبلت بأي دولة انه ما يبخل علي :)
الثاني : انا راح ابتعث بإذن الله مع زوجي (مدرس ) وراح ياخذ اجازة بدون راتب .. سؤالي :1/هل يقدر ياخذ لغة هناك..؟؟ 2/ هل يقدر يكمل ماستر .. أو لازم يقدم استقالته ولا شلون ..؟؟
وهل فيه اجراءات يسويها من الحين ..؟؟
اتمنى انكم تفيدوني عاجلا غير اجل
وعذرا على الاطاله ...ولكم الشكر الجزيل
رد: بليز من وين أعرف انا قبلت بأي دولة ...
انا عندي نفس اسألتك وتوني مريت صفحتي برضو مكتوب الطلب تحت التدقيق
اما زوجك ماتوقع انو لازم يستقيل بس ياخذ اجازه
رد: بليز من وين أعرف انا قبلت بأي دولة ...
اولا: مرحلة التدقيق فقط لاستلام الوثائق ومطابقة البيانات المدخلة في الطلب الالكتروني بالمستندات المطلوبة
على بداية شهر الحج راح تعلن اسماء المرشحين نهائيا للابتعاث مع دولهم ... يعني لسا بدري
ثانيا: يقدر زوجك ياخذ لغة معاك واذا قدر يوفر قبول جامعي ممكن يرفع طلب للالحاق بالبعثة ويكمل ماستر اذا اراد بس ماعندي خلفية عن اجراءات الاجازات بالتربية والتعليم
بالتوفيق،،
رد: بليز من وين أعرف انا قبلت بأي دولة ...
1- الدول تتحدد بعد اعلان نتائج القبول وهذا بعد التدقيق بفترة
2- زوجك يمديه ياخذ لغة على حساب البرنامج .. لكن لو حب يكمل ماستر يطلب الحاق .. ولازم يصير معه قبول مشروط لجامعة + معهد .. وخليه يسجل حساب للدراسة على الحساب الخاص
رد: بليز من وين أعرف انا قبلت بأي دولة ...
يعطيكم العافية ومشكورين عطورة و Nanotechnologist
وممكن سؤال shy heart
قصدك بيسجل دراسة على حسابة الخاص انه يسجل في البداية على حسابة بعدين يحول على البعثة
وهل لو بيسجل على حسابة لازم من موقع وزارة التعليم العالي ويكون فيها اجراءات وكذا..؟؟
ولا مجرد انه يروح هناك يقدم وخلاص
وشكرا جزيلا