عرض للطباعة
السلام عليكم ورحمه الله وبركاته
ممكن احد يخبرني كيف السكن الجامعي وشنو الفرق بينه وبين السكن الخاص؟؟
ابي معلومات كامله الله يجزاكم كل خير
وسؤال ثاني لو مرافقي سافر معاي و تركني كم شهر مثلا
هل السكن الجامعي افضل لي؟؟ من السكن الخاص وليه ؟؟
والف شكر لكم
السكن الجامعي في امريكا الغالب سيء جدًا .. ويكون فيه كل انواع الجنسيات .. ودورات مياة مشتركة وانت بكرامة .. ومطابخ مشتركة وكل شيء مشترك ماعدا غرفة النوم التي قد تكون هي الاخرى مع شخص اخر .... صحيح سعر رخيص توفره الجامعة لكن على شقق ذات قيمة منخفضة .. طبعا حسب معلوماتي ان سكن البنات لوحدهم والشباب لوحدهم
بس السكن الخاص افضل بمراحل برأيي .. والعائلة افضل وافضل ...
ولا ننسى ان هناك سكن جامعي لبعض الجامعات افضل من البعض الاخر ..
افضل شي بما انك بنت تدورين عائلة سعودية قبل سفرك وتسألين عن عنوانهم .. وتبحثين عن سكن قريب منهم .. فلو كنتي لوحدك وماعندك مرافق راح تقدرين لو حصل لك من الامور شيء انك تتصلين بالعائلة السعودية بحيث يساعدونك .. او حتى لو بغيتي اماكن يكون لهم خبرة كافية .. وغير كذا القرب منهم وتأنسون بعضكم في الغربة ...
مشكور الله يعافيك
طيب في السنة الجايه ابتعاث خارجي ؟؟ يعني المرحله التاسعه؟؟
وهل اذا رحت التدقيق بعدين ماكملت معاهم للأخير يأثر علي بشي لما اقدم السنه الجايه؟؟
لان مرافقي راح يقدر يروح معاي ع السنه الجايه بس اخاف مافي ابتعاث !!!
ايه فيه وانا اخوك بس الشروط قد تختلف ماحد يدري .. ولا تنسين انه بامكانك انك تنقبلين في هالمرحلة وتسوين تأجيل لدراستك سنة ..
اذا رحتي للتدقيق وتم قبولك وماكملتي معهم مايمديك تسجلين للمرحلة التاسعة ...
طيب بالنسبة للسكن مع عائلة
انا معاي محرم .. نقدر انا وياه نسكن كلنا مع العائلة ولا كيف؟؟
واكيد ما اقدر اخذ سكن جامعه لانو معاي محرم !!
افيدوني؟؟
- - - مشاركة محدثة - - -
طيب بالنسبة للسكن مع عائلة
انا معاي محرم .. نقدر انا وياه نسكن كلنا مع العائلة ولا كيف؟؟
واكيد ما اقدر اخذ سكن جامعه لانو معاي محرم !!
افيدوني؟؟
عادي اختي لودا بامكانك السكن مع عائلة شخصيًا اعرف مبتعثين ومعهم خواتهم او ازواجهم مرافقين مع عائلة .. لكن لكل من الشخصين كل واحد ايجاره الخاص به باعتباره شخص منفرد .. واغلب العوائل يسكن معها من 3 الى 5 اشخاص
يعني ما اروح التدقيق اصلا ؟؟
اوك مو مشكله بس متى المرحله التاسعه راح تبدي؟؟
اصلا لو اجلت الدراسه بيطلبون مني سبب مقنع وانا ماعندي حاليا سبب يقنعهم :(
خلاص ماراح اروح التدقيق اصلا وارتاح افضل من اني اروح وبعدها مايقدر مرافقي يروح وكذا تصعب علي بالمرحله التاسعه ><
بس ودي اعرف التاسعه تصير برمضان القادم ان شاء الله ولا قبل؟؟
مشكووور اخوي القلب الخجول .. :)