قرار مصيري .. احتاج مشورتكم
السلام عليكم ورحمة الله وبركاته
انا انسانه احلم بالابتعاث من المرحله السادسه قدمت بس مارحت للتدقيق لرفض الاهل واني بنتهم الوحيده ويخافون علي ومن هالحكي
بكيت لما يأست وقدمت على جامعة سعود موازي وانقبلت ودرست ترم وجبت معدل حلوو
بس كنت كل يوم ابكي من الهم ماتعودت على جو الدراسه بالليل واحس مو مقتنعه فيه وهو تخصص نفس تخصصي البكالريوس تربوي بس كريه وممل .. اخترته لانه نفس التخصص قلت يمكن احسن كذا ومااتشتت
بتقولون كيف جبت معدل وانا كارهته ؟ جبته لاني من النوع الحريص في الدراسه واشيل هم ويجيني ارق وانحف بقوه فترة الاختبارات < اهم شي :D بس في الاخير اجيب معدل والحمدلله
طول الترم الي راح كنت افكر بالانسحاب .. جو كئيب ودراسه تعتمد على الحفظ بشكل رهيب حسيت اخرتي مستشفى شهار من ذا الحفظ ونفسية الدكاتره الي تجيب المرض وهذا غير الكلام الي طلع عن الموازي وانه مايفيد بس لان ماعندي وظيفه كنت اصبر نفسي لما اشوف اخرتها
وفجاه وبدون مقدمات جاني ابوي وقال انسحبي واروح معك برا واذا ماقبلوك البعثه وديتك على حسابي
طرت من الوناسه وقدمت على المرحله الثامنه وجتني رسالة التدقيق
وطبعت اخلاء الطرف ووقعته
ماادري هل اوديه بكره وانسحب واروح احقق حلمي وابدا من جديد ؟؟
والا استمر واواصل هنا واتحمل القرف دام اني عديت ترم وضمنت مكان ؟؟
استخرت وكل يوم براي .. قلت استشير اهل مبتعث :D وش رايكم
رد: قرار مصيري .. احتاج مشورتكم
شخصيا رأيي اخت شروق ,, تتوكلي على الله وتكملي في موضوع الابتعاث . خصوصا انوه انتي ماخلص الى ترم واحد فقط , بالاضافة لانوه انتي اصلا مانك مرتاحة من الاساس للتخصص أو الدراسة هنا بشكل عام .
أعتقد لو تتناقشي مع أبوكي عن سبب التغير المفاجئ لرأيه وتفهمي وجهة نظره بيكون أفضل وأفضل ...
وبالتوفيق لنا ولك ولجميع المبتعثين ياارب ..
رد: قرار مصيري .. احتاج مشورتكم
ماعديتي الاترم واحد ورغم كل هذا كارهته وموازي بعد
جاكي الفرج الحمدلله قدمي للابتعاث وربك ييسر لك ان شاءالله
استخيري كل يوم وادعي كل يوم
وربك ييسر لك :o
رد: قرار مصيري .. احتاج مشورتكم
الابتعاث احسن شهادة اقوى ولغة ..
بس أهم شي الأستخارة والي يتيسر معاكي روحيلو والله يكتب الي فيه الخير يارب ..
رد: قرار مصيري .. احتاج مشورتكم
دام عدا عليك ترم ..
اتوكلي على ربنا وكملي اجراءاتك وروحي ..
الابتعاث افضل وغير انك حتكسبي لغة وشهاد قوية ..
واستخيري قبل كل حاجه ..
رد: قرار مصيري .. احتاج مشورتكم
خسارة ترم أو ترمين ليست مشكلة .. إذاما كانت في التعديل والتصحيح والتقدم للأفضل ..
أقبلي الإبتعاث .. فستأتين بشهادة + لغة + خبرة + ثقافة .. بإذن الواحد الأحد ..
- - - مشاركة محدثة - - -
خسارة ترم أو ترمين ليست مشكلة .. إذاما كانت في التعديل والتصحيح والتقدم للأفضل ..
أقبلي الإبتعاث .. فستأتين بشهادة + لغة + خبرة + ثقافة .. بإذن الواحد الأحد ..
رد: قرار مصيري .. احتاج مشورتكم
بنظرتي كلها سوى ..بالعكس تتتعبين وترجعين تتمنين انك مارحتي لنك بتشوفي حاجات وصعب تتاقلمي .غير انك بنية وبتشتتي اهلك
رد: قرار مصيري .. احتاج مشورتكم
اتوكلي يااختي عشان بكرة لاتندمي وربي يوفقك
- - - مشاركة محدثة - - -
اتوكلي يااختي عشان بكرة لاتندمي وربي يوفقك
رد: قرار مصيري .. احتاج مشورتكم
اهم شي الراحة النفسية
اسحبي على ام الجامعه وروحي للابتعاث
رد: قرار مصيري .. احتاج مشورتكم
والله لو مكانك يمكن ماخذ وقت وافكر راح اقرر الابتعاث ع طول .. و كويس ان ابوكي وافق ما قصر الله يجزاه خير
بس جد ليش هالتغيير المفاجئي !.. استفسري منه xD
عموما براا افضلك .. شهادة ولغة و هذا هو المطلوب في هالزمن .. اما هنا لو جلستي يمكن تتعلمي اللغة بس مو مثل برا من اهلها
+ شهادتك بتكون اقوى .. تجربي حياه جديدة تبقى فـ ذاكرتك .. و اللي خسرتيه ترم واحد مو كثيرر ابدا .. ربي يووفقك 3>