اسماء مكاتب ترجمه معتمده بجده
السلام عليكم "
لو سمحتو ممكن تفيدوني بااسماء مكاتب معتمده للترجمه بجده لان السجل الاكاديمي بالغه الانجليزيه
ولي دققو اليوم يقولو لازم معاك نسخه بالغه العربيه مع العلم اني متخرجه من جامعة الملك عبدالعزيز وماعندهم سجل اكاديمي بالعربي
الله يسامحهم كل يوم مطلعين سالفه :mad:
رد: اسماء مكاتب ترجمه معتمده بجده
والله نفس حالتك .. متخرج من جامعة الملك عبدالعزيز والسجل الأكاديمي باللغة الإنجليزية فقط ..
يعني اللي مكتوب في توضيح الوثائق حفظناه وفهمنا انه مايحتاج يترجم بالعربي اذا كان بالانجليزي !! لكني اليوم راسلت الاستاذة شذى مسؤولة في برنامج الابتعاث وقالت لابد من ترجمته في أحد المكاتب المعتمدة
وأيضا وحدة من الأخوات حكتنا تجربتها اليوم وقالت انه شاهدت وحدة من المتقدمات يقولوا لها ليش ماترجمتي السجل للعربي !!!
يعني بصراحة احنا محتارين وياريت أحد يفيدنا .. ومافي داعي أحد يجيب لينك توضيح الوثائق لانه حفظناه وقريناه .. نبغا أحد خلص مرحلة تدقيق الوثائق أمس أو اليوم ويقولنا هوا ترجم او لا وايش قالوله !!!