الأعضاء الإشتراك و التسجيل

الملتقيات
ADs

تجربتي في موعد تدقيق الوثائق (الثلاثاء 4-9-2012) المريديان جدة

تجربتي في موعد تدقيق الوثائق (الثلاثاء 4-9-2012) المريديان جدة


NOTICE

تنبيه: هذا الموضوع قديم. تم طرحه قبل 1929 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية L SUAREZ
    L SUAREZ

    مبتعث مجتهد Senior Member

    L SUAREZ الولايات المتحدة الأمريكية

    L SUAREZ , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى Construction Management , بجامعة University of Washington
    • University of Washington
    • Construction Management
    • ذكر
    • Seattle, Washington
    • السعودية
    • Aug 2012
    المزيدl

    September 5th, 2012, 01:19 AM

    السلام عليكم ..

    بصراحة راحة نفسية بعد تسليم الوثائق وهم كبير انزاح عني مايعلم به الا ربنا !!

    رحت تقريبا على الساعة 6 المغرب لقاعة الفيروز بالميرديان جدة و طبعا بحكم اني عرفت كثير من الناس راحوا قبل موعدهم وسلموا أوراقهم فقلت أعمل نفس الشيء .. يعني أنا موعدي الاربعاء 4:30 العصر لكن قلت خليني أروح يوم الثلاثاء عشان لو كان في أي ورق ناقص يصير أجيبه على موعدي يوم الأربعاء والحمدلله كل شيء صار بسهولة تامة وفي ربع ساعة تقريبا !! وأنا مقدم على الماستر فأنصح الجميع أنه يرتب أوراقه لمجموعتين .. الأولى : الأصول : الوثيقة + السجل + الجواز + الهوية أو بطاقة العائلة .. الثانية : استمارة طلب الإبتعاث + صورة من الهوية أو بطاقة العائلة + نموذج الالتحاق بالجامعة الأجنبية + صورة من الوثيقة مختومة + صورة من السجل (مو شرط مختومة لكن يستحسن) + صورة من الصفحة الأولى في الجواز السعودي ............. وينصح انها تكون بالترتيب المكتوب ..

    طبعا أول ماتدخل تعدي بثلاث مراحل وحأشرح اللي صار معاي بالضبط :

    1- المرحلة الأولى :

    - عند باب القاعة تكون هناك لوحة عليها أسماء الطلبة اللي مواعيدهم اليوم .. تتأكد من وجود أسمك وتدخل (طبعا أنا ماتأكدت لانه أكيد اسمي مو موجود يعني جاي في غير موعدي ).. تجد أمامك أول مكتب وأمامه كراسي للإنتظار .. انتظر الين يجي دورك أو يناديك المشرف وتجلس أمامه .. تعطيه أصل الهوية أو بطاقة العئالة ليتأكد من وجود اسمك ضمن المتقدمين للبعثة وبعدها يعطيك ورقة فيها المستندات المطلوبة وترتيبها .. تكتب عليها اسمك ورقم طلبك مع المرحلة اللي ناوي تكمل عليها وآخر شيء التوقيع ..

    2- المرحلة الثانية :

    - تروح المكتب الثاني اللي أمامه أيضا كراسي انتظار لكن مع فضاوة المكان على طول تجلس عند المشرف ويبدأ يتأكد من أنه أوراقك كاملة ومرتبة ومافي شيء ناقص .. اذا كل شيء 100% يعطيك ملف تحط فيه أوراق التقديم (حقت الاستمارات والنسخ أما الأصل فاحتفظ بها انت) وتكتب اسمك ورقم طلبك على الملف و المرحلة اللي ناوي تقدم عليها ويعطيك رقم عشان تروح للمرحلة الثالثة (القاعة الآخرى) ..

    3- المرحلة الثالثة :

    - تلاقي مجموعة مكاتب كثيرة أمامك مع كراسي انتظار كثيرة أمامها .. لكن المدقق ناداني على طول ورحت جلست عنده .. أعطيته أوراقي كلها مقسمة بطريقة المجموعتين اللي في بداية الموضوع .. وبدأ يدقق ويتأكد من المعدل واسمي في الوثيقة مع الجواز والسجل .. الخ ..... في النهاية يرجعلك الأصول وياخد الملف اللي فيله النسخ والاستمارات ويعطيك (سند تسلم ملف متقدم) وخلصنا وتنتظر نتائج الترشيح ..

    ------------------------------

    طبعا بإمكانك الذهاب لآخر القاعة الثانية عند مستشار وزارة التعليم لتسأله عن أي سؤال يدور في بالك لكن بصراحة ما أنصحكم لأنه حسيته مايعطيك إجابة واضحة على أي سؤال .. فأحسن شيء وانتو في طريق الخروج أسألوا أي أحد من المشرفين اللي هناك ويجاوبوكم عادي بكل أريحية وتاخذ وقتك وصراحة تعاملهم راقي ومحترم جدا !!

    ربنا يوفق الجميع آمييييين
  2. شكرًا لك اخوي الكريم وجزاك الله خير ..

    - - - مشاركة محدثة - - -

    المشاركة الأصلية كتبت بواسطة AD_
    السجل والوثيقة ختم طبق الاصل ؟ ايش فرق عن الصور

    من اول محتاره قلت اخذ الاثنين الصورة وطبق الاصل . شكرا ربي يوفقك
    مو لازم طبق الأصل ...
    7 "
  3. انا بالنسبة ليا متخرج من جامعة الملك عبدالعزيز في جدة .. اخدت الوثيقة نصها عربي ونصها انجليزي فما أحتاج أترجمها بس أصورها كم صورة وأختم على النسخ اللي صورتها .. والوزارة تاخذ صورة وحدة فقط من الوثيقة وترجعلك الأصل (للمتقدمين للماستر)

    أما السجل فأخدته من الجامعة باللغة الإنجليزية ولا يحتاج لترجمة عربية .. فقط أطبعي كم نسخة منه وأعطي المدقق نسخة واحدة واحتفظي بالأصل
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.