المشاركة الأصلية كتبت بواسطة أمير لندن
اوك يا شباب حاس فيكم ومو مشكله اتقبل آرائكم بصدر رحب,
حاب اقولكم شئ بسيط عني انا ابتعثت لدراسه البكالريوس وبعدها الماستر وبعدها رحت مرافق واخذت ماستر ثاني واشتغلت برا فتره بملحقيه لندن وما اتكلم من فراغ. يمكن بعضكم ما سافر برا للدراسه ويقول ان الدراسه سهله والامور سهاله وان شاء الله كل شئ حيكون زين انا اقوله تفائل حلو لكن الواقع مو كذا. الواقع يقول اذا ما انت جاي تكرف كرف فما حتنجح الا عن طريق انك تشتري البحوث مثلك مثل كثير من المبتعثين ولا حول ولا قوه الا بالله.
يا شباب انتم مقدمين على امر كبير مو سهل فلا تتساهلوا فيه وخذوا الامور بجديه وفكروا صح وكل خطوه تخطوها لازم تكون متأكد منها انا اعرف ان بعضكم سهلها بوجهه اصحابه او صاحبتاتها, لذلك بقولكم شئ اذا انتم جايين للعلم مو للوناسه والسياحه وبالمقام الثاني العلم فلازم تجلس على الكتب تاكلها اكل ولاااا يمنع هذا من الترويح عن نفسك بالحلال مو تروح للبارات واذا شفت بنت خقيت وضعت قسم بالله اذا ادليت وعرفت طريق المراقص مانت معين الا سواده الوجه أما اذا اخذت الامور بجديه واستعنت بالله وصليت استخاره ونويت تقوى الله في بلد الغربه فإن شاء الله بييسر الله لك, انا شفت شباب اول شهر ما نزل في امريكا وارتاح بالسكن بدأ مثل النمس يحتك بفلانه وبفلان وبدأ على المراقص والبارات وبدأ الحياء والخوف من الله ينزل منه وفيه بنات لكن فئه الشباب اكثر فعرفت انهم ما يطولون بالبعثه وفعلا رجعوا خايبين شوهوا صوره الاسلام في وجوه من قابلوهم ويا خسااره بس.
تقوى الله كل شئ والعلم تنوي به رفع الجهل عن الامه مو تتفاخر بالشهاده اذا سويت هاذي الاشياء ان شاء الله ان الله بيسرها لك لكن غير كذا فما اقول الا تيتي تيتي مثل ما رحتي جيتي