تعاآأإل وقووول لنا عن حالتك من التدقيق إلى الترشيح ( تخطيطك-مغامراتك-مشاكلك-خيالاتك )

بسم الله الرحمن الرحيم

السلام عليكم ورحمة الله وبركاته ..

مسائكم أمل وصباحكم نشوة طموح تتجدد بكم ..
حبيت أفتح هذا الموضوع للترويح عن أنفسكم بذكر مغامراتكم ومخططاتكم وتجهيزاتكم وخيالاتكم
من مرحلة التدقيق وحتى الترشيح ..
وراح أبدأ أنا بما إني صاحب الموضوع ..

طبعا انا موظف في شركة وكان يوم التدقيق يوم الثلاثاء وكنا في المشروع داخل المحطة وكان
فيه إجتماعات بسبب بعض الأخطاء في العمل وماقدرت أحضر لهم ..
حضرت من بكرة إلى مركز التدقيق وأنا متردد حتى الآن في الإبتعاث وذكرت لهم إني متأخر
ومشوني ولا قالوا شئ .. الموظف المسؤول عن تدقيق البكالوريس تأخر علي شوي ..
جلست مع باقي الموظفين مدة ربع ساعة سوالف وفله بصراحة ونيسين جدا :)
حمسوني للإبتعاث بقووووة ودخلوني جو إني مبتعث طلعت من التدقيق وأنا متحمس جد للإبتعاث ..
طلعت من المركز وأنا ماني مصدق إني مشيت بإجراءات الإبتعاث لإني كنت مو مقتنع فيه أبدا ..
سابقا إنقبلت في إبتعاث الملك مرتين وسحبت على التدقيق بقناعة تامه .. المرة هذي مدري وش تغير ..؟
رجعت وبدأت أحسب أموري هاهـ أروح ولا أهون وإلى الآن متردد صراحة ..!
أنا قدمت على تخصص علوم طبية وأنا ما أبيه بصراحة .. أنا أبي تخصص هندسة ميكانيكية ..
لإنها بنفس تخصص عملي وأبغا أصير مهند لإن عندي خبرة فيه ..
ما أدري كيف بحول هل بحول هنا وإلى هناك في الدولة اللي بدرس فيها ..؟؟
بس اللي أعرفه إني بتخذ قرار جرئ بحياتي ويمكن يغير مسار حياتي بشكل كامل ..
أنا بترك وظيفة وبروح أدرس من جديد ,, الله يستر !
إلى الآن مابلغت الوالدة بس بإذن الله تقتنع .. وماعلمت غير واحد من أخواني .. وقال : أنت أدرى !!
أنا كل يوم أستخير وكل بعد إتسخارة أرتاح إلى أمر مرة إبتعاث ومرة وظيفة بصراحة عجزت أقرر إلى حد هاللحظة .

ع العموم ما أبي أكثر عليكم لكن حيت أقولكم حالتي البسيطة والمرهقة ..

عندي كم سؤال قبل لا أختم لاهنتم للشباب اللي عندهم معلومة ..
وش هو تخصص علوم طبية ووش تفرعاته ومستقبله بالسعودية ؟
كيف أحول إلى هندسة ميكانيكية من هنا وإلى من هناك في دولة الإبتعاث .؟
لو درست في المعهد هناك وبعدين رفضت رفض قاطع تخصص علم طبية .. يقدرون يجبروني ؟

أتمنى كل واحد يكتب وضعه ونشاطه ووش بسوي ..
دردشة وفرفشة وبسط ووناسة فقط .
أشكركم على متابعتكم .
أخوكم : سقراط العرب

الله يوفقك ويوفقني معك ويوفق جميع شباب وبنات المسلمين والسلمات والمؤمنين والمؤمنات

ماعندي خبر عن اسئلتك بس اتمنى احد يفيدك
(خيـــــــــــــــــــــــــير النـــــــــــــــــــــــــــــــاس انفعــــــــــــــــــــــــــهم للنـــــــــــــــــــــــــــــــــــــــــاس)

الله يوفقك أخوي ، وصحيح الكل من فترة يخطط ويستشير عن امور ابتعاثه والإستفسار عن دولة الإبتعاث وكيفية الدراسة هناك والمعيشة والأمان
إضافةً ، للفرص الوظيفية المستقبلية الي ممكن تتوفر لك او العكس ، ولكن هنا يرجع الأمر لك بعد الإستخارة والتفكير الجدي بالأمر
بالنسبة لتخصص أفضل لك تختار تخصص ممتد لنفس تخصصك الحالي ، وما عندي إفادة بخصوص هل تقدر تغير تخصصك الي إخترته
بعد التدقيق او بعد الترشيح النهائي فـ افضل حل ، راسل الأستاذة غادة السالم بـ سؤالك ، وهي بظرف يوم الي يومين بتعطيك الرد ( من واقع تجربه )
Gsalem@mohe.gov.sa

أسئل الله التوفيق للجميع لما فيه خيرُ لهم ... دمت بخير