شرح لا يصح مقارنة المرحلة الثامنة بالمراحل السابقة .. توضيحات لتغييرات جذرية .. الكل يدخل

الماجستير دراسة انتظام هناك على اغلب الجامعات .. وفيه جامعات تقدمها على شكل رسالة فقط !!! لكن غير معترف فيها لانه اسلوب غير ملائم للماجستير .. وكذلك هناك جامعات تقدمها خليط بين الانتظام وتقديم رسالة ..

اما موضوع هل في ايام اوف .. او لا .. طبعا يختلف بحسب الجامعة لكن الماجستير عادة فيها ايام اوف وساعات الدراسة اقل .. ويعتمد تعليمك في الاغلب على بحث خارج المنهج الدراسي .. ولا يوجد مناهج محدودة .. يعني لازمك تقرأ مصادر خارجية بشكل دائم ..

انت غير مجبر على دراسة اللغة وبامكانك الدراسة للجامعة علطول .. وحتى لو تعثرت بيكون لك فرصة لدراسة اترام اضافية نتيجة لعدم دراستك اللغة + فرصة ال 6 شهور ..

لكن كنصيحة خذلك كم شهر لغة تابعة لجامعة وتأكد من مقدرتك التامة وابدأ بعدها الدراسة ..

مشكور اخوي ما قصرت الله يعطيك الصحه و العافيه ...
بس صراحه انا خايفه من شئ واحد هو انا اللي اقدم على المعاهد والجامعه
وعندي سؤال: اول شي اجيب قبول من المعهد وادرس وبعدين اقدم على الجامعة والا المعهد و الجامعة سوا ....
وجزااك الله خير ...

الله يهديك .. وشلون تخافين من انك تجيبين القبول لنفسك هذا افضل شي ..

واحسن من ان الوزارة تجيب لك قبول في ولاية خطرة للغاية ومعهد سيء ومدينة رديئة ... وبرضو لو كانت مشكلتك انك ماتقدرين تجيبين قبول تقدرين تختارين اي مكتب قبول وتعطينهم الضمان وتشترطين عليهم معهد او جامعة او مدينة معينة .. احسن من ان الوزارة تجبرك على مكتب سيء ويجبرك على مدينة ومعهد معين ويأخرك هالمكتب ومايراسل لك الا متأخر ..

بالعكس هذا افضل شي ..

اذا كنتي ماستر ايه تجيبين قبول معهد وتروحين تدرسين ومن هناك تجيبين قبول جامعة .. وان بغيتي تجيبين من هنا مو مشكلة ...

طيب يعني اخوي انا الحين راسلت معهد وحاقدم على الفيزا في هاليومين وطلب المعهد الضمان اقدم شهادة بنكية بحساب الوالد ولا استنى الترشيح افضل واطلب الضمان لاني ما ابغى اتاخر للملتقيات وابغى يجي الملتقى وانا خلاص منتهية من الموضوع دا ؟؟

افضل شي تنتظرين الضمان عشان مايتكدس المعهد عليك وتصير القبول تكاليف على الفاضي اذا مابداتي اجراءات الفيزا ..

اما اذا جاك قبول معهد وتكدس عليك وانتي بدأت اجراءات الفيزا فهي واحدة من اثنين

1- ان كانك بدأتي اجراءات الفيزا ولم تستلمين الجواز لسا باقي وقت فستضطرين الى ارسال رسالة للسفارة وتقولين انك بتغيرين الاي تونتي .. وتتوقف الفيزا ثم تراسلين معهد غير متكدس وتجيبين اي تونتي ثم تكملين اجراءات الفيزا ... بس انتبهي .. وقتها راح يكون المعاهد الكويسة كلها تكدست لان الطلاب راسلوا افضل المعاهد وجابوا قبولهم وبدأو بالفيزا وانتي لسا .. فراح تضطرين تجيبين اي قبول معهد ..

2- اما إذا بدأتي باجراءات الفيزا وتم اصدار الفيزا على المعهد وطلع متكدس .. فبتكون مشكلة اكبر بكثير .. بحيث لن يتم اصدار قرار ابتعاثك حتى تأتين بقبول اخر .. والمشكلة فيزة امريكا لايمكن تغييرها الا لما تروحين تدرسين على المعهد التي صدرت من اجلها في الأول !!!!!!

فتصيرين في مشكلتين .. الاولى الوزارة تقول مالي شغل فيك ولا فيه اصدار قرار للابتعاث الا تغيرين المعهد والثانية ان الفيزا تقول مافيه تغيير لين تدرسين في معهد اللي قبلك في المدة حقتهم .. والمعاهد هناك لن تقبل بتغييرك لها الا بعد ان تدرسين فيها على الاقل ترم .. وهو يختلف قد يكون شهر او 3 شهور !!!!!!!!!!!!!!

وهذا يعني انه لازم تروحين لامريكا بعد اصدار الفيزا وتدرسين على حسابك هالشهر او الثلاث شهور ثم تغيرين المعهد من هناك وبدون ماتسوين اجراءات الفيزا .. وترجعين للرياض وتصدرين قرار ابتعاثك ثم ترجعين وتفتحين ملفك من هناك وكأنك لسا وصلتي ..

بس انا سمعت انه في المرحلة السابعة ساعدتهم الوزارة لان الوزارة اول مره تسوي هالشي فصارت لها هالمشاكل .. واصدرت لهم قرار الابتعاث حتى على معاهدهم المتكدسة وكلمت الملحقية فدرسوا الطلاب هناك المدة التي يطلبها المعهد ثم حولوا على معاهد اخرى ..

المصيبة هو ان بعضهم يأتي بقبول معهد بالضمان المالي حق الوزارة .. ويحصل ان المعهد يتكدس .. !!!! فلازم المتابعة المستمرة .. وهذا موضوع لاحدى طالبات المرحلة السابعة .. http://www.mbt3th.us/vb/forum149/thread337344.html

طبعًا جزء من الرد هذا هو نسخ لرد سابق لي في هذا الموضوع لكن حبيت انظمه اكثر عشان ماتتلخبطين

لا مكو متكدس متاكدة اخواني يدرسوا فيه ذلحين

المسألة مو على متكدس الان او لا .. المسألة انه ممكن يتكدس بعدين ..

ولو انتي محرمك واحد من اخوانك اللي في المعهد هناك بيكون لك استثناء على التكدس في كل الاحوال ..

اخواني سالوا وقالولهم الان ما احد جاجز بشكل كبير على يناير فاذا حجزت الان افضل عموما انا راسلت وخلاص ما باقي الا ارسل شهادة البنكية والشهادة

مشكور مرة ثاننية

شششكراا جزيلا ع الموضوع ..

ولدي سؤال مرتبط بالموضوع ويهمنا جميعا ..

وهو متى نقدم ع الفيزة ..؟!؟!؟؟! < شايل همها
وهل بتطول علينا أو بسيطة اجراءاتها ..؟