حوار همومك ومشاكلك اخي المبتعث اختي المبتعثه ( ما قبل امر الصرف )

والله و أنا أخوك ما عندي ذيك المشاكل المعقدة لكن ..
عندي أمرين وقاعد أحلهن على روقان ..

الأول / وهو إني كيف بقنع شركتي بالإستقالة لإنهم رافضين هالشئ تماما ويمكن يحشروني في بنود العقد حقي .. الله يستر بس !
الثاني / الوالدة قعدت لي شوي وقالت ( شوري عليك " طبعا رأي مؤكد " يا وليدي ما تسافر إلا و أنت مملك ) يعني تملك ثم تطلع وتجي بعدين تتزوج !

والله بس هالشيئين هم أكثر شيئين متعبيني مدري كيف أقنع الوالدة إني ما أبغا أملك أو أتزوج هالحين بصراحة ماني فاضي
أتحمل مسؤولية شخص ثاني معي بالإبتعاث و أنا جاي أشد حيلي و أدرس ..

من ناحية المخالفات ما علي الحمد لله .. الصرف متيسرة يالله لك الحمد ..
المعاهد ما أخترت للحين لإني إلى الآن ما حددت المدينة بشكل واضح ..
وأنا حاليا قاعد أجمع أكبر قدر من المدن الكندية و الأمريكية المناسبة للعيش و الدراسة ..
في حال إني انتهيت من بحثي عن المدن راح أبدأ أبحث عن المعاهد الممتازة فيها ..
طبعا أبي شروط مدينتي كالتالي " في حال توفرت كل الشروط " :

رخيصة إلى حد ما مناسب يعني ..
فيها أكثر من جامعه ..
تكون مدينة فيها أماكن ترفيهيه بس مو إلى حد الصخب ..
يكون فيها وسائل مواصلات كثيرة ..
مايكون فيها عرب واجد ولا سعوديين ..
ما يكون فيها عنصرية كبيرة ..
يكون حولها ريف يشرح الصدر >> ناوي يكشت هههههههآي

أشكرك على موضوعك أتمنى أني أفدتكم ..