أي واحد تدور فباله فكرة(أروح وأبتعث وأرجع ولا ألقى وظيفة) أبيه بكلمة راس لا هنت

كلامك جميل ..لكن التخطيط والنظر للمستقبل شيء اجمل

الناجح اللي يعرف ايش بيكون بعد خمس سنوات

مثلا مو كل من طلع بعثه بيكو افضل من اللي جلسو وتوظفو ..والعكس صحيح

بالنسبة لي انا حابه اكمل دراستي واتعلم اكثر
لسى فيه اشياء ودي اعرفها . ومو حاطه ببالي ان الهدف الاساسي ورى الدراسه هو زيادة الراتب
على العكس حسب ما اعرفه ان الماستر ما يزيد الراتب عن البكلريوس غير 500 ريال تقريبا

بس ادعو لي ان ابوي يغير رأيه ويخليني اكمل دراسه بدل كوابيس البحث عن وظيفه في الخيال :(

وماتوفيقي الا بالله عليه توكلت وإليه أنيب

اقتباس:

---

المشاركة الأصلية كتبت بواسطة bosasha

التخصص مو كل شي بالحياة !!!

ولا هو الي يحدد مسار حياتك

ولا تسمحين له يكون مسار حياتك معتمد على تخصصك !!!


والحياة مو شي تقليدي ,, لازم الكل يصير مثل بعض

وقصة حياتك أنتي الي تصيغينها
وأنتي اللي تتكيفين مع الظروف بطريقتك !!


وما يمنع ان الواحد ياخذ تخصص ثاني ويدرس بكالوريس جديد !! بالتخصص الي يبيه !!

---

مسألة اني اخذ تخصص ثاني هذا مستحييل
من الغباء اني اضيع الاربع سنين اللي درستها واخليها تروح سدى ولااستفيد منها " شوكه ومضطره ابلعها

انا مااهوجس بالوظيفه ولااحب سنه تضيع على الفاضي وماسويت فيها شي , انا حابه ادرس واكمل
لكن مشكلتي الهدف ! ماني عارفه وين بوصل ؟ ولافكرت اخطط لنفسي مستقبل واشوفه قدامي وامشي عليه مثل ماسوى الكل :"(

التفكير بالمستقبل شي منطقي وذكي وجيد


لكن أنا أتكلم عن الي يحطون هواجيس وهمية ,,, !!! انه ما رح يتوظف ولا شي !!

اقتباس:

---

المشاركة الأصلية كتبت بواسطة S.O.N.Y

الاخ اللي بيستقيل من ارامكوا وش اسبابك ؟
لا يكون علشان التنافس عالي بين الموظفين
- - - مشاركة محدثة - - -
ارامكوا عندهم اصلا برنامج ابتعاث
ارامكوا رواتبهم عاليه
بكلريوس 15 الف
ماجستير 30 الف

انا قالوا لي تعالي توظفي و نبتعثك -> بس عاد بالظهران واهلي مقيمين بالرياض

---

ارامكو صح ان عندهم نظام ابتعاث بس مو للموظفين ،،، للخريجين الجدد غير

موضوع ايجابي في وقته !

يعطيك العافيه

اقتباس:

---

المشاركة الأصلية كتبت بواسطة Fahad Al-Dossary

انا موظف في ارامكو خدمت خمس سنوات طبعاَ دخلت بشهادة الثانوي ودخلت نظام التدرج ال ـ ITC

يعني درست سنتين على حسابهم و وقعت العقد معهم


بالمختصر طول هالفتره كل اللي بمثل وضعي يذوق الذل والمنه على هالسنتين اللي درسوه فيها مع انه تتخرج منها فني او عامل صيانه

يعني الطبقه العامله بارامكو اللي ما في اقل منها


مروا علي الناس اللي بشهاداتهم والمناصب العاليه وشفت وتعلمت كثير .. ولاحظت من اللي قبلي


ان كل اللي مثلي ظلوا على وضعهم وبالعكس كل ما اجتهدوا كل ما ثبتوهم باماكنهم واغروهم بكم قرش زياده ما يجي مقارنه ولا ربع زيادة المهندس او الموظف بالبكالريوس


فرجاءاَ اللي مو في ارامكو ومجربها بنفسه وعاش تجربة الوظيفه بالثانويه فيها .. لا ينغر بالسمعه ولا يجي هنا يحطمني

انا ماني راجع الا ب بكالريوس هندسه بإذن الله وراح اوفر تعب 25 سنه قدام


يعني برجع اقدم فيها على ارامكو بالمنصب والتخصص اللي ابي واشفي غليل هالخمس السنين اللي عانيتها معهم كموظف ب(الثانوي) .

---

ماششاااء الله تبارك الله

وش اقول انا بس .. بصراحة ارفعلك القبعععة واحييك

تفكيرك ممتاز .. ابدأ ولاتلتفت لورى

اعرف واحد نفس موضوعك ووالحين في امريكا يدرس بكالريوس هندسه طبعا بعد مااحوش مبلغ وقدددرره وواستقال

وعمر الطموح مايوقف عند حد معين

ددعواتي لك بالتوفيييييييييق والسدااااد

هذا الكلام الي انا دايم اقول لاخواني الموجودين معي بمقر البعثة دائما احنا نتناقش معاهم حتي قبل شهرين تخرجت دفعة من هوبارت باستراليا ولقيتهم كلهم شايلن هم الوظيفة والي يقولوون كلام زملائنا لهم سنه وسنتين ما حصلوا وظائف ،
وقبلها بكندا الي تخرجوا
كانهم من جد يعلمون الغيب سبحان الله ،
ما ادري كيف اجل لو توظفوا ايش بيسون في الناس انا هذا الي مخوفني فيهم طبعا انا ما اقصد الجميع الا من رحم الله لكن وين الفائدة العلميه والثقافة الي تعلمها والامور الحسنه الي جابها هل احنا اخصنا النية في علمنا الي تعلمنها ؟
طيب انا ليش تغربت وسافرت واجتهدت وحاربت نفسي عشان اتعلم واستفيد وافيد مجتمعي وافيد عائلتي ، احنا وين عن هذه الاشياء .
يا اخواني ويا اخواتي الارزاق بيد الله سبحان وتعالي ، احنا الي علينا نجتهد وناخذ بالاسباب فقط وندعوا الله سبحانه وما ننسي فضله علينا او علي اخواننا واخواتنا وزوجاتنا وازواجنا وحتي علي ابنائنا الي تعلموا واستفادوا وصرنا نفتخر فيهم .
عددنا صار كبير كمثقفين ومتعلمين ، بس نحتاجهم في تعليم الاخرين صحيح نعتبر اقليه ولكن هؤلاء الاقلية لابد عليهم انهم يفيدوا ويستفيدوا من علمهم وحتي ولو بالمجان لوجه الله سبحانه وتعالي ،
وسلامتكم
ومشكورة اختي علي الموضوع بصراحة موضعك جميل جدا جدا جدا

كلام رائع جداَ جميللل اهنيككك ع ها الموضوع بصراااااااااااااااااااااااحة