سلام عليكم
تعجبني الطاقة الإيجابية الكبيرة اللي عندك وأحثك ع المزيد
الى الأمام وأنا أختك ولا تطالعين ورا بكون وراك ادفك..
بس خلينا نحسبها شوي ..
خمس ولا ست سنين من عمرنا سياحة؟ ليه العمر وشو صورة مع طبيعتهم؟؟!!.. طبيعة تخرش .. وناسهم سنعة تعاملها حلو مع السعوديين.. اي سعوديين انا وحدة منهم تعاملهم السنع اللي يتمننون علينا فيه ما نبيه احنا جايبين السنع ويانا ولو ان البعض ضيعه بس فينا الخير ما مشت علينا (التغريبة)
الثقافة والمعرفة ماتجي الا بالغربة .؟ ما تجي الا وانا احسب كل لقمة بفم اولادي؟!
انا ما اعرف انتي وش كثر لك بأمريكا يمكن اكثر مني يمكن اقل.. لكن انا لي بامريكا سنة واكثر شي بسيط اعتبره بس مواقف مرينا فيها كثر ماهي تصقل شخصياتنا وتعلمنا امور ماتخيلنا نتعلمها بهالطريقة وبهالمكان الا ان بعضها كان يخليني وغيري اعرفهم كثير نقول ( لا امريكا .. لا البعثة.. لا المعرفة الثقافية اللي ما بنلقاها الا بامريكا وغيرها لا السياحة ولا الطبيعة تسوى علينا)
انا فعلاً اهنيك كلماتك وسعت صدري الله يعطيك العافية عليهم
بس خلينا واقعيين شوي..
شنو يعني يجي آخر الشهر وانا مدري بكمل احتياجات طفلي ولا لا..
شنو يعني اقدر اسدد حق حضانته اول اسبوعين والباقي اقتصه من باقي الميزانية لأني ابي انهل من نهل علمهم ولا ابي اشيل ولدي بظهري بجامتعهم ولا ابي يرمونه بالشارع .. ع فكرة الأخيرة هذي عندهم مستحيل تحصل شي جميل صح؟؟ طيب شنو يعني انك تحسين بلدهم تشاركك في كرامتك وفي اطفالك..
لا يطيح ويتعور!! يمكن ما يكبر ويمكن اطلع انا ام فاشلة وياخذون مني اللي تغربت عشانه ( ابني.. وطنيتي.. وكرامتي وللأسف خذوا من البعض الأهم دينهم) .. لمن بعطي علمي ولمن بصرف فلوس الوظيفة ... اهاااا جينا لشي ثاني...
شنو يعني شبابك يروح ورا شاشات الانترنت عطال بطال بعد ما نهلت من العلم الرائع طبعا بامريكا وغيرها ونشرت علمك الرائع هنا وهناك ومالقيته يأكلك لا انت ولا اللي جابوك ولا اللي بتجيبهم عيش ناشف .. وان كنت موظف شنو يعني انك تكون بأول السلم ولا رقيت خطوتين يرقى الأجنبي قدامك عشر ويطالعك تحت مبتسم ويقول ( أقولك شي من خبرتي هنا .. لسى قدامك كثير .... ييييه انت لسى يادووووب بالبداية)
شنو يعني تشوفين شباب بلدك مو قادر يمد يده لأهله يصرفون عليه ولا قادر يجيب الوظيفة مو اي شي لكن اللي يستحقها لأننا نستحق الكثير .. بس للأسف بحادث سيارة في شرق الرياض مثل العطشاان من سنين ما لقى يشرب .. يجمع قد ما يقدر لين يصير حادث ثاني .. بالضبط كأننا قطاع طرق..
كيف تقولين لشاب طالع ويا اسرته للغربة تارك وراه امه وابوه وهو يدري مالهم غيره وهم اللي تمنوله يسافر بس يحقق طموحه ... ويصبر على الغربة وهم الغربة والطبيعة الحلوة المرة ويرجع يلاقي انه تغرب سنين لاهو اللي سواله تجارة مثل ماقلتي بهالسنين ببلده ولاهو اللي رجع ولقى هالطموح ينتظره
قوليله لا تشيل هم الوظيفة .. أنا شخصياً ما تجرأت أقولها لكثير أعرفهم ع الأقل مو بهالصراحة
انا مع انه الإنسان يكون عصامي.. ايجابي.. طموح.. قوي.. يصنع مستقبله بنفسه لأن المستقبل ماله رجلين يجينا لحدنا .. بس كمان مع انه يكون واقعي ويعرف انه اذا احلامه لها جنحان وتطير .. هو ماله الا الأرض اللي نبت منها فاذا سقاها قطرة عرق وقطرة دم لازم تسقيه كراامة.. كرامة روح وكرامة فلوس لأننا ما ناكل مبادئ ولا كان انقرضت البشرية ولا توارثنا لا مبدأ ولا علم ولا ثقافة ولا مال
أما عن الإبتعاث كتجربة فدعيني أفند الأمر كالتالي
الشاب / الفتاة .. فينا .. مو فار!!.. ايه ببساطة كذا مو فار
تجربة رائعة لمن يمتلك مقومات خوضها واستخلاص النتائج الجيدة منها وليس الجميع كذلك .. يمكن انا وانتي وهي وهو وكم واحد معانا طلعنا بنتيجة جيدة منها
لكن
شاب من المرحلة الثانوية طلع منها محشش
فتاة بلا وازع ديني طلعت منها (......)
رجل شايل معه من بلده للغربة حقائب ضغوطات نفسية طلع منها مجرم
عائلة غير ملمة بحيثيات هذه التجربة طلعت منها فاقدة طفل ميت والآخر تم تبنيه في بلد الإبتعاث
عائلة أخرى اساساً جذورها مزعزعة طلعت منها مفككة والجانب الأضعف استولت عليه حقوق الانسان بالخارج بمعنى كلمة استولت
حتقولوا لي هذي حالات فردية وكل واحد المفروض مسؤول عن ذاته ( المؤمنون جسد واحد )
ارجع اقولكم شباب وبنات بلدي مو فيرااان
كل تجربة لها علماء يحركون خيوطها واخرون يدعمونها ولها اهداف منشودة .. اذا فشلوا في تحريكها وتوجيهها ودعمها ... فشل عموم التجربة وما حصلنا الأهداف
احسبولي كم للبعثة سنة مفتوحة؟؟ كم طالب وطالبة تم ابتعاثه خلال هالسنين؟؟!! كم اللي رجعوا بشهادات؟؟!! مثل هالأحصائيات من المفترض تكون معدة لنجاح اي تجربة
هل يعقل للحين مو قادر يتطور مجتمعنا بشكل جيد اولا معرفيا ثانيا علميا وانتاجيا على كل الأصعدة.. مو قادرين نقلل بشكل ملحوظ نسبة البطالة؟؟ مو قادرين نشوف نص الشباب اللي ببرامج الشاتات والانترنت يدور حب متزوج .. مو قادرين نسيطر ع مشكلة الفقر.. الخ الخ الخ
اذاً اما ان الابتعاث محتاج اعادة برمجة او الغاء او انه هي هذي اهداف التجربة الفذة وتم الوصول اليها.
انا وحدة الحمدلله لا أعاني قصور مادي ولا عقلي ولا نفسي ولا ثقافي لكن أعاني من مشاهد ومواقف يمر بها غيري وانا ايضا بشكل مباشر او غير مباشر ..
تحياتي لك خيتو
حُلم لا يهدأ November 16th, 2012, 01:11 PM
قرأت الموضوع بالكامل
وبصراحة حسيت انكم تبالغون وتتعبون انفسكم
انا لولا زوجي والله ما افكر بالبعثة لكن وش اسوي به طاير بالبعثة واعطاني محاضرات طويلة وعريظة عن فوائد البعثة دراسيا واكاديميا وحياتيا ودينيا وووو كلام كثير
هو دايم يعصب علي ويقول ليه انتي ماعندك طموح زي العالم ؟ وانا بصراحة اشوفه ماعنده قناعة خلاص هو معلم وش يبغى بعد ؟ يقول ابغى اصير دكتور لا ومدير جامعة !!!
طبعا هو مرافقي واتفقنا على انه اول ماينظم للبعثة ارجع انا بلا دراسة بلا بطيخ معليش لاتزعلوا مني رغم اني شاطرة بالجامعة