أي واحد تدور فباله فكرة(أروح وأبتعث وأرجع ولا ألقى وظيفة) أبيه بكلمة راس لا هنت

اااااااااااااااااااااه جبتيها على الجرح انا اللحين كل همي اكون متعلمه وعندي شهاده قويه
والله الذي لاإله إلا هو مافكرت بالوظيفه ومااهتميت لاكن ابوي وزوجي وش يفهمهم كل همهم هالوظيفه واخاف اقول انا ماهمتني الوظيفه ثما يقولون لي اجل مو لازم هالدراسه بس تعب على الفاضي
هذولي وش الحل والا الكلام اللي يقنعهم برايكم

بصراحة نحتاج مثل هالتشجيع والكلام الجميل
اشكرك وكلامك مافيه شي خطا بالعكس
انا كميتعث بستفيد اشياء في حياتي كثيرة جدا بغض النظر عن الشهادة للي يقول ماراح توظفك !!

طيب واللي متحطم من اول مادخل الجامعه وش يسوي /:
مو عاجبني تخصصي مدخليني على كيفهم لان معدلي ماكان يسمح بالتخصص اللي ارغب فيه ,
حاولت احبه بس ماقدرت والحين تخرجت بمعدل حلو وغصبآ عني اكمل ماجستير بنفس تخصصي /:
ومو عارفه اكمل ماجستير بأي مسار من مسارات تخصصي من كثر ماني مشتته ولاعندي هدف "
ولأني عاطله لي سنتين البعثه هي الحل الوحيد لي :/ ممكن اللي مسعفني اني شاطره وعارفه اني برجع بمعدل مرتفع لكن
مافكرت وين ممكن اتوظف ولا وشهو المسار اللي مجاله المهني مرغوب عندنا ابددد على قولتهم " امشي وادربي راسي "

يعني بإختصار الطموح مقتول عندي من زمااان الله المستعان

أنصحك تقرينهم رواية الأمير الصغير ( موب رواية للأطفال تراها )

تصور تفكير الرجال المعتمد على الأرقام ,, والمادي البحت .. !!

ربما يقتنعون !!

التخصص مو كل شي بالحياة !!!

ولا هو الي يحدد مسار حياتك

ولا تسمحين له يكون مسار حياتك معتمد على تخصصك !!!


والحياة مو شي تقليدي ,, لازم الكل يصير مثل بعض

وقصة حياتك أنتي الي تصيغينها
وأنتي اللي تتكيفين مع الظروف بطريقتك !!


وما يمنع ان الواحد ياخذ تخصص ثاني ويدرس بكالوريس جديد !! بالتخصص الي يبيه !!

يعطيك العافية أختي ، وشكراً علي رفع المعنويات

بصراحه كلامك رااااائع

انا عني امنيتي اكمل الماستر ماخفي عليك اشيل هم الوظيفه بس كل ماشفت حماس زوجي اسسسكت اقول حتى لو ماتوظف لا انا ولا هو اهم شي

يوصل اللي يبيه زوجي من عرفته وهذي امنيته انه يكمل دراسته لانه يحب العلللللم مررررره ولا سمحت له الظروف من كل النواحي عشان كذا ودي ياخذ هالشهاده باللي هيبه مع العلم من كثر ماهو يبي العلم بيقدم استقالته لانه موظف وظيفه حكرته بالعلم وهو مجنووون علم وسببت له عقده وعندي قناعه تااااااااامة انه في يوم من الايام بيكون شي عظيم

تصدقين على ان هالشي يمكن يضرنا انه بيستقيل الا اني داعمته قلبا وقالبا


شكرا على كلامك الجميل جدا

الله يجزاك الجنة
كل مافتحت موضوع البعثة مع احد حبطوني ... " تسيبي اهلك وبلدك وعملك عشان بعثة ... ترى كثير ناس راحوا ورجعوا فاشلين ماكملوا ... ناس رجعوا ومالقوا وظايف ... تزوجي واجلسي في بيتك احسك ..... الخ من الكلام السلبي

والله وانا طبعي قلوقه مع اني جدا متحمسة للدراسة .. حابه اتعلم تعليم افضل من اللي تعلمته بكثير في تخصصي
غير انها تجربة راح تغير في حياتي وفي شخصيتي اشياء كثير انا محتاجه هالتغير

نظرتي للبعثة متفائلة جداا جدااا .. انا لسى في بداية عمري وحابة أسس نفسي واتعلم واتعب على نفسي صح
وبعدها المستقبل بيد الله ... مدام انا اجتهدت وتعبت راح الاقي نتيجة تعبي ... ربنا ماراح يضيع تعبي ابداا

كلامك جميل جدا بصراحه في البدايه كنت خايفه بس بعد قراءه موضوعك
صارت عندي عزيمه وتفاؤل في خوض تجربه جديده

تعجبني < باختصار حبيبي