السلام عليكم ،،
اخواني انا عندي مشكلة بسيطة اللي هي ،، اني اختبرت ايلتس لاكن كان الموعد 11 اوغست والنتيجة تطلع بعد الاختبار باسبوعين عالأقل ،،
المهم رحت واستلمت النتيجة والحمدلله كويسة ،، وصلت البيت فتحت الملف حقي وجيت عند البيانات الاكاديمية نزلت عند اختبارات اللغة ابحط نعم !! ما فيه الملف غير قابل للتحرير !! ليه ؟ لانها فترة التقيق والملفات كلها تغلق من ناحية التعديل او الاضافات ..
ما علينا ،، جا موعدي يوم 11 سبتمبر !! رحت للتدقيق بالرياض وجبت معي الأصل ونسختين ،، كملت الملف اللي عطوني اياه ورتبته ورحل للمدقق ،، عطيته الاصل والنسخ ،، اخذ النسختين وعطاني الأصل لأختبار الايلتز ..
قلتله وش النظام ارفع طلب تعديل ؟؟ قال لي لا ما يحتاج انا اعدلها من عندي !! ،، طلعت من عندهم مستانس !! بعد ثلاث ايام جاني الحالة بالملف "تم تدقيق طلبك" ،، استانست كالعادة ورحت للبيانات الاكاديمية واشوف !! والله ما فيه اختبارات لغة .. جتني صدمة وقهر ههههههـ !! ارسلت على ثلاث ايميلات وقدمت الشكاوي والاقتراحات كتبتلهم مرتين !! ولا فيه فايدة قلت خلني اروح الوزارة !! قمت لهم ورحت وصلت وعطيتها موضف نسختين وشاف الاصل ! قال تمام ممتاز واخذها واشوفه حطها من تحت باب مدري وشو يمكن قسم النساء !!!! طلعت من عندهم وإلى يومك ما دخلوها ! فااا وش تشورون علي ! هل اروح وانشبلهم ولا ارسل ولا وش الحل وش رايكم ؟؟
والله يعطيكم العافية ،،