حوار نصيحة ثمينة قبل تختار تخصصك

ليا عودة إن شاء الله بكم تخصص باستشيرك فيهم ان شاء الله
والله يكتب لك الاجــر ويرزقك من حيث لا تحتسب

كلامك صحيح

بس أنا موب مرة متفائلة بالتوظيف الحكومي

وبالنسبة للهندسة المعمارية ,, أقدر أفتح مكتب استشارات هندسية وأخلي كل زبوناتي (نساء)
خصوصا ان الهندسة المعمارية ما فيها عمل ميداني !! صح كلامي ,, ولا لأ ...


وأما لو ددخلت مجال الطاقة والبيئة ,,, فأملي الوحيد ,, مدينة الملك عبد الله للعلوم والتكنلوجيا أو مدينة الملك عبد الله للطاقة الذرية والمتجددة ... ومثيلاتها
المكان الي أقدر أوسع فيه بحوثي والخ ...



ياليت تصحح لي إذا كان فيه خطأ بمعلوماتي !!

international development

جميل جدا ...

أنا حتى فيه كان مشروع ... شاطح آخر شوي براسي

اني أصير أطور السكنية الفقيرة ,, وكذا ,, هنا وبالعالم ...

كذا مشروع خيري ,, بعدين

ربي يسعدك ياشيخ ويعطيك العافيه ماقصرت والله


انا انسان ميولي فنية بالدرجه الاولى ،، اعشق التصميم والتصوير والديكور والمجالات الفنية بشكل عام
وليا فتره اعمل في مجال التصميم والتصوير كوظيفة حرة Freelancer
كنت اتمنى ادرس مجال فني في مرحله البكالوريوس بس للاسف التخصصات الفنيه غير متوفره في السعوديه

فـ اضطريت ادرس اي شي يجي قدامي ،، فـ ربنا اراد ودرست تخصص مااحبه

توي متخرج بكالوريوس (هندسة جيوماتكس) من جامعه الملك عبدالعزيز
ثاني دفعة تخرجت من هالقسم على مستوى الممكلة ( التخصص يشمل مجموعة تخصصات ومنها: GIS ،، Photogrammetry ،، Remote Sensing ،، Surveying )
في الدراسه كان اكثر التركيز منصب على الــ GIS وقليل من الــ Surveying ،، اما باقي التخصصات اخذنا عنها نبذة مبسطة جدااااااا ولاتعتبر شي يمكن ذكره !

الحمدلله معدلي مرتفع لكن مستوى استيعابي للتخصص والمحتوى مُتدنّي نوعاً ما !

وحاليا انا على رأس العمل في نفس المجال والحمدلله ،، بس ابدا مو داخل دماغي الشغل ،، طبعا بحاول اكتسب خبره كافيه خلال هذه الفتره الى وقت السفر ان شالله ..


وقدمت ماستر هندسة على امريكا والحمدلله تم ترشيحي ،،

والان انا محتار في التخصص صراحه ،، ايش اكمل ؟ في نفس المجالات الخاصه بالجيوماتكس (مع العلم بعدم رغبتي في هذا المجال ،، بس اذا حتكون الدراسة ممتازة والمستقبل الوظيفي ممتاز ممكن اضغط على نفسي واكمل فيه) ؟
(للمعلومية : اغلب طلاب الدفعه اللي تخرجو حاليا ماحصلو وظايف ! واللي حصلو وظايف اغلبهم بالواسطه ،، لان الشركات كلهم طالبين خبرات طويله ! ،، بس اتوقع ومجرد توقع انو خلال السنوات القادمه حيكون في استيعاب اكبر لهذه التخصصات)


ولا اختار تخصص اداري ؟؟ بحيث انو يكون تنويع في التخصصات ويكون عندي فرصه اكبر للترقيه في الشركات بعد التوظيف !

اذا اقترحت علي تخصص اداري ،، فــ هل التخصصات الاداريه تندرج تحت التخصصات المسموح فيها من الملحيقه ؟ مع العلم ان التخصصات المتاحه مو مسجل فيها اي شي اداري وانا اخترت تخصص (هندسه) !

واذا كان في مجال اني ادرس تخصص فني كالتصميم والتصوير وانواع الفنون بشكل عام ؟ فـ كيف اقدر ادرس هالتخصصات الفنيه وايش النظام بالزبط ؟؟





بالنسبه للولاية افضل كاليفورنيا بحيث اني اسكن في الضواحي زي سان ماركوس وغيرها من الضواحي اللي معيشتها رخيصه ومعقوله لاني حعيش هناك معتمد على ربي ثم عالمكافأه



اعتذر عالاطاله ومشكور مقدماً وجزاك الله خير

مرحبا استاذ عناد
انا سجلت بس عشان اسألك عن تخصص international development

افضل الجامعات اللي تعطي ماستر فيه وابي اسألك اذا هو يندرج تحت تخصصات ادارة الاعمال ولا المالية ؟
يعني لو حبيت ابحث عنه اذا موجودة في جامعة معينة اروح لقسم ايش ولأي كلية ؟

وشكرررررا

الله يوفقها يارب وييسر لها ,, أستاذ عناد أنا أفضل عندي أكمل ماستر تسويق على ماستر في المدينة والتخطيط الأقليمي
السبب :
1- ليس رغبتي . 2- يوجد العديد من الدراسات ورسائل الماجستير والدكتوراة في هذا التخصص في الدول العربية .
3- يوجد دراسة هذا في السعودية .

بعكس Gis
1- رغبتي .
2- ندرة هذا التخصص ودارسية .
3- لايوجد دراسة للماستر في السعودية سوى ج الملك عبدالعزيز ودراستة عن بعد!!
4- مجاله الوظيفي أكبر ( أكاديمي - هيئة المساحة.. - مركز الملك عبد العزيز...) أو حتى شغلي الخاص وأنا فبيتي لأي دولة .

فهل تعرف دراسة ع طول دكتوراه في هذا التخصص أو حتى ماستر أهم شئ الولاية آمنة ورخيصة ..

أكن ممتنة لك ..




لاحول ولاقوة إلا بالله ,, بالنسبة لذولي الأشخاص :
الله يهنيكم بقلوبكم أولا ..

ثانيا قبل ماتنصح الأخ عناد من باب أولى آنصح منتدى مبتعث وخلهم يقفلونة .. صح ماله داعي فاتحينة ومالة داعي تسجل فية !!
ومالة داعي نفتح كتب ونقرأ ومالة داعي العلماء يوثقوا أكتشافاتهم وعلومهم !! صح ..

لو كان البشر بتفكيرك هذا كنا لازلنا في مرحلة الجمع والألتقاط ..



وإذا المقصد مانبي الجامعة تزدحم .. عشان يصير لك مكان فيها ..
ممكن بحسن نيتك ربي يفتحها لك وتنقبل فيها وممكن هاللي تبي تردة
يكون صديقك ووممكن ربي يسخره لك يساعدك ..

سبحان الله يفكرون هالدنيا مسخرة بأمرهم ..!!




عموما الله يجزاك خير ياأخ عناد ويوفقك ويسدد خطاك .. ويرزقكك ماتتمنى يااارب
ممكن ماتدري هالموضوع وش كثر أضاف لي .. لكن إن شاء الله في ميزان حسناتك ياارب ..

تخصص الهندسة المعمارية ما انصحك فيه والعبرة بالمتخرجات من كلية دار الحكمة و كلية عفت

بنسبة لتخصص الطاقة والبيئة فمدينة الملك عبدالله للعلوم وتكنولوجيا تبحث عن حملة شهادة الدكتوراه المدينة عبارة عن مركز ابحاث اما مدينة الملك عبدالله للطاقة الذرية حتي الحين لم تبان ملامحها
بس انا اقولك ركزي علي بيئة العمل هندسة المعمارية وهندسة المدنية في اتجاه شركات المقاولات هذا المجال محتكر للذكور
لا ياخذك الاندفاع لتخصص تندمين انك دخلتيه.
خليك على مجال الطبي الا اذا تكرهين المستشفيات

انا متاكد ان يصلح لك تخصص Fashion Design

هههههههههههههههههههههههههههههههه
يمكن تكوني مصممه ازياء عالميه

international development

للمعلومية يدخل هذا التخصص لا يفكر في وظيفة يفكر في شي واحد كيف يقدم خدمة للبشرية
وانا كتبت قبل عن هذا التخصص

اذا صادقه وعندك العزم تدرسينه راح اكتب لك كلام كثير مع اني قبل كتبت عن اقسام التخصص افضل جامعة تدرسين فيها
اذا الامكانية المالية ماتقدرين على الولاية الغالية عندى ولاية رخيصة تدرس هذا التخصص

انا مع انك تكمل في تخصص حتي تتعين محاضر فرصتك كبيره جدا ان تكون عضو في هيئة التدريس احدى الجامعه
بل ان فرصتك كبيره جدا ان تعيين اثناء دراستك معيد لاحدى الجامعة.
وانت اعلم مني بالامتيازات التي يحصل عليها اعضاء هيئة التدريس بالجامعات

بعدين اول ماقلت لك تخصص جيوماتكس وتحب التصوير احس انك راح تبدع في تخصصك فيه علاقة كبيره بين هوايتك وتخصصك
انا اعرف جو الدراسة في السعودية غير جيد حتى الحين مالقيت احد يحب تخصصه خاصة متخرج من الجامعات السعودية
لا تقرب من التخصصات الادارية انت تخصصك حلو فيه ابداع انا متاكد راح تبدع فيه لسبب واحد هو حبك لمجال التصوير والتصميم
ولاية كاليفورنيا ولاية حلوة
بس ابي اسالك اي جامعة راح تدرس فيها احد شباب اعرفهم له مده يدور هذا تخصص في ماجستير
وجد اغلب المعترف فيه بس مرحلة بكالوريوس