-
استفسار.
السلام عليكم
اليوم وصلتني رسالة من ارامكو ابتعاث للصين وابوي قالي قدم ما راح تخسر حاجه وقلتله انه رغبتي طب وقالي قدم ما عليك وقالي لازم يكون عندك خيارات متعدده وزي كذا
وطبعاً انا قدمت بس سؤالي هل فعلا ما راح يآثر على ابتعاث الملك ولا اقدم رفض وخلاص ؟
-
رد: استفسار.
باذن الله ماراح ياااثر اسمع كلام ابوك ولاتخااف
-
رد: استفسار.
على حسب علمي بألية ابتعاث ارامكو ... بالنسبه لامريكا ودول اروبا
انهم ياخذون سنه تحضيريه بالشرقيه .. وبعدها يسافرون .. وكل واحد يعطونه تخصص معين يدرسه
لكن بالنسبه للصين ما اعرف وش التخصصات الي طالبينها ارامكو من ابتعاثهم هناك
وبيني وبينك ابتعاث ارامكو احسن من ناحية الامان الوظيفي .. بحيث انك لما ترجع تكون وظيفتك موجوده
ومثلك عارف ارامكو شركة بترول كبيره ... يعني لا تضمن يكون تعيينك بعد ما ترجع بمدينه كبيره مثل جده و الشرقيه والرياض
على قولهم يحطونه بقلعة وادرين محد درا عنك ... لكن كل شي بحقه .. ولك بدلات عليها
ياريت انك قبل ما تكتب الموضوع .. انك قرءات اكثر عن كل برنامج
مثلا برنامج خادم الحرمين الشريفين ... الايجابيات انك تدرس تطب و و و والخ
برنامج ارامكو للابتعاث ... الإيجابيات الوظيفه و و و و الخ
استخير .. وشوف انت وين ميولك ورغبتك ... والوالد الله يطول لك بعمره صادق
انت عندك خيارات كثير الحين .... ونصيحتي لك تدرس ايجابيات كل خيار متاح لك ... واختار الي تشوفه احسن
تمنياتي لك بالتوفيق
-
رد: استفسار.
اتوقع للاسف يأثر على قبولك النهائي والله اعلم
لانهم مشترطين مايكون عندك قبول في احد الجامعات + ماتكون موظف
يعني يبونك طالب فاضي ماعندك الا هم عشان يقبلونك
ربي يوفقك
-
رد: استفسار.
يالغالي انصحك ارامكو
لانك بتدرس كيمياء قريب من الطب اصلا
اضمن وظيفيا..
-
رد: استفسار.
والله انا زيك يا خوووووي جاتني على الصين وانهم فاتحين مجال للوظيفة في تخصص الكيمياء و حاجة ثانية بس صراحة ما دخل مزاجي ..دام ربي ما دخلني فيها من اول وما قبلتني في دول امريكا و اروبا اجل ليش ادوخ نفسي و ارجع لها و اروح الصين واتعلم لغة جديدة و صيني عاد تعال شوف كلامهم
عاد انا شوفت بما انو ربي ييسرها في ابتعاث الملك فانا اشوف انو هذا خير لي وربك كريم ما يكتب الا اللي فيه الخير