هذا المدن االامريكية .. هل جامعاتها مقفلة؟؟
السلام عليكم
ياجماعة بليييز ساعدوني من جد مني عارفة ارسي على بر وتعبت وصدعت ليا كم يوم وانا ابحث في الموضوع نفسه!!
هل الجامعات في المدن هاذي مقفلة ولا موصى بها من الوزارة ؟ لأني عملت بحث وطلعتلي انها مو مقفلة وخايفة يكون بحثي غلط
وهل تخصص الفيزياء النووية او اي فيزياء اخرى موجود بها ؟
اي معلومة عن دي المدن وجامعاتها ومعاهدها لاتبخلو عليا الله يرضى عليكم ويفتحلكم أبواب الرزق
مدينة أوستن (تكساس)
مدينة كولومبوس (أوهايو)
مدينة بولدر (كولارادو)
مدينة دنفر (كولارادو)
مدينة كلورادو سبرينغز (كولارادو)
مدينة ماكب (ايلينوي)
مدينة سياتل (واشنطن)
مدينة توليدو(أوهايو)
مدينة فيلاديلفيا (بنسلفانيا)
مدينة أثينيز (أوهايو)
رد: هذا المدن االامريكية .. هل جامعاتها مقفلة؟؟
اختي انتي ادخلي موقع وزارة التعليم العالي بعدين اختاري الجامعات الموصى فيها واختاري الولايه والمدينه بتطلع لك قائمة الجامعات الموصى فيها اضغطي عليها بتفتح لك ويطلع لك التخصصات المتاحه بالجامعه .. الجامعات والمعاهد مغلقه فقط بولاية فلوريدا باقي الولايات تكون فيها بعض التخصصات مغلقه لبعض الجامعات وتخصص الفيزياء مو من ضمنهم *
رد: هذا المدن االامريكية .. هل جامعاتها مقفلة؟؟
الله يسعدك ع الرد .. لكن وربي اني دخلت وحطيت اسماء ولايات قالو بعض الاخوان في المنتدى انها مقفولة للتكدس لكن ماطلعتلي انها مقفولة عشان كدا شكيت في نفسي
او انها مفتوحة لتخصص الفيزياء زي ماقولت ؟؟
ياريت احد يأكد من الاعضاء
رد: هذا المدن االامريكية .. هل جامعاتها مقفلة؟؟
عليكم السلام ورحمة الله وبركاته
أخــتي ما أعتقد أحد يقدر يجاوب على سؤالك لإن القائمة لسه مانزلت حق القائمات المعترف فيها لدفعتنا
رد: هذا المدن االامريكية .. هل جامعاتها مقفلة؟؟
وعليكم السلام ورحمة الله وبركاته ،،
اللي متأكد منه توليدو ودنفر موقفه للتكدس ،، ماكب ما اعرفها ولا قد سمعت عنها ،، وباقي المدن وضعها اوكيي ،، بس برضو إنتي شيكي على موقع الوزاة الجامعات الموصى ـآ بها ،،
لان بعض المدن او الجامعات تكون موقفه ماععدا تخصصات معينه ،، وخاصه لو كان طالب دراسات عليا لان الخيارات عندهم محدوده فـهم مستثنين من الكلام هذا ..~
رد: هذا المدن االامريكية .. هل جامعاتها مقفلة؟؟
اللي اعرفه فلوريدا متكدسه و مقفله ( ماعدا كم جامعه بس مدري هل مسموح الدراسه بها او لأ ) .
تكساس و كاليفورنيا متكدسين لكن مسموحين ( طلع كلام قبل فتره انهم قريب بيقفلوهم و الله اعلم ) .
احس كمان شويه و كل امريكا تتقفل زيها زي استراليا و بريطانيا .
رد: هذا المدن االامريكية .. هل جامعاتها مقفلة؟؟
الأخت الكريمة
لا يوجد جامعات مقفلة بالكامل ماعدا القليل, الصحيح هناك بعض التخصصات في الجامعة مقفلة بسبب التكدس.
وهذه اخر قائمة للتخصصات المغلقة في الجامعات المعترف فيها:
http://sacm.org/pdf/Oversaturated1.pdf