عرض للطباعة
السلام عليكم
انا طالب ثانوي بكالوريس مقبول في المرحله الثامنه ولله الحمد
المهم انا ابغى ادرس هندسه كهربائيه والبرنامج كله طب
انا سجلت علوم طبيه امريكا،،وانا ما ابغى علوم طبيه ،،،ايش اسوي ،،،اسوي طلب دراسه ع الحساب الخاص،،ولا اروح هناك واحول تخصصي
لانه الصراحه كلهم خوفوني قالو في ناس جالهم قبول علوم طبيه وحولوه لهندسه ..بعدها بفتره الوزاره عرفت والغت البعثه
صح هذا الكلام ولا كذب
..
تغير التخصص من اقل الى اعلى مقبول ان شاء الله
مثال: من علوم طبيه الى هندسه او من علوم طبيه الى طب ..
وفي ناس كثير سوو كدا و ماانلغت بعثتهم ..
واغلب اللي طالعين علوم طبيه وانا منهم ناووين يغيروا التخصص في بلد الابتعاث ..
موفق ..
أنا سألت الملحقية الثقافية بأمريكا
قالولي أول ما تاصل أمريكا ,, تقدم طلب تحويل تخصص ,, وتذكر الأسباب
وهم يدرسون طلبك !!
يعني لا تلغي الطلب أفضل ... هذا رآيي ,, وأنا مثلك أبغير لمجال هندسي أيضا باذن الله
ياحسين ترى العلوم الطبيه أفضل بكثير من الهندسه .. وفيه تخصص ( هندسه حيويه) مهندس اجهزة طبيه . اذا انت مصمم حيل ع الهندسه.. يكفي العلوم الطبيه رواتب عاليه وبرضو تخدم اهلك ونفسك دامك بالمجال الصحي والافضل من ذلك توفر الفرص الوظيفيه وبرضو لو كنت من جيزان او من عرعر او من تبوك او من حفرالباطن .. وظيفتك مضمونه جنب اهلك .. لكن الهندسه ( الجبيل الصناعيه او ينبع الصناعيه ) بالاضافه الى بعض المناطق المحدوده.. واغلب وظايف الهندسه قطاع خاص ...
مشكووورين يا اخواتي bosasha Dream!!
ما قصرتو والله اني ارتحت بعد ما تاكدت انه في ناس سالو وراحو الملحقيه
كمان انا قرريت انه ناس كثيير حولو وانتو كمان حتحولو ،،فكنت حاب اطمن بسس
شكرا جزيلا لكم
الاخ saudi_magic انا والله سالت عن تخصصك كثيييير ،،بس انا من جده ،،وكم ظنك تبدآ الرواتب في المستشفيات الحكوميه او الخاصه ؟بما انك سالت اكيد عندك الجواب ،،،وكيف التخصص وكيف فرص عمله وتسلم
الهندسة الكهربائية والميكانيكية و الصناعية ابعد عنها معد لها وظائف مثل اول انا متخرج من الملك عبد العزيز من 3 سنوات وما اتوظفت
اذا بتدرس هندسة افضل الاقسام المطلوبة هنا هندسة بحرية - هندسة البلاستيك - هندسة البولميرات -هندسة ميكترونكس هندسة مدنية وظائفها زي الرز ما تخلص ولو بعد 20 سنة اتمنى لك التوفيق
اقتباس:
المشاركة الأصلية كتبت بواسطة مهندس مكانيكي
يا رجال قوول خييييييير
أنا ناوي هندسة ميكانيكية
ياخي مجاالاااتها كثييييييير و مو شركة ولا شركتين اللي تطلبك !!
كثيييييير الشركات يا هووه