إخترت مدينة أو ولاية, تفضل

مآ أدري ليه الخوف هذا كله من السعوديين
وكأن وجود السعودي هوا اللي بيمنع الشخص من الدرآسة

وكأن السعوديين اللي في المدينه بيتجمعون في المدرج اللي بتهبط فيه طيارتك ويسوون حلقة عليك ويعطونك جوال مافيه الا ارقامهم
و يمنعونك من التواصل مع اي شخص غير سعودي واذا كان في احد يتكلم انجليزي يقومون يتكلمون عربي بصوت عالي
عشان ماتسمعه و ياخذونك ويسكنونك معاهم ويحرقون كتبك اذا طلعتها في البيت وحاولت تذاكر و يمكن يعدمونك
أو يحطونك في كرتون و يشحنونك

ترا مافي إي علاقه بين تعلم اللغه و وجود السعودي
الشيء اللي ممكن يضرك من وجود السعوديين بكثره هوا إنك تنخرط في فله مع الغير جيدين منهم وتنسى الهدف اللي جيت له
والغير جيدين ترا مو محصوره على السعوديين
هذا الشيء يرجعلك اذا ماكنت تعرف كيف تحدد طبيعه العلاقه مع الأشخاص الأخرين
كليات الطب و الهندسه واللغات و غيرها اللي في السعودية كل ابوها سعوديين وغالبيه طلابها لغتهم الإنجليزية جيده

موضوع تعلم اللغه هذا يرجع لك , أنت شخص بالغ وعاقل و راح تتعلم اللغه الإنجليزية منت طفل عشان نقول إنك غالبا راح تكتسب اللغه من محيطك
إنت غالبا راح تتعلم اللغه الإنجليزية كلغه ثانيه إستنادآ على لغتك الأساسيه تجاوزت مرحلة إكتساب اللغه من المحيط كالأطفال
( الأطفال يكتسبون اللغه بالإستماع والملاحظه أكثر من التعلم لكن البالغين العكس يتعلمون اللغه الثانيه إستنادا على لغتهم الأم ويصقلونها ويطورونها بالممارسه و التدريب
مع وجود بعض الإستثنائات لكن هذا الغالب )

وجود السعودي في المدينة اللي بتسكن فيها نعمه من الله لأسباب كثيرة

كثير منا ثقافته عربيه أو حتى سعوديه صرفه و البعض منا حتى مايتقبل ثقافات المناطق الثانيه اللي في السعوديه نفسها ويشوف إنها غريبه
الشخص اللي مثل كذا خصوصا لو كان غير إجتماعي لو ماوجد سعوديين يصبرونه مشكلة

السعودي مهم جدا في إرشادك و مساعدتك والسبب أنه شخص فاهم الثقافه اللي انت جاي منها و الأشياء اللي ممكن تكون غريبه أو ماتعرفها

وجود السعوديين بنسبه جيده يعطي إنطباع جيد عن المدينه و المعيشه فيها

وجود السعوديين مهم جدا إذا كان لديك مرافق كأب أو زوجه لا تريد الدراسه لإشغال وقته أو وقتها

وجود السعوديين يساعدك على التوفير و إيجاد الأفضل في السكن, الحضانات , المدارس , السيارات و المطاعم وغيرها
بالإستفاده من خبراتهم و في العاده الطباع متقاربه ومانريده إيضا قريب فنصائحهم تفيدك

وجود السعودي مهم إيضا إذا كنت في أزمه أو مشكله فالإستعانه بعد الله بـ إبن بلدك أسهل على النفس من الغريب

و هناك نقطه مهمه علاقات الصداقه التي تنشأ في الغربه هيا من أجمل العلاقات سواءا سعودي أو غيره
لكن الأجمل أن علاقتك بالسعودي ستكون أكثر صلابه لأنها بأذن الله دائمه

وجود السعودي مهم للتخفيف عنك ومساعدتك في مسأله الحنين للوطن أو الصدمه الحضاريه

و أمور غيرها يكفي إنك ماتكون غريب خصوصا إذا كنت أعزب ومالك ونيس

طبعا الأشخاص اللي لهم علاقات صداقه مع أجانب وثقافتهم يغلب عليها الطابع الغربي هؤلاء
ما اشوف عندهم مشكله سواء إذا راحوا مكان في سعوديين كثير ولا لا

و للأسف أنتشرت فكره إني أروح مكان مافيه سعوديين عشان أبغى اتعلم وللأسف كثير أتبعوا هاذي القاعده وماقدروا أصلا يعيشون ورجعوا
وعشان نكون منصفين كثير راحوا مدن كثير فيها السعوديين و ليتهم قعدوا في ديارهم

وفي النهايه ترا الأمور بأذن الله أبسط و أسهل و أجمل و أنجح و ما أشوف داعي للتوتر لكن من جد ذي النقطه فاقعه كبدي

والله يوفق الجميع لكل خير