سؤال :الــجـــامعات المــوصى بهـــــا ... ؟ تتحدث قائمتها أو لا ؟
هــل قائمة الجامعات الموصى بها تتحث مثل المعاهد؟
يعني جامعة موقوفة ... ممكن يفتحونها مره ثانية أو لا ؟
مثل : ARIZONA STATE UNIVERSITY - MAIN CAMPUS
لأن خطيبي بيحول قريب لإحدى الجامعات بـولاية أريزونا ؟!
و أنا الحين متورطة بالبحث عن معاهد و عن جامعة تجمع مابين تخصصي و تخصصه ؟؟؟؟!!!!! =(
فلو مثلاً حول لهذي الجامعة و خلصت انا المعهد أو لا سمح الله كان معهد الجامعة متكدس ؟؟؟ وش بيصير على موضوعي أنا ؟؟؟!!! وخوفي انهم مايسمحون له بالتحويل مره ثانية ؟؟؟!
بصراحة تعبت من الموضوع وكل يوم يزيد الإحباط عندي بسبب هالموضوع ؟
رد: سؤال :الــجـــامعات المــوصى بهـــــا ... ؟ ننحدث قائمتها أو لا ؟
من جد هل تتحدث القائمة حقت الجامعات الموصى بها ؟؟
رد: سؤال :الــجـــامعات المــوصى بهـــــا ... ؟ تتحدث قائمتها أو لا ؟
يا عزيزاتي .. الجامعات الموقفه .. تكون موقفه ع بعض التخصصات .. يعني ما تكون موقفه كليا ..
و فيه قائمه بهذي الجامعات و التخصصات ..
احطها هنا بعدين ..
بالتوفيق ..
رد: سؤال :الــجـــامعات المــوصى بهـــــا ... ؟ تتحدث قائمتها أو لا ؟
اختي المعهد هذا متكدس للتحديث الجاي
انا زيك راسلت الملحقيه قبل اسبوع ،،قالو للاسف حيكون متكدس
كنت ابغى جامعه ولايه اريزونا ،،
لعله خير ان شاء الله
رد: سؤال :الــجـــامعات المــوصى بهـــــا ... ؟ تتحدث قائمتها أو لا ؟
الجامعه غير موقوفة
ومافيها غير تخصص واحد موقوف اللي هو اندستريال انجنيرنق
اما المعهد مليان سعوديين للاسف وممكن يكون موقوف التحديث الجاي مثل ماقالوا
قبل فترة فيه طالب كان بيحول للمعهد وقالوا له المعهد موقوف الا اذا معك قبول في الجامعه نفسها بنحولك
اما اللي جاي من برى السعودية الى الان مفتوح بس احتمال كبير يقفلوة لانه فيه كثير سعوديين
بالتوفيق ان شاء الله
رد: سؤال :الــجـــامعات المــوصى بهـــــا ... ؟ تتحدث قائمتها أو لا ؟
؟؟؟؟ وين القى الجامعات والمعاهد الموصى بها يا ليت تطرحو رابط
رد: سؤال :الــجـــامعات المــوصى بهـــــا ... ؟ تتحدث قائمتها أو لا ؟
اقتباس:
المشاركة الأصلية كتبت بواسطة لهومه 2012
؟؟؟؟ وين القى الجامعات والمعاهد الموصى بها يا ليت تطرحو رابط
في موقع الوزارة الجامعات الموصى بها
رد: سؤال :الــجـــامعات المــوصى بهـــــا ... ؟ تتحدث قائمتها أو لا ؟
أختي الكريمة ضعي تخصصك في ايقونه التخصص في رابط الجامعات الموصى بها وحددي المرحلة اللي بتدرسيها وحددي الولاية ومن ثم اختاري وضع الجامعه غير موقفة. راح تطلع لك كامل الجامعات الغير موقفه وغير كذا معناه الجامعه موقفه اذا لم تظهر في الخيارات
رد: سؤال :الــجـــامعات المــوصى بهـــــا ... ؟ تتحدث قائمتها أو لا ؟
الأخت الفاضلـة
لنفتـرض أن التخـصص زوجـك مـوقـوف وتخصصـك غيـر مـوقـوف في الجامعـة, الملحقيـة تسمـح لـزوجك في الدراسـة في تخـصص مـوقوف وذلك لسـبب وجـود المحـرم والمبتعثـة الاساسيـة في الجـامعة.
المهـم في المـوضوع أن يكـون التخـصص معتـرف فيه !
قضيـة الإغـلاق قـابلـة للنقـاش وهنـاك استثنـاءات..وأرجـو أن تكـونا منهـم بمـا ان المبتعثـة الاساسيـة دراستهـا في الجامعـة..
أعـرف شخصيـاً طـالب سمحـوا له بتخـصص مغلق بحكـم أن زوجتـه تدرس في الولايـة ولايستطيـع تغييـر القبـول
في أمان الله