رد: الي محتاج مساعدة في مراسلة الجامعات والحصول على القبول يتفضل
للتنبيه والكلام للجميع
اتذكرت شغله مهمة مهمة
الان المعاهد والجامعات الامريكية تطلب تطعيمة معينة للي عمره اقل من ٣٠ سنة
بالاضافة الي تطعيمه كلنا اخذناها واحنا عمرنا ٩ اشهر او سنة اعتقد واسمها MMR
المهم ان كل واحد يجيب معاه دفتر التطعيمات حقه ويكون مختوم
تقولي فين احصله او ضاع روح لاقرب مستوصف وطلع بدل فاقد ... انا مطلع واحد من المركز الصحي الي في الحي الي انا ساكن فيه في المدينة المنورة
قلتلهم ابغاه عشان الدراسة في امريكا ... عبوه وختموه بناءً على ملفي الي من زمن جدي
واحد من الشباب معايا جاء هنا واتطعم التطعيمتين ب ٦٠٠ دولار والله
تووو متش
رد: الي محتاج مساعدة في مراسلة الجامعات والحصول على القبول يتفضل
اقتباس:
المشاركة الأصلية كتبت بواسطة ام غدوو
ياجعلك للجنه قول امين ولايردلك الله دعوة فرجها عليا الله يفرج عليك كربة من كرب الاخرة والله ماسرت انام من التفكير اخاف تتقفل المعاهد وانا لسا موعارفة اسجل
انا ابغى معهدSpring International Language Center - في ولاية كولورادو مدينة دنفر وموعارفه كيف اقدم عليهم اخاف يقفلو وانا لسا بلهاء ابغا الدراسه تكون بشهر اغسطس2013
الله يجزاكي الف خير عالدعوة ولكي بالمثل ان شاءالله
ماقدرت اتخطى ردك بدون ما اعلق عالدعوة .. فهي مكسبي من هذا الموضوع
- - - مشاركة محدثة - - -
اقتباس:
المشاركة الأصلية كتبت بواسطة سوسو11
الله يجزاك خير اخوي ...
واياكي ان شاءالله
رد: الي محتاج مساعدة في مراسلة الجامعات والحصول على القبول يتفضل
اقتباس:
المشاركة الأصلية كتبت بواسطة khlouda
السلام عليكم ..الله يوفقك ويسعدك ويكثر من امثالك..
انا طالعه ماستر تسويق بأذن الله وان شاءالله ربي ييسر لي واحول لغويات
وودي ادرس في اوهايو حابة الولايه جدا
ومرتاحة لها مرا سألت عن القبول والتخصص الي ابغاه في جامعة اوهايو ستيت بكلومبوس قالو صعب شويا القبول بجامعتها وافضل ادور لي معهد تابع لجامعة وادرس بالجامعة على طول
لقيت جامعة فيندلي فيها معهد يمدحونه وبإذن الله اذا ليا فيه خير ربي ييسر لي
وفيها ماجستير تسويق وفيها اعتقد اللغويات .. ممكن تقدر تساعدني اش اسوي عشان القبول وخايفة الوزارة تقول متكدس واتحطم انا بعدت عن معاهد كلومبوس لاني خفت اغامر وهيا متكدسه
*The University of Findlay
ادا تعرف شيء عنها عن القبول ومتى موعد الدراسة ونظامها كيف ياريت تفيدني ^_^ ومشكوور وماتقصر ومعليش كثير الكلام ..
Applied linguistics
تخصصي ان شاءالله ^_^
اعتقد مر عليا ردك ورديت عليه ،،، اذا لا ياليت تقوليلي
بالتوفيق يارب
رد: الي محتاج مساعدة في مراسلة الجامعات والحصول على القبول يتفضل
الحمدلله ...
اعتقد اني بكيذا غطيت جميع الردود ... واذا في احد مارديت عليه يسامحني فاكيد سقط سهواً
والي لسا عندو شي مو واضح انا حاضر
بالتوفيق لكم جميعاً ولاتنسوني من صالح دعاكم
رد: الي محتاج مساعدة في مراسلة الجامعات والحصول على القبول يتفضل
اقتباس:
المشاركة الأصلية كتبت بواسطة ZooRoo
الحمدلله ...
اعتقد اني بكيذا غطيت جميع الردود ... واذا في احد مارديت عليه يسامحني فاكيد سقط سهواً
والي لسا عندو شي مو واضح انا حاضر
بالتوفيق لكم جميعاً ولاتنسوني من صالح دعاكم
يجزاك خير ماقصرت ابداا
والله يسهل لك امورك ياااارب ويحقق طموحك
رد: الي محتاج مساعدة في مراسلة الجامعات والحصول على القبول يتفضل
اقتباس:
المشاركة الأصلية كتبت بواسطة ZooRoo
للتنبيه والكلام للجميع
اتذكرت شغله مهمة مهمة
الان المعاهد والجامعات الامريكية تطلب تطعيمة معينة للي عمره اقل من ٣٠ سنة
بالاضافة الي تطعيمه كلنا اخذناها واحنا عمرنا ٩ اشهر او سنة اعتقد واسمها MMR
المهم ان كل واحد يجيب معاه دفتر التطعيمات حقه ويكون مختوم
تقولي فين احصله او ضاع روح لاقرب مستوصف وطلع بدل فاقد ... انا مطلع واحد من المركز الصحي الي في الحي الي انا ساكن فيه في المدينة المنورة
قلتلهم ابغاه عشان الدراسة في امريكا ... عبوه وختموه بناءً على ملفي الي من زمن جدي
واحد من الشباب معايا جاء هنا واتطعم التطعيمتين ب ٦٠٠ دولار والله
تووو متش
شهادة التطعيم لابد تكون مترجمه بعد؟؟
رد: الي محتاج مساعدة في مراسلة الجامعات والحصول على القبول يتفضل
اقتباس:
المشاركة الأصلية كتبت بواسطة ورده ورديه
شهادة التطعيم لابد تكون مترجمه بعد؟؟
شهادة التطعيم تجي مترجمه اصلاً
لما تفتحي دقتر التطعيمات تلقي اسم التطعيمة مكتوب بالانقليزي
يعني على سبيل المثال MMr .. VAAC وزي كيذا
يكون مختوم قدامها وخلاص
- - - مشاركة محدثة - - -
اقتباس:
المشاركة الأصلية كتبت بواسطة Huda500
يجزاك خير ماقصرت ابداا
والله يسهل لك امورك ياااارب ويحقق طموحك
وايااااااااكي يارب
رد: الي محتاج مساعدة في مراسلة الجامعات والحصول على القبول يتفضل
السلام عليكم
ياريت حد يساعني ف الحصول ع قبول من جامعة Ohio State University
والمعهد التابع لها ماستر تخصص Medical Microbiology and Immunology
ومشكوريين
رد: الي محتاج مساعدة في مراسلة الجامعات والحصول على القبول يتفضل
الاخت سارونه
لو رجعتي الصفحه الي قبل وشفتي الرد رقم 113 فيه صيغه مراسلة المعهد بالطريقة الي انتي تبغيها بس اكتبي اسمك والتخصص والدرجة العلمية وارسليها للمعهد او للجامعه
رد: الي محتاج مساعدة في مراسلة الجامعات والحصول على القبول يتفضل
اشكرك أخ زورو على اهتمامك
هذا موقع الجامعه Welcome to Southern Illinois University
لكن مااعرف كيف ارسل ووين الايميل ؟؟
ممكن تساعدني