جاوبوني عشان نستفيد جميعا (:
بسم الله الرحمن الرحيم
اخواني المبتعثين الي راحوا
والي راح يبتعثون انشالله
ارجو من الله سبحانه التوفيق لي ولكم
حبايبي
عندي كم استفسار
ومثل مايقولون((اسأل مبتعث ولاتسأل قوقل)) هههههههه
هذي مني
ياطويلين العمر
انا قدمت على المرحلة الثامنه ولله الحمد جاني الترشيح قبل البارح;)
انا مرافق
زوجتي قدمت على ماستر تسويق
تخصصها:بكالوريوس جغرافيا
استفساراتي كالاتي:
ابي اغير تخصص زوجتي من :تسويق: الى:نظم معلومات جغرافيه:
وانا ابي ادرس :بكالوريوس هندسه كهربائيه*باور*:
كيف اغير التخصص لزوجتي؟؟ اروح الوزاره؟ اذا رحت هناك اغير؟؟ اتمنى الاجابه
بالنسبه للتخص الي ابي ادرسه:هندسة كهربائيه: ... هل المرافق يستطيع دراسة مايريده من التخصصات؟ اي تخصص..بغض النظر عن درجة الايتلس..ابي اعرف بس هل استطيع الدخول اي تخصص؟
بعد البحث والتحري ههه شفت ولاية اوريقون مدينة بورتلاند
صغيره وهاديه وجامعتها ومعاهدها حلوه! بس باقي اتأكد من التخصصات الموجوده بالجامعه
شرايكم بالولايه؟؟...ولامانع من ابداء الرأي حول ولاية اخرى
وبالاخير .. انشالله نرفع بلدنا فوق
تحياتي لكم جميعا
سعود
رد: جاوبوني عشان نستفيد جميعا (:
1- تغير تخصصها بعد الوصول وبعد ماتحصل على قبول في نظم المعلومات الجغرافية ترفع طلب للملحقية من هناك .. هنا لا تستطيع ذلك
2- المرافق حر في تخصصه لانه بيطلب الحاق والتخصصات امامه مفتوحة
3- بورتلاند جيدة لكنها مليانة سعوديين وهي ثاني اكثر مدينة فيها سعوديين ..
دنفر كلورادو جيدة وكذلك بروفايدنس في رود ايلاند و سياتل واشنطن ..
رد: جاوبوني عشان نستفيد جميعا (:
الله يعطيك الف الف الف عافيه وماقصرت
شاكر لك ردودك المفيده
انتظر مشاركات حبايبنا (:
رد: جاوبوني عشان نستفيد جميعا (:
تغيير التخصص خلال سنة اللغه لكن حاول الجامعة اللي تقدم عليها زوجتك للتسويق يكون فيها نفس التخصص اللي تبغى تحول عليه عشان ترتحون من وجع الراس والبحث عن جامعة اخرى