المشاركة الأصلية كتبت بواسطة مسلم سني
انا كنت مرافق وخذي العلم الاكيد
اول شي شي تراسلي معهد جامعتك وتشوفي وش المطلوب للتسجيل بالمعهد وكم المبلغ المطلوب للشهاده البنكيه ((جامعه عن جامعه تفرق)) << لازم يجيب قبول من نفس المدينه اللي انتي فيها لانه مرافق
ثاني شي ابوك يروح للبنك وبحسابه مبلغ حسب طلب المعهد... ويقول ابي تصدرون شهاده بنكيه بالمبلغ للجامعه الفلانيه (( البنك يعرفها )) موجهه للجامعه انه يضمن اخوك ماليا.. اسمها شهاده بنكيه ولازم اسم الجامعه
بعد ماتسجلينه يرسلون لك الاي توني بالبريد
ويقدم اخوك على فيزا اف 1
اذا سافر معك خليه يفتح ملف دارس على حسابه الخاص ... بعد اربع شهور راح يضم للبعثه << هنا يدفع حساب اللي درسه واذا انضم يعوضونه الملحقيه... او تفتحي له ملف مرافق دارس وتكون مكافئته نص مكافئه << هنا الملحقيه تعطيه ضمان مالي خاص فيه
اذا خلص اللغه وجاب قبول الجامعه راح يفصل ملفه ويصير مبتعث.