القبول الجامعي لمبتعثي الدكتوراه

أولا مبروك القبول
اخوي حقيقة صعب جدا الحصول على قبول مشروط للدكتوراه بالنسبة لتخصص (مالية أو تمويل) والغالب كل التخصصات...
لأني راسلت أكثر من جامعة للحصول على قبول مشروط ورفضوا هالشي وطلبوا إني أقدم نظاما في أوقات التقديم مع توفير طلباتهم.. وتختلف الطلبات من جامعه لأخرى من حيث درجة التوفل والجيمات أو الجي ار اي... تحياتي لك متمنيا لي ولك وللجميع التوفيق...

وعليكم السلام
حسب علمي ان طلاب الدراسات العليا ، تحتاجون قبول لغة فقط
خاصة طلاب الدكتوراة . وذلك لصعوبة الحصول على قبول مشروط باللغة
لانه لاتنسى اغلب الجامعات تطلب اختبارات اخرى للدراسات العليا غير ال توفل زي ال GRE و جيمات و غيرها
لذلك الوزارة تطالبك بقبول لغة فقط . وانت دبر نفسك مع الملحقية في امريكا بخصوص الجامعة .
هذا والله اعلم

نفس المعاناه

الله يعين بس

المشكله الاكبر عند اللي ماله قبول لغه لانه الشهادة الماستر من امريكا وبيدرس دكتوراه

ما نقدر نطلع الا اذا حصلنا القبول الجامعي والدكتوراه قبولها صعب

كم بتعطينا الوزاره حتى نجيب القبول الجامعي الله اعلم

صعب وضع طلاب الدكتوراه والاصعب اللي مايحق لهم بفترة لغه

الله يعين

شباب فيه في الملتقى واحد منزل موضوع فيه 14 كتاب للجيمات مره جيد راح تستفيدوا كثير في التجهيز لهذا الاختبار

من تجربة شخص اعرفه قال اذا انت محقق الدرجات المطلوبه في التوفل و الجيمات قبولك يكون سهل.. وإذا عندك خبره عملية قبولك يكون أسهل ... وإذا عندك ماستر و توصيات مهنية وأكاديمية يكون وضعك 100 100.
لان فيه بعض الجامعات عندهم دكتوراه بالبكالوريوس...

الصعب في الموضوع والله يا اخوان تحقيق السكور... فيه جامعه طالبه 700 في الجيمات من 800 تخيلوا؟؟؟ وما يقبلوا الا عدد معين من الطلاب سنويا

لذا أنا أقترح إننا نبدأ مرحلة اللغة و في نفس الوقت تشتغل على الجيمات ونخلي الملحقيه هي اللي تجيب القبول من خلال مكاتب التنسيق الأكاديمي اللي عندهم بالإضافة للمجهود الذاتي في التقديم على الجامعات...و بالنسبة للشباب اللي ماعندهم سنه لغه إبدأ من الآن سجل لاختبار الجيمات او الجي ار اي وحقق درجه حلوه وخل الملحقية تشتغل على الموضوع..

تحياتي ... وخلونا نتباحث أكثر ونتناقش أكثر حول الموضوع.. لعل أحد لديه طريقه تنفعنا جميعا

شكلها كذا خربانة من أولها.

على قولت رابح صقر/ من أولها بدينا عناد (ياجامعات أمريكا) .. أجل وشلون تاليها. ههههههههههههههههههههه

هو بصراحة كانت جامعة (بول ستيت) آخر جامعة أمريكية تعطي قبول مشروط في الدكتوراه, والحين ركبت راسها وصارت تقلد بقية الجامعات, طبعاً هالكلام من ثلاث سنين تقريباً.

لكن أنا طرحت الموضوع قلت لعل وعسى يكون فيه ثغرة عند أحدكم.. وفعلاً هو فيه ثغرة, وهي اللي ذكرها أخونا (ثقافي شرقي) في رده الثاني, وهي ثغرة مكاتب التنسيق الأكاديمي, لكن يبي لها تواجد المبتعث فعلياً فيي بلد الدراسة.. فلا تنسوا إن الأمريكان يعبدوا شي اسمه فلــوس ولا يغركم أنظمتهم.

عموماً ننتظر مزيداً من الآراء البنّاءة

تحياتي ,,,

السلام عليكم ورحمة الله وبركاته

بداية اشكركم اخواني على افتتاح الموضوع وان شاء الله اننا نتعاون

ودائما تذكروا تفألوا بالخير تجدوه خلوها نصب عينيكم وان شاء الله الله يكتب اللي فيه الخير

انا من المرشحين ولله الحمد لمرحلة الدكتوراه في المرحله الثامنه تخصص ماليه او تمويل الدوله امريكا

الماجستير خلصته في كندا والانجليزية تمام ولله الحمد واخذت كورس بالجيمات وكان سهل جدا وبامكان الجميع الحصول على الدرجه المطلوبه ولكن لم اكمل الكورس لحصولي على قبول الماجستير في تلك الفترة وبداية الدراسه للمرحله

انا انصح الطلاب من لم يدرس اللغه الانجليزية من قبل يدرس الستة شهور الاولى فقط لغه ويشد حيله وبعدها يبدأ بدراسة الجيمات في احد المعاهد القوية والله ولي التوفيق

وعندي استفسار و هو اذا عندكم علم هل هناك فترة لطلاب الدكتوراه المتخرجين من جامعات اجنبيه تسبق فترة الحصول على القبول ليحصلوا على درجة الجيمات المطلوبة او يجب ان نحصل على قبول الجامعه قبل السفر للدراسه؟

يعني هل بامكاني ان احصل على فترة تسبق فترة الدكتوراه استطيع من خلالها الاعداد للجيمات والمحاوله؟


ولكم جزيل الشكر والله يوفق الجميع لما يحبه ويرضاه

الحاله من بعضه
بالنسبه للاستفسار عن الفتره اللي قبل القبول الاكاديمي
اتوصلنا مع المراقبين فتره التدقيق وما افدونا بشي وبانتظار الملتقى عشان نسالهم

هذا هو السؤال المحير هل يعطونا فتره بما انه مالنا فتره لغه

غير التحضير لل جي ار اي او الجيمات فيه رد الجامعه يحتاج فتره حتى يعطوا الدسيشن

والجامعات الامريكيه دراسه الدكتوراه عندها سنويه وتبدا بالفول بس مافي سبرنق

وضعنا حاايس