الاي توني واصدار الفيزا هل لهم وقت معين للإنتهاء ؟

كتبت كلام كثير ، بس طار ... !!
المهم / أختي انا نفس وضع .. أرغب في تآخير إجراءات السفر والدراسة لـ أقصى مدة ممكنه
وهو ايضاً تخطيط بعض الأعضاء .. لترتيب وضعه للسفر
قبول المعهد سهل ، وبإمكانك تحديد الوقت الي يناسبك للدراسة .. فـ مثلاً
حددتي الدراسة علي شهر شوال .. وبداتي إجراءات الفيزا بشهر رجب
وجاء وقت إصدار قرار الإبتعاث .. حسب الإفادة الي عرفتها .. إن ممكن الوزارة ما تصدر
لك قرار إبتعاث لو كان قبولك في معهد متكدس .. وانا معك في نقطة ان المعاهد الممتازه ستتكدس
أفضل حل اشوفه .. إنك تتأخير شوي ولا تستعجلي في الأمر ، وانا سبق وسالت أعضاء وراسلت الوزارة
ما قصرو الإخوان هنا ، والوزارة ما ردو علي سوا رد واحد .. إن هذا الشيء يبين وقت الملتقيات
وتوقيت الملتقيات ... نهاية شهر 12 .. قريب وتلاقي المفيد فيه .. وفالك التوفيق

حتسيري صحبتي خلاص . قولي تم : (
يعني مااجيب قبول دحين ؟ كدا قصدك ؟ استنى بعد الملتقيات ؟
ليش مايوافقو يصدرولي قرار ابتعاث وانا جايبه قبول من بدري ومستخرجه فيزا !! اتكدس المعهد بعد ماقبلوني دي مو مشكلتي ><

أكيد : تم
انا كتبت لك إنو هذا حسب الإفادة الي وصلتني .. واكيد لي رغبة في معهد ممتاز وسبق وقريت عنه إمتيازاته
وخايفه يتكدس ولا يكون لي نصيب ، وانا بآآخر الدراسة لترتيب الأوضاع.. و راسلت الملحقية بأسماء عدة معاهد وعطوني إفادة عنها من ناحية متاح او لا < زي تمارين التجربة
بس حسب ما عرفت إن للوزارة ممكن يكون لها كلام ثاني .. فـ مشكلة فعلاً لو اجيب قبول واطلع فيزا .. وفي الأخير يرفض إصدار قرار الإبتعاث
كذا المشكلة كبيره مره ، حلها صعب وممكن يجي بوقت جداً ضيق ولا يمدي اسوي شيء .. فـ خطوة جمع أسئلة وطرحها في الملتقيات ممتازه بالنسبة لي قبل الإستعجال في الإجراءات
وأزيدك بيت .. اني ما بوقف عند إجابة واحد من شخص واحد .. وحتى بالمراسلة .. ارسل أقل شيء لـ 3 اشخاص وممكن أكثر بعد .. عشان اشوف رد كل واحد فيهم
واصلاً الآن شوفي حوسة الضمان المالي .. الي غاية هذي اللحظة ولازال التخبط فيه .. مره الأربعاء مره قبل الملتقيات .. ومره بالملتقيات
انا مريحه مخي من الناحية ذي .. وكفاية توتر واعصاب دام عرفت نتيجة ترشيحي انو اوك الحمد لله .. ولو ما جاني فـ انا مو مستعجله بالسفر اصلا وممكن اخذ بالملتقيات
وكلامهم فعلاً إن بوقت الملتقيات بتبين اشياء ممكن بعد تكون جديده علينا ولا إنتبهنا لها .. وبيكون فيه مسؤلين ولهم خبره في هذا المجال ..

ربي يريح قلبك : )

تمام تفكيري زي تفكيركم
اول شي انا بنتظر الملتقيات أحضرها ان شاء الله وأشوف تعليماتهم
وانتظر المعاهد والضمان

ثاني شي مراح أسافر الى في شهر ٨ هجري ان شاء الله
بما اني مسافرة متأخر … ما اعرف وقتها لما اراسل المعهد اطلب منهم الدراسة في اي شهر؟؟

كووويس خلونا نتجمع هنو ومنى :"( > مبسوطه لقيت احد زيها =)
منى واللهي ماادري استني اقرأ ونسأل وكدا .

صحيح لان اغلب المعاهد لها فترة معينة للتسجيل
مثلا انا معهدي تسجيل شهر ابريل في الربيع
بدء في اكتوبر وينتهي في يناير الجاي
اتاكدي اول من مواعيد معهدك في الكلندر او راسليهم