ترشحت لأمريكا وأبي مساعدتكم

السلام عليكم ورحمة الله وبركاته
الحمدلله انا تم قبولي النهائي في البعثه لأمريكا لاكمال دراسة الماستر
وعندي استفساراااات كثيره واحس اني حايسه ومو فاهمه شي
اول حاجه بعد القبول وش لازم اسوي
وبالنسبة للجامعه والمعهد على اي اساس اختار وش سالفة القبول المشروط ماني فاهمه واللغه الانجلش عندي زيروووو
وسوالي الثاني الولايه وش افضل الولايات من ناحية تعاملها مع المسلمين والأجواء وازعاجها وهدوءها وطبعا ما أبيها تكون مملة ومن ناحية الأسعار ابي تكون متوسطه سواء في أجار السكن والمعيشة ومن ناحية الكوارث الطبيعيه والفيضانات واقترحو علي بعض الناس ولاية يوتا وولاية اريزونا فياليت اللي عنده خبره وعلم أكيد يساعدني لأني راح ابني مستقبلي على كلامه ادري كثرت كلام واسأله لكن العذر والسموحه لأني في معمعه احس اني مؤ فاهمه شي اي صح تخصصي في البكالوريوس احيااااااء وحابة اكمل الماستر بنفس التخصص بس ماادري كيف اختار الفرع يعني وراثه او احياء دقيقه وبالنسبة للتوصيات كيف طريقتها وهل هي مهمه او لا
ولكم جزززززززززززيل شكري