منقبة ؟؟ كاشفة وجهك ؟؟ تعالي تعالي ... وأنت يا بو شورت تعالوا أبيكم بكلمة راس

خلاص ياحلوين

جزاكِ الله خير موضوع جميل
وفي مقوله لعمر رضي الله .. دعني ارى الدين في خلقك .. او فيما معناها
الناس لهم الظاهر والباطن الله به عليم
خلينا نظهر ديننا الرائع كما هو كما انزل على محمد صل الله عليه وسلم

ماتلاحظين شي ؟
انك كل شوي مطلعه تهديد بحذف رد وش تبينا ندخل الموضوع نمدح ونقول ماشاءالله واااو ونطلع ؟
معليش سياسة الامر والنهي والتهديد بالحذف مو من حقك حتى لو انتي مشرفه مدام ان الرد يخص الموضوع وما أخل بالادب
وياليت ماتحذفين ردي هذا لان احتاج احد مسؤول يشوفه

الله يعطيك العافيه اختي

ويعطيكم العافيه كلكم وهدو وخذو نفس ههههه ^^

كل ما ادخل المنتدى الاقي موضوع جديد عن الحجاب شويا بنام وبقول حجاب حجاااب حجااااااب ههههههه

الله يهدينا جميعا ويثبتنا

ليش ماتكتبو موضوع عن قيادة المبتعثه للدراجه هههههههه فكره صح ^^ هههههه

السلام عليكم ورحمة الله وبركاته

كل عام والجميع بخير

اشكرك اختي عالموضوع الرائع

ولي تعليقات على بعض النقاط من خلال تجربتي السابقه

اولا بالنسبة لحديثك عن بعض اخواتنا المحجبات
بالفعل شي مقزز اللي يسوونه بعض البنات الله يهديهم اللي تجيك ملثمة و مدعجة العيون بالكحل الاسود والحواجب مرسومة و مزبوطه على اخر ستايل و الماسكارا والا الرموش الصناعيه و شوي من الخدود باين وعليها بلاشر واللثمه مغطية نص الوجه و الرقبة كل شوي تبان و لابسة ليقنق وبلوزة او جاكيت لفوق الركبة ضيق وباينه تفاصيل جسمها مدري وش تحس فيه !!!!!!
مايحزنوني الا الاجانب يوم يناظرونهم فالباصات من الصباح وفوق راسهم 1000 استفهام احسهم يقولون هذولا مسلمات والا مكس والا شلون ؟ وطبعا انتو عارفين مين عندهم يخرج بمثل هالميك اب و في اي وقت !! فمابالك مسلمة خارجة بهالمنظر مع الصباح ورايحة للدوام !!!
اذا كان ضميرها يأنبها في مسألة كشف الوجه وينه ضميرها هذا يوم تحط كل هالزينة ثم تتلثم !! >> اكثر شي فاقع مرارتي ,, لا ويجونك يقولون ورا ماتغطين وجهك افتنتي الرجال !! يازيني بوجهي بدون زينة ولا هالتناقض .. الله يهديهم ولايبلانا ويغفرلي ولهم ...

ثاني شي مسألة الخلوة مع الغير صحيح مثل ماقلتي هي من الامور التي لايختلف فيها اثنين ولكن قد نتغافل عنها او نتساهل فيها بس ماتحسين ان كلامك مباااااااالغ فيه !! بصراحة لو مالي تجربة كان الحين خايفه وشايله هم .. خوفتي البنات خخخ

اختي من الطبيعي انه حتكون في مواقف خلوة مع رجل اجنبي مثلا مشرفك في الجامعة
او حتى في المعهد حيكون في شيء يسمى بيرسونال تيوتر لك معاه فالاسبوع نص ساعة يشرح لك جميع ماصعب عليك و تعطينه واجبات يصححها أو اي اعمال حابه يطلع عليها ويعطيك رأيه ويجاوب استفسارك وهو موجود لخدمتك في مختلف الأمور سواء بالمعهد او في حياتك فالمدينة و مطلوب منه يجهز تقرير بالتفاصيل اللي صارت فهالوقت وتوقعين عليها ,, ولاتنسين انتي معاه في مكان عمل
من غير المنطقي اني استغني عن هالشيء المهم بحجة انه فيها خلوة .. لاتنسين انه هذا مجلس علم ((ما ابغى ادخل بصدد الفتاوى )) و مافي اي احد ممكن يعمل شي في خلال نص ساعة يهدد مستقبله المهني او يسيء لسمعته او سمعة المكان اللي ينتمي اليه ,, و لو عندك خبرة اكيد تعرفي قد ايش الناس المثقفة تشعر بالانتماء ويهمها الصورة اللي تعكسها عن بلدها و بيئتها و مقر عملها ...الخ
اختي لازم تنتبهي انه المرأه المسلمة لازم تظهر بشخصية قووووووية لذلك مو من المنطق اني اتحجج بأني اتوتر لحالي او اطلبه ان لايغلق الباب وإلا اكون انا اللي جنيت على نفسي بهالاسلوب وفتحت باب للافكار الشيطانيه في دماغة
المرأة المسلمة متكلة على الله و محافظها على وردها اليومي و مستودعة نفسها لله وهو كفيل بحمايتها و الأولى انها تبتعد عن الكلام اللي يعطي مفاتيح للاخرين بنقاط ضعفها وخوفها .. كوني واثقه في ربك وواثقه من نفسك دوما و ابدا .. والله اعلم بنيتك وهو خير حافظ .. بس طبعا مو تروحون كل شوي عند المشرف والا غيره وقال خلوة وفي مجلس علم كلامي هنا عن الضرورات والبعد عن التلميح بمواطن الضعف والخوف

في نقاط كثيررررره حابة اتكلم فيها و انبه عليها لكن الان احس اني كثرت بالكلام ربما تكون لي عودة لاحقا لاتحدث عنها


وفي حال ماعدت للموضوع اكثر نقطة احب انبه عليها مثل ماقالت اختي لاتأخذك عصبيتك وحميتك اكثر من منطقك .. لاتتوقع تلقى كل الناس تحترم دينك ولكن لاتتحسس و تفسر كل كلمة على أنها موجهة للمسلمين بالذات مثل وحدة كانت معانا الله يذكرها بالخير كل كلمة يقولها الاستاذ تعصب وتدخل في نقاش و تسيء لنفسها ولنا وفالنهاية تنطرم وبعد الكلاس تقول والله كان قصدة يهيننا كمسلمين المفروض مانسكتله ومن هالامور اللي ممكن تحطك في مشاكل انت في غنى عنها .. دائما حاول كبح جماحك و اذا لاحظت هالشي فعلا من دكتور بعينه فحاول تفهم شخصيته وايش الاسلوب المناسب اللي ممكن يساعدك توصل معاه لحل وسط وبالمنطق .. وغالبا ماتكون أخلاقك وتعاملك الراقي مع الناس هي السبيل لكسب قلوبهم وبالتالي اقناعهم بمبادئك وقيمك


شايلة في قلبي كثيرررر على شبابنا,, بس في نقاط ايجابية وفي نقاط سلبية لكنها ليست بتلك الأهمية قد تكون لي عودة بالحديث عنها ..


اسفه على الإطاله

وشكرا

هههههههههههههه
الله يسعدك يا شيخه
عاد تدرين من زمان كان نفسي اخذلي دراجة والا دباب حق مشوار الجامعة
بس هونت ماشاءالله عليهم ربعنا هناك ماخلوا وحده بحالها .. و مثلك عارفه الدنيا صغيره

من طبعي مااحب اناقش شخص ماوجهت له الكلام ولا تكلمت معه
اتمنى النفاش يكون مع الشخص اللي تكلمت معه لاني مو محتاجه توضيح من احد ولا اعتقد يهمني وش تشوف الكلام ضوابط ولا روابط شي راجع لك مايهمني بشي ، اتمنى مااحصل منك رد وشكراً

معليش اعذريها

شكلها اول مره تمسك اشراف وماتعرف كيف تتعامل مع فئات الناس المختلفه

^

طبعك شوي عنيف يا آنسه



ع العموم الموضوع عبارة عن وجهات نظر
و لا عمرنا بنتفق .. فالأفضل شسمه نغلقه