استفسار خريج هندسة بكالريوس .. عادي يكون الماجستير في الادارة الهندسية او الادارة بشكل عام ؟؟

ايه صح .. برضو انا تم ترشيحي لدراسة الهندسة ..

وما ادري اذا كان التخصص الي ذكرته يعتبر كهندسة .. او كإدارة.

ما عندي خلفية ، ولا افتيك .. لكن فيه موضوع بيساعدك بالقراءة او حتى لو طلبت المساعدة
http://www.mbt3th.us/vb/forum163/thread388544.html

هلا خوي

انت مبتعث عن طريق برنامج خادم الحرمين ولا جهه ثانية ؟؟ اذا عن طريق البرنامج لا يمكن لان الملحقية اوقفت اعتماد تخصص الادارة الهندسية لكثرة الاقبال عليه وهذا كلام صديق لي في امريكا طلبت منه يروح الملحقيه ويسألهم لاني نفس تخصصك؟؟
اما اذا كنت من جهه مستقلة يعني مالها دخل في وزارة التعليم العالي مثل مبتعثي المؤسسة العامة للتدريب التقني والمهني ما عندك مشكلة.. لان المبتعثين من الجهات الحكومية لازم تصديق القبول من الملحقية والملحقية ما راح تقبل لايقاف التخصص وهذا حصل معي كان عندي قبول من جامعة مغلقة للتكدس في بريطانيا ورفضو يصدقو عالقبول وقلتلهم اني موظف مبتعث ولا نفع معاهم واضطريت ادور قبول من جديد

اي استفسار انا حاضر

تمنياتي لك بالتوفيق

هلا بك والله ...

لا انا طالع على برنامج خادم الحرمين , بس والله كان ودي اخذ الماستر فيه ... لكن يالله عساها خيره , عندي براسي كذا تخصص بديل .

وشكرا على المعلومات

الله اكبر , اخيرا حصلت مهندسين في المنتدى <<<< يحسب نفسه لوحده هنا ...
أنا طالب هندسة كهربائية خريج والحمد لله تم الترشيح على أمريكا , بس والله يا شباب محتار في اختيار تخصص الماجستير ( ما عندي ميول أكاديمية و لا احب البحوث ) واعتقد اللي درسته في الكهرباء بالبكالوريوس كفااااية .
المهم كنت مخطط على تخصص الادارة الهندسية بس كلامكم عن توقف التخصص خوفني !
فيا ليت يا شباب اعرف اذا في تخصصات حلوة مثل الهندسة الصناعية او شي زي كدا يا ليت نعرفه , واي احد عنده نصيحة يسدحها ^__*

عندي ملاحظة راح تستفيدو منها فالمستقبل ان شاء الله

بالنسبة للي يكمل ماستر امتداد لتخصصه في البكالوريوس افضل له في الوظائف الحكومية حيث تكون ترقياته في الوظيفة اسرع من اللي غير تخصصه

بالتوفيق للجميع

معك حق .. بس معليش اذا انت مهندس وتفكر بالحكومة معناته انت دمرت نفسك ...

فبالغالب المهندسين يتجهون للقطاع الخاص افضل من جميع النواحي تقريبا.

هههههههههه من جد .. اغلب الموجودين مالية وتخصصات ادارية .. شكلنا بالاخير بنسولف انا واياك هههه

عموما .. برضو من الاشياء الي فكرت فيها الهندسة الصناعية وهندسة النظم وهندسة التصنيع ,, بالاضافة الى الادارة الهندسية ... بس الاخيرة سمعت من كذا شخص انها موقفة ,,

فيبيلنا احد يعطينا الجواب الشافي.