بكرة بروح لإدارة البرنامج .. هنا أستقبل إستفساراتكم

اذا ماعليك امر انا حاب اعرف اذا عندي سته في الايلتس ومرشح لايرلندا

هل يحتاج ادرس لغه ولا سنه تحضيريه على طول

وهل هم بيوفرو لي القبول

ومتى تبدأ الدراسه بالنسبه للسنه التحضيريه طبعا انا بكالريوس طب ان شاء الله

والله يجزالك عنا كل خير

السلام عليكم ورحمة الله وبركاته
عندي إستفسار عن ورقة المرافقة ناخذها في الملتقيات ولا لازم نروح لوكالة الابتعاث بخي الغدير في الرياض خصوصاَ ان ملتقى زوجتي في جدة فإذا كانت الاوراق ناخذها من الرياض بحول على ملتقى الرياض مدام روحة الرياض فينا فينا !
فانا معلم مرافق وابغى أقدم على إجازة إستثائية بس لازم ورقة المرافقة ولا أدري نقدر ناخذها في الملتقى ولالا ؟

اسألهم عن اللخبطه فيذا على قولتكم ياهل الرياض خخخ
اجل موعد ملتقاي 3 ايام وبحضر ملتقى الرياض يومييين !!
ومتى يسلمونا ورقة الحضور؟ اخر يوم؟
وكم ساعة في اليوم عشان الناس ترتب اوضاعها
اذا 3 ساعات ويبدأ 3 العصر بخلص 6المغرب . من يرجعني الشرقية بالله . ترى عندنا ازواج وبيووت وش ذا الحوووووسسسسسه فيذاا ^_^

سؤال اخير بارك الله فيك : انت الوزارة ورا بيتكم ؟؟

الحين قبل مانروح الملتقى ، يكون حددنا أسماء المعاهد

ومتى تتم إرسال الضمان المالي لنا ؟

الله يجزاك الف خير

ممكن تسألهم اذا اقدر اغير فترة الملتقى حقي الى الفترة الصباحية لان انا مسائية ووقتها يصادف الكورس حقي وما اقدر اغيب
وشكرا

الله لايهينك
اسالهم عن التحويل لماتقا الرياض
انا من القصيم ومسجل الخبر على اساس اني بروح للشرقية هذي الايام بس الظروف ما سمحت

مشكور اخوي

السؤال - مالمطلوب احضاره في الملتقى من اوراق؟
هل يجب تحديد المعاهد قبل الذهاب للملتقى انا للان مااخترت معهد ولا شي

كم عدد ساعات البرنامج انا 3 ايام ؟

وشكرا

اخوي عبدالله انت ابو الفزعات في المنتدى الله يوفقك و يسدد خطاك ،،،

اهم استفسار يهمني ويهمك ويهم كل الاعضاء متى الضمان المالي وياريت يعطوك الجواب هذي مرة بكل صراحة وما يتغير كلامهم ويلصقو كل شي في الملحقية وكأن وزارتنا ليس لها كلمة !!

اتمنى انك ما تمشي من الوزارة الا وانت عندك الخبر الاكييييييييييد عن موعد تسليم الضمان المالي للطلاب ،،،

وياريت تقولهم (اغلب الطلبة ناوين يسافرو على يناير يعني ياريت يعجلو الضمان المالي)

ف امكانية تغير موعد الملتقى بنفس المدنية؟ اقصد اليوم والتاريخ؟!

الله يجزاك خير .
نبي نعرف هل صحيح الوازه راح تتكفل بالقبول في هذه المرحله ؟؟