وصف فندق مداريم كراون لملتقى الرياض

بحط لكم وصف فندق مداريم كراون

طبعا الفندق في حي الفلاح وقريب جدا من جامعة الامام (يقع جنوب الجامعة )

يمكن بعض اللي بيجي من برى الرياض مايدل

الزبدة الطريق الاول وانت متوجه للمطار مع الدائري الشرقي قبل ماتجيك جامعة الامام على اليسار يجيك الفندق تشوفه ....

الطريق الثاني تجي مع التخصصي وانت متوجه للثمامة اول ماتتعدى دوار عثمان تجيك الجامعة على يمينك اول ماتنتهي الجامعة اطلع مع المخرج اللي بعدها على طول يطلعك على طول الدائري اطلع معه .....

يجيك الفندق على يمينك بس انتبه للاتتعدى الخدمة اللي قبل الفندق

في طريق ثالث مع مخرج 7 وهو واضح جدا

اذا كنت جاي مع الدائري الشمالي اطلع مع 7 شمال باتجاه جامعة الامام يجيك دوار اطلع معه يمين وامش لين ينتهي الشارع واجباري يمين امش يمكن 500 متر او اقل يجيك الفندق على اليمين

وهذا وصف الفندق من خرائط قوقل

فندق مداريم كراون - خرائط Google

انا بيتي في نفس الحي اللي فيه الفندق اللي يبي يمر علي يتقهوى قبل الملتقى حياه (( قهوه وجمعة وفلة حجاج ))

واي خدمة انا حاضر

الله يعطيك العافيه وماقصرت:o

الله يعطيك العافية ماتقصر
واحنا جايين من برا الرياض وان شاء الله يدل الليموزين

الله يعطيك العافية

ههههههه ماتقصر والله، ماعليك بيجي عندك حول الف شخص جهز لهم القهوة :)

الف شكر لك والله يجعلها في موازين حسناتك

ايه احد جاي من برى الرياض ومايدل يتواصل معي ونفزع له

والليموزينات تدل اكيد

- - - مشاركة محدثة - - -

ايه احد جاي من برى الرياض ومايدل يتواصل معي ونفزع له

والليموزينات تدل اكيد

مخترع شكلك بتتتورط نفس ورطة مهندس ماشي يعزم على باسكن :)

شكلكم بتطفرون

لا من جدكم الف شخص وين اوديكم

لا خلاص بطلنا لا احد يجي