رد: تكفون يا أهل الرياض اللي بيحضرون الملتقيات بكره ابغى فزعتكم
وين الشباب راح يومين من الملتقى و لا حس ولا خبر
ٱڵلـّہ يعطيكم العافيه ما قصرتوا
رد: تكفون يا أهل الرياض اللي بيحضرون الملتقيات بكره ابغى فزعتكم
السلام عليكم ، أخوي خالد أمس الدكتور ماجد الحربي ما كان موجود في البرنامج ٢ ، لكن رحت للمستشارين في البرنامج وكلمتهم عن وضعك ، قالي واحد منهم انه لازم تحضر يقول ممكن تجيب التقارير وممكن يشوفون لك حل ...
اللي فهمته من كلامه ، انهم يخوفون الناس بالحضور عشان الجميع يحضر ، ولا ما عندك مشكلة اذا جبت عذر ، لا تخاف وتشيل هم وأنا أخوك ، ولا الملتقى بيني وبينك ما فيه ذيك الفايدة الكبيرة ، كل شي موجود في النت ، واحد من ربعي غابت زوجته أمس وراح كلمهم وقالوا له أهم شي تحضر يومين من ثلاث ، فواضح ان ما فيه شي واضح من ناحية الحضور ولا ودهم يقولون لك عادي تغيب ..
لكن بإذن الله اذا لقيت الدكتور اليوم سألت لك ، والله ييسر أمرك يا أخوي ويرزقكم الذرية الصالحة ويقر أعينكم بالمولود ،،
رد: تكفون يا أهل الرياض اللي بيحضرون الملتقيات بكره ابغى فزعتكم
بيض ٱڵلـّہ وجهك اخوي عبدالمجيد وفرج ٱڵلـّہ همك ويسر ٱڵلـّہ امرك
رد: تكفون يا أهل الرياض اللي بيحضرون الملتقيات بكره ابغى فزعتكم
السلام عليكم ،
وبيض الله وجهك ، واذا ما تعاونا وقت الحاجة متى نتعاون ..
وأمس كلمت واحد من المستشارين الكبار في البرنامج عن وضعك وقال لي ( لا تروح للملتقى ، وابتسم وقال الشكوى لله ما نقدر نقول له احضري وهي بتولد ، واذا سألوها عن سبب عدم الحضور تقول لهم السبب ، قال لي لا تشيل هم ، ما أتوقع يسألون )
مثل ما قلت لك ، لو واحد غاب عن الملتقى بدون سبب ما يقفون بعثته ، وهم مسوين زحمه وان حضور الملتقى شرط للبعثة وهو كله تهديد عشان تحضر ، وان شاء الله أمورك بالسليم لا تشيل هم ، ولا بالعقل تتوقع يوقفون بعثة عشان محاضرات ٩٠٪ منها سخيف وقديم وجميع الحضور يعرفون أكثر من معلوماتهم ..
والله يوفقك ويسهل أمرك .. ويرزقكم الذرية الصالحة ،،