انسحاب من البعثه

مدام وصلك الترشيح النهائي
لازم ترسلين لهم او تروحين وتلغين البعثة عشان تقدرين تقدمين بالمراحل الجاية
وخلي ببالك انو ما بقى الا سنتين فقط ع البرنامج

موفقة

اول حاجا اقولها لكي
مدامت انو وصلك الترشيح النهائي فدي فرصه
لو كان عندك ظروف او حاجا في قدامك وقت طويل
لانو انتي تحددي متى تسافري
غير كدا لو لغيتي البعثه
لازم تراسلي الوزارة عشان اسمك ينشال من المرحلة الثامنة
وتقدري تقدمي تاني
غير كدا راعي العمر لانو لكل مرحلة عمر معين للقبول
وكمان بس سنتين باقي قدامك وبعدها حيتوقف الابتعاث
فكري واستخيري وربي يختار لكي اللي فيه الخير

منار

ربي يختار لك الخيره الطيبه

ربي يسعدكم كلللكم و يحقق احلامكم
بس انا فعلا محتاجه الانسحاب !
و ما اخدت القرار دا الا بعد الاستخارة

ف الله يسعدكم لمن دحين محد قالي ايش اسوي ؟

وعليكم السلام ورحمة الله وبركاته

الأخت الكريمـة ..
تواصلي مع وكالة البعثـات لاسقـاط اسمك من الترشيح كي تتتمكني من الترشيح المرحلة المقبلة.

http://www.mbt3th.us/vb/forum163/thread368597.html

- - - مشاركة محدثة - - -

لا بـد من اسقـاط اسمـك من الترشيـح وذلك عن طريـق التـواصل مع وكـالة البعثـات ..

بالتـوفيق أختـي ..

أخت منار أنا كنت زيك من المرحلة الخامسة وصارتلي ظروف ومارحت, أرسلت للوزارة خطاب اقرار تنازل عن الترشيح واسقاط البيانات, أرسلتو بالإيميل فرفضو وقالولي لازم أنا أو أحد من أولياء أمري يجي يسلمو في مقر إدارة البعثات بالرياض, وفعلاً سافر أخويا وسلمهم إياه, والحمدالله قدمت هذي السنة وانقبلت ونشالله رايحه

وهذا رد الوزارة ليا أيامها


وكالة الوزارة لشؤون الإبتعاث

( برنامج خادم الحرمين الشريفين للآبتعاث الخارجي )







اذا كان لديك ترشيح في المرحلة الخامسة ولم يتم تكملة الاجراءات



وتم التقديم على المرحلة القادمة فلن يتم قبولك لوجود ترشيح سابق لك في
المرحلة الخامسة



وعليك تقديم خطاب اقرار التنازل عن البعثة واسقاط بيااناتك ليتم تسجيلك في
المرحلة القادمه وترشيحك اذا اكانت شروط الابتعاث مطابقة لك

_____

نفس الوضع كنت في المرحلة الخامسة وقدر الله وما طلعت للبعثة
ولا راسلتهم وأهملت بحكم انها راحت علي خلاااااااص وفقدت الأمل
وفي تقديم المرحلة الثامنة من يوم فتح التقديم رحت للوزارة و كتبت معروض بأنني اتنازل عن حق الابتعاث للمرحلة الخامسة وانهاء اجراءاتي
وبسسسس
وقال الدكتور (نسيت اسمه والله) : لو ما اجريت هذه الخطوة إللي هي الالغاء من المرحلة السابقة كان ما يقبل النظام اسمك في المرحلة الثامنة


وهذا أنا ولله الحمد رشحت وأحضر الملتقيات في الرياض

تمنياتي لي ولكم بالتوفيق والنجاح

************************************************** ****************
الله ارزقني الخير حيث كان ,, ورضني به ,, وبارك لي فيه ,, ويسره له
************************************************** ****************

الله يوفقك ان شاء الله و يوفق الجميع
يعني افهم من كلامك انو عادي لو طنشت الموضوع ولو حبيت اقدم المراحل الجايه قبل التقديم اقدم المعروض .. صح !

طيب انا مقدر اروح الرياض ولا اي احد من اقاربي كمان !
ينفع اطنش الموضوع و ف حال قدمت في المراحل الجايه و ما قبلوني اعترض في فتره الاعتراضات !
علما بانو فتره الاعتراضات للناس اللي انطبقت عليهم الشروط و ما انقبلو !