ناقصك بطاقة ائتمانية ؟ الحل
السلام عليكم ورحمة الله
طبعا لاحظت بعض الشباب يشتكون بسبب ان ماعندهم بطاقة ائتمانية فيزا او ماستر كارد , الحمدلله اتعامل فيها من فترة لذلك ممكن اوضح اي نقطة بخـصوص هالامر واي سؤال انا حاضر
طبعا اللي ماعنده فيه اكثر من بنك يقدم هالبطاقات
(1)
اللي مستعجل يقدر يفتح حساب في بنك الانماء ويعطونة بطاقة صراف وبنفس الوقت فيزا ويقدر يستخدمها في اي موقع , وعملية فتح الحساب ماتاخذ منك نص ساعه من اي فرع للانماء وايضا طريقة الدفع عن طريقهم امنة ومامنها خوف
(2)
وايضا فيه ماستر كارد اللي تجي بالشحن من البنك الاهلي ولكن مشكلتها تآخذ اسبوع او اكثر حتى تستلمها وميزتها انك تشحن البطاقة بالمبلغ اللي ترغب في اي وقت واي عملية تتم اكثر من المبلغ لايمكن انها تتم بسبب عدم وجود رصيد كافي لذلك هي آمنة بزيادة
(3)
بطاقة الراجحي ايضا مسبقة الدفع
واعتقد كل البنوك تقدم هالبطاقات فكل اللي عليك تروح للبنك اللي تتعامل معه وتطلب منه , في اللي يصدرها مباشرة وفيه اللي تاخذ وقت
واي سؤال حاضرين
رد: ناقصك بطاقة ائتمانية ؟ الحل
اه يا بنك الاهلي لي اكثر من 3 اسابيع مقدمة ع البطاقة و ما جاني شي حسبي الله عليهم :mad: :mad:
بس بكرا ان شاء الله بفتح حساب بالانماء و ان شاء الله فتح الحساب من ساعتها مو اكثر من يوم
وكمان في طريقة الدفع عن طريق الشيك بس ما اعرفها
رد: ناقصك بطاقة ائتمانية ؟ الحل
بنك الراجحي يحتاج 5 ايام عمل وتوصلك عن طريق فيدكس ، انا وصلتني باليوم الخامس اتصلو علي ووصلوها للبيت
وهذا إقتباس من شاركة لي فيها تفاصيل عن الموضوع
اقتباس:
الراجحي والبلاد يطلعون لك بطاقة فيزا معتمدة دولياً ، تقدر تستخدمها في أي مكان وبخاصية الشحن حسب الإستخدام
يعني مثل شريحة الجوال الشحن ، تشحها ببطاقة شحن وتتصل وتستفيد في اي شي منها .. هذي نفس الشي
روح أقرب فرع مصرف راجحي وأسئل عن البطاقات الإئتمانية مسبقة الدفع أظن عندهم ثنتين ( تسوق وإنسان )
او بنك البلاد ، إسمها ( مداد ) شوف الي تناسبك وسوي لها طلب رسوم الإصدار 100 ريال ، وتوصلك الين بيتك ..
بس خلهم يطلبونها من الرياض عشان تجيبك محفوره البيانات مو مطبوعه من جهاز الفرع ، ولو حاب تستفيد منها إذا سافرت
خلهم يكتبون إسمك عليها نفس إسمك الي بجواز السفر الإنجليزي ، هذ شرح بسيط ، لاني سبق وسألت عنها
رد: ناقصك بطاقة ائتمانية ؟ الحل
اذا اخذت بطاقة مسبقة الدفع ( هل هي فيزا ولا ) وهل لها رقم سري واقدر استخدمها في امريكا بسهولة وكيف اعرف اذا انسرقت ؟؟:confused:
رد: ناقصك بطاقة ائتمانية ؟ الحل
اقتباس:
المشاركة الأصلية كتبت بواسطة HIND.
اه يا بنك الاهلي لي اكثر من 3 اسابيع مقدمة ع البطاقة و ما جاني شي حسبي الله عليهم :mad: :mad:
بس بكرا ان شاء الله بفتح حساب بالانماء و ان شاء الله فتح الحساب من ساعتها مو اكثر من يوم
وكمان في طريقة الدفع عن طريق الشيك بس ما اعرفها
بنك الانماء انا مجربة شخصيا بس من سنة مطلعها
وماقعدت عندهم اكثر من نص ساعه وملاحظة ايضا سريعة
لابد تفعل الفيزا عن طريق النت والتفعيل سهل جدا وسلس
اقتباس:
بنك الراجحي يحتاج 5 ايام عمل وتوصلك عن طريق فيدكس ، انا وصلتني باليوم الخامس اتصلو علي ووصلوها للبيت
وهذا إقتباس من شاركة لي فيها تفاصيل عن الموضوع
الله يعطيك العافية اضافة مميزة ومكملة عن الموضوع
رد: ناقصك بطاقة ائتمانية ؟ الحل
يعطيك الف عافيه ي ششيخ ...
شكلي اجل ابروح الانماء بما انهم فاضين ما عندهم آحد
طيب يا عسسل اكيد طبعا لازم افتح حساب عندهم ...
طيب الراجحي والشله لابد افتح حساب برضو ... ؟
رد: ناقصك بطاقة ائتمانية ؟ الحل
موضوع مفيد
،،
افضل شي هي البطاقة المسبقة الدفع يعني الشخص يحط فيها المبلغ اللي يحتاجه فقط
انا عندي بطاقة تسوق من الراجحي جداا مفيدة وتقدر ترسل الرصيد عن طريق مباشر الافراد من النت
رد: ناقصك بطاقة ائتمانية ؟ الحل
هل السعودي للإستثمار يطلعلي دولية استفيد منها برا ؟؟
رد: ناقصك بطاقة ائتمانية ؟ الحل
فعلا انصحكم باستخراج صرافه من بنك الانماء ، فتحت حساب عندهم الاسبوع الماضي و خلال ساعه وانا فاتح حساب ومستلم بطاقة الصراف
ميزة البطاقة انها تعتبر صرافه عادية بالاضافة الى كونها فيزا ، يعني ٢في١ واعتبره جدا رائع مع العلم اني امتلك فيزا الراجحي تسوق من ٣ سنوات والحمدلله ؛ )
رد: ناقصك بطاقة ائتمانية ؟ الحل
ببطاقة الفيزا كيف نسدد رسوم طلب قبول اللغة وقبول الجامعة
ممكن تشرحلنا ياغالي