رد: طلبتكم يا اهال النخوه ريحو قلبي
اقتباس:
المشاركة الأصلية كتبت بواسطة HAYAT..
مرحبااا
شوووفي ياعسل انا رحت ملتقى جده امس وجهزت خطاب واوراق تثبت وجود محرمي بدوله ايرلندا وعطيته اخوي ودخلته عند قسم الرجال وخليته يكلمهم
بتحويل الدوله من امريكا لايرلندا ردو عليه جيب قبول مشروط من جامعه بتخصصها وارفع طلبك وبيوافقون على طول بهالحاله
الحين الي بعمله اخوي بايرلندا بيجيب لي قبول من جامعه بتخصص لقيته قريب من تخصصي وبرفعه للوزاره مع اخوي شخصيا ان شاء الله بعد وصول القبول لي
اخر شي لانه المشرفات بالملتقى الصراحه وربي لسى بفتح الموضوع معها ترد علي يااختي ممنوع مايمدي ايرلندا ويشهد ربي علي كلمتها بادب واسلوب
قهرتني لكن الله يسامحها تركتها ورجعت لوحده ثانيه كلمتني بذوق الله يسعدها واعطتني ورقه وقالت لي اكتبيه وجيبيه لي بس يوم سلمته لقيت نفس الاولى
وبرضو من طرف خشمها ترد وش تبي خلصتي جيبي قلت لها بس بعطيك اوراق ترسلينها مع الخطاب قالت روحي وتاشر بيدها ابعد عن المكتب كاني جايه اتشحد منها
تركتها ولارديت عليها خلصت وسلمتها ورحت بس ماكنت مرتاحه قفلت الدنيا بوجهي منها ليش هالتعامل مدري الله يسامحها
اللي ابيك سوي مثلي جيبي قبولات معهد وجامعه واطلعي الوزاره سلميهم وارسلي نسخه ايميل بعد حاولي لاخر لحظه انا مثلك جاني احباط بس قلت بتعب وربي بيوقف معاي
ولو ماتمت بتكون خيره من رب العالمين والحمد الله
الله يكتب لك الخير ويتحقق حلمك وحلمي بالتحويل والدراسه وحلم الجميع يااااارب
اسفه على الاطاله
عندي قبولات معاهد بالهببببببببببببببببببل لدرجه مدري كم صارو
ووجامعات مراسلتهم من قبل بس انا الهبله كنت ارسلهم بتخصص الي بدرسه مو بالتخصص الي كاتبته عندهم ومقدمه عليه
الان قالولي نفس كلامك غيري خطابك باسباب مقنعه اكثر وجيبي قبول مشروط
بصراحه القبول المشروط ماحيجي زي المعهد بيوم ولا يومين يتاخر شوي
لكن بصبر اول مايجين برسله لهم حتى لو رفضو بالمره الثانيه
كمان انتي سبب مقنع جداااااااااااااا اخوك هناك ومحرمك
بس سبحان الله قمة التعقيد ليه متري
حسيت اننا نبي تحويل على باريس مو ايرلندا
وعلى طاري المشرفات انا كمان كنت فيه حق امس و رحت وذليت نفسي لالف وحده <<< لا حاجتك عند الكلب قله ياسيدي
لكن بعضهم مؤدبين وبالفعل كلامك صح اول اتجين تقولين ايرلندا يقولون لا <<< عبالهم بندرس طب لان الطب اكتفو وحولوهم دول ثانيه
المهم انا للحين ماعندي قبول وجاني رفض بالخطاب الاول وامل بالثاني وكمان بطبعه واروح بكرا وربي يسهل لي ولك
وعلى فكره الي حولو ترا تعبوووووو وبعضهم جالسه اراسلهم بس لو لاهم ماكان عطوني امل
تدرين انا وش سبب الرفض ؟
عدم امتداد التخصص للتخصص السابق رغم انهم هم الي مخليني اختار تسويق وانا مابيه ولا ابي اكمل فيه
وامتداد تخصصي علوم صحيه(تغديه )
لكن لو اني سحبت عليهم وماطاوعتهم ولا غيرت تخصصي ماكان صار الي صار
لان الي معي علووم صحيه ابثعتو على ايرلندا حتى بعضهم تخصصهم مو مره مناسب للسابق
لكن الوزاره احسها افضليه وتعقيد فقط
لا عادي انا الي طولت وطلعت الي بقلبي<<< كل شوي تصيح
حسبي الله بس