اسفسار بخصوص تاجيل السفر

السلام عليكم احبتي المبتعثين والمبتعثات
حقيقة انا مرافق لزوجتي المبتعثة . ومن خلال المعلومات اللي قريتها في المنتدى استفدت كثير حقيقة .
لكن المعلومة اللي ما قدرت اتوصل لها هي :
اخر موعد لتاجيل السفر لمبتعثي الولايات الامريكية التحدة ؟
اسباب التأجيل ان زوجتي حامل وان شاء الله اذا الحسابات مضبوطة تكون ولادتها اخر شهر ديسمبر 2012 او بداية شهر يناير 2013 وصراحة ما ابي اسافر قبل رمضان والطفل عمره اقل من 7 او 8 شهور وبرضه فيه زواج احد اخواني الله يوفقه بشهر 6 / 2013 يوافق يونيو 2013 . وابي قدر الامكان اني اكون حاضر . واذا ما قدرت الله يوفقه .

انا سألت بالملتقى لكن الاجابة غير واضحة لكثرة المستفسرين والعجلة في الاجابات .

ياليت اللي يقدر يفيدني باخر موعد للتاجيل ؟ والطريقة لطلب التأجيل ؟ وهل ممكن التأجيل لشهر سبتمبر ؟

وبالخير اشكركم جميعاً على الافادة مقدماً ...

الله كريم انشا الله حد عنده الاجابة ويرد عليك ويطمن قلبك

احبتي ارجو من عنده افادة ان يفدنا وجزاه الله خير ..

ياليت واللللله نحصل على اجابه

حتى انا عندي ظروف مااقدر اطلع اول 3 شهور

تمنيت افيدكم
لكن للأسف ماعندي فكرة
ومن الأفضل نستفسر من الوزارة خصوصا في وقت الملتقيات

انا كمان مو حابة اسافر اول 3 أو 4 شهور

اسأل الله التوفيق لي ولكم وللجميع

مرحبا
الي اعرفه ان الي زوجته حامل عادي يأجل الدراسه بس يكون معك تقرير ان السفر يتعبها و يضرها
روح الوزاره و اشرح لهم ظروفك و الله يوفقكم و يسهل اموركم
اما الي حاب يأخر السفر يحاول يتأخر شوي في اوراقكم او انك تجيب قبول معهد متأخر شوي و اذا الوزاره سألتكم ليش أخرتو او الدراسه متأخره قولو لهم ان المعهد مليان و هذا أقرب وقت حجزته
و الله يوفقكم

^^^^^^^^^^^

خلاص عرفوا التصريفه .. لازم نشوف تصريفه غيرها بدون محد يدري هع

عادي اخويه تقدر تأجل السفر لحد رمضان او شوال القادمين ، الخطوات كالتالي

جيب قبول من معهد على الوقت اللي انت تبغاه

أحجز موعد بالسفاره قبلها بشهر او شهرين

تطلع لك الفيزا وعلى امريكا وربي يوفقك

اخي الكريم عذرك بالتاجيل قوي كون زوجتك حامل وتنتظر ولادتها .. وكون السفر في الشهور الاولى غير محبب لا للرضيع ولا لوالدته
بس مو ملاحظ ان التاجيل لما بعد رمضان جدا بعيد؟؟؟
ممكن تحضر زواج اخوك الله يوفقه وبترتب امور ابتعاث زوجتك وفقا لذلك
يعني تقدم على الفيزا بنص شهر مايو واول ماتطلع لك ( نقول بداية يونيو فرضا) تصدر قرار ابتعاثك وهو صالح لفترة ٣ شهور من تاريخ الاصدار ( يعني بداية اغسطس)
بكذا اعطيت زوجتك وقتها وقدرت تحضر زواج اخوك وقضيت رمضان مع اهلك وتكون سافرت بشكل نظامي


بالتوفيق...

معـك أخي الفـاضـل الى شهـر تقريبـا 8 ميـلادي ولا تحتـاج الى تأجيـل خـلال هـذهـ المـدة بإذن الله.