هـــــــــــــل نحن مستعجلون ؟

بجد شكرا ربي يسهل لك ويسهلي الاختيارات المناسبه بس قد ايش تاخذ فترة من وقت الترشيح لوقت القبول النهاىي ؟؟وخروج الفيزا قد ايش يطول ؟

عزيزتي وكلي أمرك لله ,, وإن شاء الله ربي يساعدك ..

أنا لا افضل انك تنتظرين الملتقى لأنو كل شي واضح في المنتدى

لو كنتي محدده وين بتروحين شوفي المعاهد المفتوحه في المدينة اللي بتروحيلها وابدأي ابحثي عن مواقعها

وابحثي عن طريقة التسجيل فيها ولو ماعرفتي راح يساعدوك ماشاء الله هنا ايادي مليئة بالعطاء

اهم شي لا تتأخري عشان ماتتكدس عليك المعاهد .. وان شاء الله ربي يكتب لك الخير ..

أفضل حل كالتالي:
1- تفتحي صفحة معاهد اللغة في امريكا اللي معتمدتها الوزارة.
2- تختاري المعهد نسبة لسمعته العلمية أو أن المدينه اللي هوا فيها تعتبر بالنسبة لكي مناسبة.
3- تروحي جوجل تكتبي اسم المعهد وتفتحي الموقع تبعه وتشوفي طريقة التسجيل كيف سواءApplication on-lineأو Application بصيغة pdf
وإذا كان الخيار الأول فبعد تعبئة الابلكيشن ترسليلهم ايميل بأنك عبيتي بياناتك أونلاين وأن الضمان المالي مرفق في هذا الايميل اللي رسلتيه لهم(وطبعاً انتي تحملي الضمان في المرفقات على الايميل اللي بترسليه لهم)
وإذا كان الخيار الثاني اللي تسويه انك تطبعي الابلكيشن وتعبيه بخط اليد ومن ثم تسويله scan على الكمبيوتر وترسليلهم ايميل مرفق فيه الابلكيشن والضمان المالي وطبعاً تكتبيلهم في الايميل اسمك وبلدك وانك راغبه بالالتحاق في معهدهم وانك طالبه مبتعثة عن طريق وزارة التعليم العالي ,وبعدها المعهد يتواصل معاكي عن طريق الايميل.(وعلى فكرة في بعض المعاهد تطلب منك مبلغ مالي للابلكيشن غير مسترجع حتى لو كان عندك ضمان مالي وارسلتيه لهم وركزي على كلمة بعض وليس كل).
الله يسهلك أمرك وييسرلك دربك يارب...