سوال بالنسبه تطرقوا اليه بملتقيات الرياض
السلام عليكم
انا من الاشخاص اللي ناوي اتاخر شوي وماادرس بيناير يعني على مارس او ابريل اروح . .
وسألت المستشارين هناك قالوا انتم تعتبرون الان مرشحين للبعثه وليس مبتعثين الا بحالة اصدار قرار الابتعاث حلو طيب
انا معي الضمان الان ولكن ماابي استعجل بالقبول بحكم انشغالي بالعمل . . .
ف هل هذا عادي لو ااخر شوي ؟ او وش يتطلب علي الان ! اعمله
وشكرا
رد: سوال بالنسبه تطرقوا اليه بملتقيات الرياض
ما هو عليك انك تجيب تصدر قرار ابتعاثك قبل ثلاث اشهر من 2013 وهاذا القرار بيكون صالح لثلاث اشهر قدام يعني فرضا لو انت بتأجل دراستك لاقصي فترة ( نظاميا ) جيب قبول على شهر 6 من سنة 2013 ولكن قبل ذلك لابد ان تصدر قرارالابتعاث بشهر 3 من ذات السنة . اتمني اكون افدتك
رد: سوال بالنسبه تطرقوا اليه بملتقيات الرياض
كلامهم كان واضح
لازم تبدأ دراسة خلال أول 3 أشهر من 2013
والي يبي يتأخر يكونون لجنة لدراسة طلب تأجيله
يعني اذا ما كان عندك سبب مقنع احتمال يرفضون تأجيلك
رد: سوال بالنسبه تطرقوا اليه بملتقيات الرياض
اها شكرا لكم على الافاده
طيب واللي من المرحله السابعه لحد الان ماسافروا وش وضعهم ذولا !!
رد: سوال بالنسبه تطرقوا اليه بملتقيات الرياض
حسب الشروط المرفقة مع الضمان أقصى حد 3 اشهر لاصدار قرار الأبتعاث .
رد: سوال بالنسبه تطرقوا اليه بملتقيات الرياض
طيب انا ولادتي ان شاء الله على ابريل
وما اقدر اسافر قبل لا اولد وش حيكون وضعي
رد: سوال بالنسبه تطرقوا اليه بملتقيات الرياض
حبيبتي اللي وضحه الدكتور ماجد عندك اول ثلاث اشهر لاصدار قرار الابتعاث يعني تقدرين تطلعين قرار الابتعاث في شهر مارس وكذا قدامك اربع اشهر على ماتسافرين
وقال الدكتور ماجد على حسب قبولك يعني اذا جبتي قبول في اغسطس انتي بيكون سفرك الشهر اللي قبله
بتكون الاليه شهر مارس ٣ تصدرين قرار الابتعاث على شهر يوليو السفر اللي هو ٧ ودراستك تبدا شهر ٨ كذا انتي في السليم
لان امس في الملتقى ركزت معاه على هالنقطه والبنات كثير سألو عنها وشرحها بالتفصيل وقال تقدرن تباشرون الدراسه الى شهر ٨
واليوم في الملتقى بتاكد لك اكثر عشان ترتاحين
رد: سوال بالنسبه تطرقوا اليه بملتقيات الرياض
لو سمحتي والله مافهمت واتلخبطت براسي
ممكن توضحين اكثر
عشان انا باخر دراستي
ولادتي تكون بشهر ٣ وابغئ ارتاح بعد الولاده ويكبر البيبي
وما اقدر اسافر بداية ٢٠١٣
حااابه اسافر بعد شهر٩ هجري
يصير والا مايصير
رد: سوال بالنسبه تطرقوا اليه بملتقيات الرياض
شوفي اول خطوه تصدرين قرار الابتعاث بشهر ٣ ميلادي
طبعا تكونين جايبه قبول معهد والدراسه تبدا بشهر ٨ اللي هو اغسطس حلوو
كذا من شهر ٣ الى شهر ٨ (ميلادي) هذي الفتره خلالها تسافرين
لازم تكونين ببلد الابتعاث قبل الدراسه على الاقل بأسبوعين وبالكثير شهر يعني سفرك لازم يكون بشهر ٧ ميلادي يا اوله او نصه
اتمنى تكون وصلت لك المعلومه
رد: سوال بالنسبه تطرقوا اليه بملتقيات الرياض
اقتباس:
المشاركة الأصلية كتبت بواسطة bosasha
كلامهم كان واضح
لازم تبدأ دراسة خلال أول 3 أشهر من 2013
والي يبي يتأخر يكونون لجنة لدراسة طلب تأجيله
يعني اذا ما كان عندك سبب مقنع احتمال يرفضون تأجيلك
متأكد من كلامك .. يعني بشهر 4 ميلادي لازم يجيب عذر؟؟؟
طيب الجامعه عنددها موعدين للقبول الأول بشهر 1 والثاني بشهر 5 وش أسوي بالحاله هذي؟؟؟<<<< أتكلم عن المعهد بمدينتا
أرجوا أنك مأتكتب الا واثق بكلامك