فضفضة وياليت شوركم وهداية الله ....

اول شي معليه الكل مارح يلاقي الشي الي يبغاه بالضبط بس هي تساهيل وهذي المواقف هي الي تخلينا يزيد اصرارنا على تحقيق اهدافنا

عن النقل من ولايه لأخرى انا أأيده لأن ثلاث ارباع الدفعه الثامنه مسوين كذا عشان التكدس الي صاير ..

انا بقول لك فكره وشوفيها .. أنتي روحي ولايه ثانيه تكون زينه واسكني في شقه مفروشه < طبعا مو زي الي عندنا هنا هع هم ارتب واكشخ

وبكذا مارح تضطرين تشترين عفش وتنقلينه معك اذا خلصتي اللغه على خير يصير بس كماليات بسيطه امرها هيّن في النقل إذن الله ..

بالتوفيق عزيزتي

لا تشكيلي .... ابكيلك
والله يا اختي كلنا حايسين للأسف المرحلة دي احسها مقفلة صح
بريطانيا استراليا نيوزليندا مقفلة
امريكا ههههه قارة وقارة وطلع تكدس فضيع تكدس لا يطاق اغلب المعاهد المعروفة والقوية مقفلة ومتكدسة
ربي ييسر امرك وامرنا ان شاء الله

يالغالية انا افضل انك تدرسي اللغة في ولاية ثانية طبعا بعد ما تدوري عن الولاية المناسبة لك لانه محد يقدر يقرر ايت ولاية تناسبك اكثر وبعد ما تخلصي فترة اللغة جيبي قبول جامعة من الولايات اللي فيها تخصصك وانقلي للسكن هناك طبعا يالغالية تقدري تبيعي الاثاث وانتي خارجة من الشقة او تقدري تشتري اثاث مؤجر او ممكن تسكني في شقق مفروشة زي ما قلتلك الاخت اللي فوق،،،

لا تفقدي الامل بالله وما تدري يمكن اللي قاعد يسرلك خيرة من الله والله يوفقك...

ياربي ربااه عالفضفضه وقسم بالله لو باكتب روايه افضفض فيها , كانت انتشرت أكثر من رواية البؤساء

ياختي والله نفسي اسوي اجتماع بببعض موظفين الوزارة , واتصل على دواد الشريان يتفاهم معاهم هماكم ماتردون على استفسارات خلق الله , وشهوله مطنشينهم وكل شئ بالملتقى << شطحت

على قولة الاخ ياسر لا تشكيلي ابكيلك , وخديها مني ما اخس من قديد الا عسفان , وما اخس من المربوط الا المنلفت

ياختي كدا نفسي مدري شاسوي بس , الله يفرجها من عنده لو بنبكي بيحتفلون بافتتاح بحر جديد فيه بط زي حق الرياض <<ماتحش فيهم مرا

المهم ياعسل نجي للمهم بموضوعك << بدري

ياخيتي استهدي بالله , اختاري زي ماقلتي ولاية قريبه من دي الولايتين , جيبي قبول لغة وكملي

زي ماقالو في مجمعات سكنية باميركا , خدي لك شقه هناك واستأجري لك اثاث , وممكن تكون شقة كاملة

شدي حيلك باللغه , وان شاء الله تروحي للجامعة اللي تبغيها ,

حل خنفشاري مني , روحي للمعهد واعرفي من مشرفك هناك , حاولي تقنعينه انك تبغي تنقلي للمعهد دا عشان الجامعه فيها تخصصك

وان شاء الله يقبل وتنقلي , عاد بس دا اللي يحتويه راسي من معلومات

ربنا ييسرلك وييسرلنا جميعا

الله يعينك ويسهل أمرك لما هو خير لك ..
فكرتي قبل بتغيير الدولة ؟
شوفي جامعات الدول الآخرى مثل كندا وإيرلندا ..

ريما حبيبت قلبي ،،

اول شي احب اطمنك ان المرافق اذا حاب يلتحق بالبعثه من شروط الوزاره ان لازم يجيب قبول ( غير مشروط ) عشان تتاكد الملحقيه بعد اختبار المرافق للتوفل او الايلتس انه مجتهد وقدر يعدي مرحلة اللغه ،، فكذا او كذا مايقدر يجيب قبول مشروط >> وهذا اللي مطمني برضو بالنسبه لمرافقي

اما بالنسبه للجامعات اللي فيها تخصصك وتخصص زوجك احس مو معقوله امريكا كلها بكبرها فقط ثنتين ،، انا رأي تسوين نفس طريقتي اللي هي :

تكتبي في موقع الجامعات الموصى بها على تخصصك ولا تحددين الولايه او المدينه حطيها فراغ ،، راح يطلع لك صفحات متلتله فيها الجامعات اللي تضم تخصصك بالترتيب الابجدي من A الى Z ،، افتحي كل صفحه وصوريها في الجوال الين ماتخلصين كل الصفحات ..

بعد كذا امسحي تخصصك واكتبي تخصص زوجك ،، برضو راح يطلع لك صفحات بالترتيب الهجائي ،، افتحي الصور اللي صورتيها في الجوال لتخصصك وابحثي على جامعه فيها هالتخصصين ( من الصور الى الاب توب ) واكتبي اسم الجامعه اللي ضامه تخصصاتكم قي ورقه واكيد راح تلاقي اكثر من جامعه ان شاءالله بعد كذا استفسري وابحثي عن الجامعات اللي كتبتيها في الورقه >> يارب يكون شرحي واضح ..

^^ راح تتعبي اكيد بس هذا هو الحل اللي سويته انا وماشاءالله طلعلي 77 جامعه في جميع ولايات امريكا ،، وبعد البحث الذي دام اسبوعين طلعت لي بـ 5 جامعات ولله الحمد >> اخلصي علينا

اما اذا مالقيتي الا جامعتين فقط اللي قلتيلنا عنها ،، فما نقول الا الشكوى لله مالك الا تدرسين اللغه في معهد في ولايه غير وان شاءالله تكون لك خيره من المعاهد المتكدسه ،، وانا رغم اني طلعت 5 جامعات في ولايات مختلفه الا اني راح ادرس في ولايه غير عن هالولايات بسبب التكدس او تكون معاهد مخيييييسه ..

وعلى فكرة حركة النقل مايبي لها شي اذا اخترتي شقه مفروشه او اسناجرتي اثاث مفروش ،، وانا اصلا مفكره بشقه مفروشه حتى لو اني بسكن فيها طول فتر ابتعاثي لان مافيني حيل في تأثيث الشقه وحوستها وقروشتها ..

^^ تلاحظين ان كل كلامي لازم اربطه في كلمة ( انا ) واعوذ بالله من كلمة انا ،، لكن والله العظيم قصدي اني ابغى انصحك مثل مانصحت نفسي ( حب لأخيك ماتحب لنفسك )

واذا كان على قولتك طابت نفسك من البعثه اقولك : استخيري كذا مره من الان واذا كانت البعثه فيها خيره لك صدقيني راح تتيسر امورك وتتسهل وينفتح كل شي في وجهك .

وانا اقووووول يالله معانا كندا ياجماعة الخير تراها فاضية مافيها الا انا واخويا .. حياااكم .. وهذي الساعة المباركة

اذا فعلا مالقيتي غير هالولايتين و ومافي غيرها
رايي مثل ماتفضلتي تشوفين معهد بولايه قريبه وربي يعينك على النقل بس اذا معاك زوجك بيكون النقل سهل وبالبر اذا كان قريب
انا نقلت من اقصى الغرب لاقصى الشرق لازم تكون في اشياء نمر فيها تكون صعبه بس لازم نتحمل عشان نوصل ونحس بحلاوة النجاح بالاخير

بالتوفيق

يعطيكم العافية صدق تحفيييييييييييييييييييييييز

ربي يسهلها لنا قررت ابحث عن ولاية قريبة وربي يوفقنا جميعا

وعن كتدا وايرلنا مقفلة مدري ليش مافيها تخصصي ولا تخصص زوجي

يلا عساها خيرة ,,,