رد: مصيبه، سارت تصلنا اعلانات بـ أسمائنا !
فوز , اللي يقهرك إنو ماشاء الله دول شغالين يرسلون
وموظفين الوزارة اللي الاستفسارات عندهم ماليه الدنيا مطنشين , يعني الموظف اللي كان عنده وقت يسرب المعلومات
الله يجزاه خير كان رد على الاستفسارات ,
بعدين من قالك ان تسريب المعلومات شئ عادي :)
فرضا اتسرب ايميلك , واتهكر , انت مرسل الا بلكيشن وفيه بيانات الفيزا تبعك عشان يخصموا المبلغ :)
كدا عادي ؟؟؟؟
مرسله صورة جوازك , بيانات مهمة جدا بطايق ؟
دحين كل شغلنا بالايميل , مافي شئ اسمو عادي
رد: مصيبه، سارت تصلنا اعلانات بـ أسمائنا !
والله يا ميس فوز انا قلت ما الوم المعهد لكن الكلام على اللي نشرها = "خائن للامانه" باختصار لأن الوزارة مأمنه الموظفين و حريصة ان كل شي يتم بسرية تامه، و الخائن للامانة زيه زي الحرامي زي الكذاب تتم معاقبته بطريقة او اخرى. حتى احنا الطلاب محذريننا من المعاملة مع المكاتب التجاريةو ان اي طالب يتعامل معاهم قد توصل لانهاء بعثته و أكيد وصلك ايميل الوزارة بهذا الخصوص(ولو ان البعض ممن تعامل معاهم ماجاهم شي :p).
رد: مصيبه، سارت تصلنا اعلانات بـ أسمائنا !
طيب يا خوان انا طالع ماستر biology وجاني قبول بمعهد ilac الحمد لله
بس اتصلت علي وحدة من Global Student Services
وتقولي ما عليك احنا نجبلك قبول للماستر دامك مرتاح للilac ولو تبغانا نشوفلك قبول بمعهد جامعي
احنا هندور ونجبلك اسماء الجامعات وانت تختار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟من جد ذا الشي
رد: مصيبه، سارت تصلنا اعلانات بـ أسمائنا !
نسيت اقول ان الرسائل اللي وصلتني فيها ايميلات كثييرررر لييين بكررره الصبح لو اعد ما تخلص لـمبتعثين ومبتعثات P:
و صحيح كلام ميشو لو واحد من ضعاف النفوس قدر يتوصل للايميل يمكن يجيب فيكي العييد خصوصا ان البعض رابط اليميله بالـ paybal او في معلومات عن بطاقة الفيزا الخ الخ
و اللي من خلالها يدفع لمشترياته او يدفع رسوم ابليكشن المعهد او ايا كان،، يعني ببساطة رحتي فيها .. عرفتي ليش تسريب المعلومات خطير! و تراه من الجرائم اللي يعاقب عليها القانون :p
رد: مصيبه، سارت تصلنا اعلانات بـ أسمائنا !
واشبو ايميلي وايميلك مو اوادم نحنا :p واحلى اوادم كمان
ياعسل مافهمتي عليا , بعض المعاهد تطلب بيانات الفيزا , فالطالب يرسلها على الايميل , لاسمح الله احد اخد بيانات الفيزا ؟ ايش بيسير
قبل فترة سارت قصة لراجل اتسرقت سيارته مدري محفظته , واللي سرقها جلس يتعامل ببطايقة ويستأجر ويخرب , والمشكله ساهر مصورة وهو يسرق
وجلس فترة الراجل يبغى احد يوقف دا السارق ما احد عنده والله العالم دحين ايش صار عليه :)
ففرضا طالب اتهكر ايميله واتسرقت معلوماته للفيزا , بيجون يطلعون من اخدها :) تركوا داك اللي عنده دليل عالسارق وبيجوون للطالب الغلبان :)
ياشيخه ربنا يحفظنا من ضعاف النفوس :)
رد: مصيبه، سارت تصلنا اعلانات بـ أسمائنا !
انا الي شاغل بالي الموظف الي سرب المعلومات كم استلم من المكاتب :p
من جد شر البليه مايضحك حسبي الله ونعم الوكيل
رد: مصيبه، سارت تصلنا اعلانات بـ أسمائنا !
اقتباس:
لو اتهكر الايميل في شيء اسمه استعادة كلمة المرور وتجيك عالجوال
لو مرا مرا مارجعت برسل للوزارة واقولهم انتو السبب محد قلكم تنشروا ايميلاتنا
والخائن للامانه في كل مكان مو بس في الوزارة , ولا ايش خرب البلد دي غير خيانه الامانه
و ليش تحوجي نفسك تغيري باسوورد و ليش تحوجي نفسك باخر المطاف تقولي للوزارة انتو السبب؟! و هذا اللي احنا نقوله من اول "يا وزارة فيكم خائن"
ليش ما الطالب يكون مرتاح البال مو كافيه الضغوط اللي تجيه !،، + خلاص نقول الحرامية في كل مكان و نسلم امرنا و نسكت لا تقطعوا يد احد!
هذه مشكلتنا نشوف الغلط و نسكت و نقول عادي ولما ناكل على راسنا نولول و نقول انتو السبب :p
رد: مصيبه، سارت تصلنا اعلانات بـ أسمائنا !
الله يبعد عننا الشر ان شاء الله :)
انا نفسي اعرف مين الرايق اللي يرسل البيانات دا ,,
ومن قاله يعطيهم اسمي :mad: فيها قبايل دي خلوه يتصل بس :mad:
رد: مصيبه، سارت تصلنا اعلانات بـ أسمائنا !
طيب في احد ارسل للوزارة بهذا الخصوص, وشاف ايش ردهم؟؟
بجد التصرف غير مقبول ابداً..
رد: مصيبه، سارت تصلنا اعلانات بـ أسمائنا !
صباح الورد
ولكن لابد من التأكد ياجماعه من اللي صاير ليه نتهم وزاره التعليم العالي
لو ماتهمهم مصلحتنا ماكان نبهوا علينا مانجيب قبول من الخارج وحرصوا على عدم تعرضنا للنصب من المكاتب
يمكن في لبس صدقوني لانحكم حتى نتأكد
وفق الله الجميع
- - - مشاركة محدثة - - -
ميشو ليشو
حلووووووه فيها قبايل هههههههههههههههه
الله يسعدكم جميعاً