إسمي في الجواز يختلف عن إسمي في شهادة الثانوية العامة .. ساعدوني

السلام عليكم ورحمة الله وبركاتة
اكتشفت اليوم وأنا بحجز موعد للسفارة أنو اسمي في الجواز غير عن اسمي في شهادة الثانوية العامة
وأصل الشهادة مو عندي عند الوزارة
ماني عارفا ايش اسوي كل أوراقي و الـ I-20 حقي بإسمي في الجواز :""(

هل السفارة الإمريكية تدقق على هذا الشئ ؟!!
وهل الازم نجيب أصل شهادة الثانوية العامة لمن نروح السفارة ؟؟
وكيف نجيب الأصل وهي عند الوزارة اصلا ؟؟

الله يخليكم ابغا احد عنده خبرة يفيدني في الموضوع

أنا كان عندي نفس الشئ بس أنا عدلت الأسم قبل لا اسلم اوراقي في التدقيق !!!

ضروري يكون أسمك في الشهادة مطابق للي في الجواز !!!!!!!

حاولي تتواصلين مع الوزارة و تاخذين شهادتك و تروحين تعدلين اسمك من مبنى الوزارة اللي في شارع حائل اذا انتي من جدة عموما الموضوع ما ياخذ ساعتين ع بعضهاا بالتوفيق !!!

اذا الاختلاف بس في اسم الجد ؟؟ في الجواز حرف والشهادة مكتوب كامل
وكمان لازم الاصل او ينفع طبق اصل بالنسبة لموعد السفارة الامريكية

انا كان عندي نفس المشكله
اسم الاب زايد حرف في الجواز
لكن سويت كل شي على اساس الجواز ولمن رحت القنصليه جبت صوره من شهادة الثانوية
بس ما دققوا في الاسم
بس المشكله اني ما اعرف لمن اسجل في الجامعه حيدققوا في الاسم ولا لا

اقتباس:

---

المشاركة الأصلية كتبت بواسطة Faisalx

أنا كان عندي نفس الشئ بس أنا عدلت الأسم قبل لا اسلم اوراقي في التدقيق !!!

ضروري يكون أسمك في الشهادة مطابق للي في الجواز !!!!!!!

حاولي تتواصلين مع الوزارة و تاخذين شهادتك و تروحين تعدلين اسمك من مبنى الوزارة اللي في شارع حائل اذا انتي من جدة عموما الموضوع ما ياخذ ساعتين ع بعضهاا بالتوفيق !!!

---

رسلتلهم إيميل بس الين دحين ماردو علي -__-
لا انا من اهل المدينة

اقتباس:

---

المشاركة الأصلية كتبت بواسطة شوق المشاعر

انا كان عندي نفس المشكله
اسم الاب زايد حرف في الجواز
لكن سويت كل شي على اساس الجواز ولمن رحت القنصليه جبت صوره من شهادة الثانوية
بس ما دققوا في الاسم
بس المشكله اني ما اعرف لمن اسجل في الجامعه حيدققوا في الاسم ولا لا

---

أنا كللو الإسم مخربط أسم الجد والأب و اللقب
كيف عدلتها ؟
يععني في السفارة بس يطلبو صورة طبق الأصل من الشهادة في المقابلة ؟

اقتباس:

---

اذا الاختلاف بس في اسم الجد ؟؟ في الجواز حرف والشهادة مكتوب كامل
وكمان لازم الاصل او ينفع طبق اصل بالنسبة لموعد السفارة الامريكية

---

أسم الأب والجد و اللقب كللو غلط
يعنني بس صورة طبق الأصل من الشهادة في المقابلة ؟

ارسلي صورة جوازك على هذا الإيميل

nslmah@mohe.gov.sa

واكتبيلهم مشكلتك وانك حصلتي قبول باسمك في جواز السفر
ارسليلهم الآن لان اليوم اربعاء وبكرة ما في دوامات

لا بس اسم الجد في الجواز مكتوب بس حرف لكن في الشهادة مكتوب كامل
سوري سؤالي ماكان واضح اخويا يدرس في الجامعة تحضيري ومو ناوي يسحب يبغى يخلص التحضيري
دحين لما اروح لموعد السفارة لازم تكون معاه الشهادة الاصلية او عادي طبق الاصل ؟؟

عادي شهادة طبق الاصل