سؤال ابيه بالتفصيييل الله يسعدكم ...

أسهل شي و أسرع شي روحي للأهلي أو الراجحي
قولي أبي أطلع لي بطاقة إئتمانية مسبقة الدفع
هاذي ما تحتاج إن يكون عندك حساب و بالعادة تطلع بسرعة يمكن ب إسبوع
و طريقتها بعد ما تطلعينها إن شاء الله
إنك تروحين لأي فرع و تعطينهم أي مبلغ معك و يودعونه لك بالبطاقة
أو إذا أي أحد من أقاربك عنده حساب بالأهلي أو الراجحي يحول لك عن طريق النت

و عشان تسددين للجامعة
غالباً فيه صفحة بالأبلكيشن تحطين فيها معلومات بطاقتك ( رقم البطاقة + تاريخ انتهائها + الإسم اللي ع البطاقة ... إلخ )
و لما يوصلهم الأبلكيشن هم راح يخصمون المبلغ

و عموووماً عشان ما تتأخرين بالتقديم شوفي أختك و إلا أخوك إذا عندهم
و إستخدميها و عطيهم اللي إنسحب كاش

حياك الله لسا دفعت المبلغ امس ..

الطريقة عادي تستخدمين اي بطاقة فيزا حتى لو مو باسمك .. يعني باسم الوالد او اي شخص ..

وفي نفس البطاقة فيها ارقام مثلا CVV تلقينها خلف البطاقة 3 ارقام .. و رقم الفيزا هي نفسها الرقم الطويل في وجه البطاقة .. وتاريخ الانتهاء والبداية مسجل عليه ..

اهم شي يكون فيها المبلغ اللي تبين تدفعينه ..

التسديد يكون انك تعطينهم معلومات البطاقة فقط وهم يسحبون المبلغ ..

ابدا لا مشكلة .. تستطيعين مراسلة اكثر من 10 جامعات بلا مشاكل ..

قريت قبل كم يوم ان البطاقة العادية في بنك الانماء تعتبر 2 في واحد
يعني هي حساب جاري وايضاً هي بطاقة فيزا ويصدرون لك البطاقة في نص ساعه

ملحوظة : هذه معلومات قرأتها قبل عدة ايام ولم أحاول التأكد من مصداقيتها فمن يهمه الأمر ارجوا ان يتأكد من صحتها اولاً .

طيب لو سمحتوا
digit security code >>>>>>> هنا ايش احط الارقام تبع ايش ؟؟


credit card# >>>>>>> وهنا ارقام ايش

رقم البطاقة الطويل الموجود على وجه البطاقة