مكافأة مبتعثي كندا vs مكافأة مبتعثي أمريكا..!؟

الله يسمع منك قول امييييييين

رايي المتواضع ..^_^

انو الراحة النفسية اهم من الفلوس ..انو تختار ولاية بنفسك تناسبك من كل النواحي افضل ..فممكن تختار مدينة ما تناسبك في كندا وتتورط وفي المقابل ممكن تلاقي ولاية تناسبك من حيث السكن ونظام الجامعة وغيره وتكون في امريكا وترتاح فيها .....المقياس في النهاية هي الراحة ..لانو بعض انظظمة الجامعات في كندا ماحتعجبك ابداا صدقني بعضها طبعا مو كلها..يعني لازم تكون فيري سمارت يا سمارت ادرسها من كله..


طبعا انا طالعة كندا باذن الواحد الاحد واخواني سبقوني هناك الحمدلله مرتاحين ماليا رغم انو اخوي مرافق لاختي ومكافئته الف وعليها ..
بس يمكن الظروف هي اللي تحكم مو كمية وقدر المكافاة..
لانو كلهم الاثنين سينغل يعني ما عليهم التزامات ومدينتهم صغيرة هي لندن اونتاريو ما هي كبيرة مرة بس حلوووة اوي ولا غالية مررة يعني ارخص من تورنتو وفانكوفر ..وكمانت اختي من النوع الاقتصادي صراحة يعني كل قرش فعلا اسم الله عليها يطلع في مكانه وماسكة يد اخونا في الله المسرف الكبير وحاسبة حساب الظروف ومحددتله مبلغ معين يلعب فيه كل شهر يعني يروح يتمشى يشتري اللي نفسه فيه واللي يبغاه في حدود هالمبلغ بس غيره لا .....وبفضل الله ثم بفضل هالشي السنة اللي فاتت كان عندنا زواج اخوي ورفضلتهم الملحقية انهم يروحوا تذكرة على حسابها .. فرجعوا على حسابهم طبعا وهذا بالفلوس اللي كانت تحوشها كل شهر الله يسعدها ويخليها لينا يارب ..العبرة من هذا كله انو ظروفهم هي الي ساعدت مو المكافاة ..يعني تتخيل واحدعنده اولاد ومصاريف حضانات ومدارس وغيره حيقدر يحوش كل شهر ثمن التذاكر ذهاب وعودة (اللي هي تقريبا 12 ألف ريال ) لكل فرد ما اتوقع ..

بس نظام جامعتهم مخليهم شوي يبكوون فمثلا لازم تختبر قبل المحاضرة ما تبدا اختبار للي بتاخذه في هذي المحاضرة وهذا الاختبار عليه 2% من الدرجة النهائية للمادة وكل محاضرة نفس الشي اختبار في البداية بعدين يبدا الافندي يشرح ...طبعا يذاكرون من كتاب معين يعطيهم اياه بس كيف تخليني اذاكر من كتاب فيه مصطلحات جديدة علي كطالب اجنبي وتختبرني فيه وانت ماشرحت كلمة وكيف افهمه اصلا ؟؟ وطبعا اكثر المتورطين تبع العلوم الطبية لانو المصطلحات صعبة عليهم ..اما الهندسة ممكن يمشوا ..بس زي مايقولوا اللي بيغى الدح ما يقول اح ..

نقطة اخيرة ..بالنسبة لصعوبة القبولات هذا للماستر مو للبكالوريوس ..البكالوريوس بالعكس يقدر ياخذ قبول مشروط من اي معهد تابع لجامعة بكل سهولة ويدخل هالجامعة دايركت ..

وفي الاخير انصحك تستخير ..بالتوفيق يا رب ^_^

شوف اخوي نصيحة اخو

لا تفكر عشان ماتتعب

راح تشوف غرائب وعجائب الدنيا

من ناحية مكافئة وزارة

ملحقية كلش