فيه شي غريب ...ياكثر اللي اعرفهم طلعو بنفس هذا الضمان بالسنوات السابقة ..الان وش اللي تغير؟؟؟
عرض للطباعة
فيه شي غريب ...ياكثر اللي اعرفهم طلعو بنفس هذا الضمان بالسنوات السابقة ..الان وش اللي تغير؟؟؟
اجل ردي علينا اذا صار معاك شي لانها ممكن تحصل مع اي فينا
عفوا أختي : كم كانت المدة من حجزك لموعد السفارة أون لاين حتى موعد المقابلة ؟
بعدين هل تعذرت السفارة بشيء أخر غير الضمان ؟ لانه في كثير طلاب اصدروا فيزهم من السفارة بالرياض وبنفس الضمان ؟
تو جاني اتصال من السفاره الامريكيه ..
قال لي انو السبب خطأ الضمان هو موضوع الضمان الموجود فوق .. for Admission purposes ONLY
طبعا قلت له انو هذا يعني بمثابة ضمان مالي لانو نص الخطاب يثبت كذا قال اي بس مو مكتوب فيه Financial Guarantee
يعني يقصد الخطاب موجه للقبول ومافيه عبارة ضمان مالي .. وطال الكلام على الخطاب بعدين قلت له اسماءنا موجوده عندكم قال اي تعرفين رقمك التسلسلي الموجود عندنا قلت لا قال ارجعي للوزاره وخذيه منهم او خليهم يعطونك بطاقة منحه وارسليها لنا .. وقال اذا جبتي الرقم التسلسلي يكفينا .. وعطيته رقم الطلب حقي بالمنحه قال لا احنا عندنا قائمه باسماءكم مسلسله نبي رقمك ..
معقوله كذا وهذا واحنا هنا والسفاره قدنها عندها علم بالمبتعثين
ما رضت بالضمان !
طيب خبرينا لما تروحي بكره للوزاره اش حيقولوا :confused:
بالنسبة للضمان المالي الممنوح لطلاب برنامج خادم الحرمين فهو ضمان مالي للقبول فقط يستخدمه الطالب لمراسله المعاهد وان اراد الجامعات
ولكن صلاحية هذا الضمان تنتهي بدخول الطالب لبلد الابتعاث
بالنسبة للضمان المالي المقدم للسفاره فهو عباره عن قائمه ترسلها الوزارة للسفاره وغالبا ترسلها الوزارة بعد او اثناء الملتقيات ( كما حصل مع طلاب المرحلة السابعه ) وبعد الملتقيات تقوم السفاره الامريكية بتحديد بعض الايام وبعض الساعات لطلاب برنامج الملك لكي يتسنى لهم المقابله والحصول على الفيزا
الحل الافضل هو ان يقوم الطالب المبتعث بزياره مبنى وكالة الابتعاث الموجود في حي الغدير ( هذا بالنسبة لطلاب الرياض ) والطلب من الموظف ان يرسل ضمانه المالي ويعطيه رقمه التسلسي الموجود في قائمه الضمانات المالية الخاصه بطلاب البرنامج التي تم ارسالها للسفاره وبهذا يحصل الطالب على رقم ويقوم بتقديمه للسفاره الامريكية ويخبرهم بأن لديه بعثه وهذا رقم الضمان وموظفي السفاره الامريكية سيتفهمون للوضع وسيقومون بأداء الواجب
هذا الكلام بناء على تجربه شخصيه وتجارب عديده للاصدقاء
اللي تغير موضوع الخطاب هذا كلامه انو بدال مايصير ضمان مالي صار لغرض القبول .. بس جاني اتصال من السفاره ووضحتي لي انو عندي ثلاث خيارات 1. الوزاره تعيد كتابة الضمان المالي وتكتب ضمان مالي بدل غرض القبول لانو يعتبر هذا بالنسبه لهم عشان جلب للقبول .. 2. اخذ بطاقة منحه من الوزاره .. 3. اخذ رقمي التسلسلي اللي ارسلته الوزاره للسفاره ..
///////////////////////////////////////////////////