السفاره رفضت الضمان المالي حق الوزاره ..

معليش سعودي ماجيك

انت دايما كل ردودك ان الوزاره ماقصرت ياخووووي اذا انت ماتعكرت الامور معك فغيرك جننونهم

ومو معقوله كل الغلط منا

انت قولي اذا على قولتك الوزاره ماقصرت ياخوووي ٨ سنووووووات البعثه والى يومك ماعندهم اي ترتيب

الحين اقلها اللي يصدر قرار اول هو اللي ياخذ مقعد طيب اذا دراستي بمارش واخذت اصدار الحين بينتهي قرار الابتعاث ماسافرت هذا واحد

الشي الثاني اليوم يقول الدكتور ماجد بامكانك تطلع فيزا بدون اي توني يضحك على مين الدكتور اصلا ماتقدر تطلع فيزا بدون ماتعبي السيفيس الي فيه رقم المعهد وغير كذا راحت وحده وقالوا لها لازم اي توني

الحين بدال هاللخبطه والاهمال

فيه ترتيب اقلها يحددون قائمه للي بيسافر يناير والي يبي يقدم على مارش لايقدم الحين

وبعدين يحدثون القائمه للي يبي يروح لمارش وهكذا لجون

صدقني شوية ترتيبات وتصير البعثه ممتازه

غير كذا يقنعني ان المعاهد اللي هما حاطينها مفتوحه ماهي مليانه سعوديين ياعمي مليانه وفل

بامكانهم يقفلون بعض الولايات المتكدسه ويفتحون الولايات اللي خف الضغط عليها

كمان فيه دول متقفله من زمان اكييييد انها الحين خف الضغط عليها يفتحونها

غير انك تسال الدكتور ماجد براسه مايعرف يجاوب واذا حجرت له بالسؤال قال حاله شاذه

وكل واحد يرمي المسؤليه عالثاني مافيه اي تواصل ابدا بينهم

وش اخلي وش اقول الله يرضى عليك لاتقعد تدافع واجد وتحسسنا ان الوزاره مدلعتنا ومصلحه امورنا

مانختلف بعض الاشياء كويسه مع ان وربي مدري وشهي لو سالتني بس عشان ما احط بذمتي

بس اشياء كثثثثثثثثيره مقصرين فيها

تدري انا مو مخليني اتحمس لهالبعثه الا لاني مصممه اكون شي بهالديره واغير من هالفساد

( نحن وجدنا لنغير العالم )

كويس نبهتينا على هالشيالله ييسر امرك وامورنا جميع

طبعاً مصداقً لكلام الاخت صاحبة الموضوع ....
انا بقولكم تجربتي اليوم مع الفيزاء طبعاً ضربت مشوار من المدينة الى جدة وأمطار وخير وبركة وغامرت بفسي وكلي ثقة ويوم وصلت جدة أخذت تكسي ب 30 اريال علشان يوصلني لمكتب الفيفا ووصلت للمكتب وطلعت أوراقي وكلي ثقة وطالع في الهندي بكل ثقة أيضاً وقالي وين الضـــــــــــــــــمان المالي قلت هذا هو قالي هذا ضمان مالي لقبولات المعاهد فقط وقالي اقراء عنوان الضمان المالي وراح تعرف انه لقبول المعاهد فقط وطلع ضمان مالي لأحد الاخوات وكان بتاريخ 28-2-2012 يعني اتوقع انها من المرحلة السابعة المهم أنه مكتوب فيه financial guarantee for visa purpose onlyيعني ضمان مالي للفيزاء وكان موجه لسفارة الكندية وكان مكتوب أسفل الضمان أسم المرافق وبحكم أني مرافق يهمني هالشي وطبعاً تجادلت مع الموظف بخصوص الضمان المالي وانه هذا هو الضمان اللي اخذناه من الوزارة وقالي بكيفك انا ماني خسران شئ بالعكس راح اخذ منك افلوس لكن صدقني راح ترجع .
والشي الثاني بحكم أني مرافق للأسف اخذت بكلام بعض الاخوة في المنتدى ورحت جبت شهادة بنكية وقالي الشهادة البنكية ماهي ضرورية ولا لها أي قيمة أهم شي كشـــــــــــف أحساب لمدة 6 أشهور وأحب انبه الناس الطفارى اللي مثلي لاتخلي أحد يحولك مبلغ وتطلع الكشف وترد له لا الصح أنك تسوي أيداع بالمبلغ وتطلع الكشف بعده لانك لوسويت تحويل راح يطلع عندهم ويعرفون ان المبلغ ماهو لك وهذا كلام الموظف لي وطبعاً الراجحي راح ياخذ منك 120 اريال وهذا نظاماً غلط ولكن بياخذها وانت تضحك ولا عليه منك
و50 اريال لشهادة البنكية ولكن ليست مهمـــــــــــة...
يعني مشاوير وتكاسي وخسارة ع الفاضي حسيت ان البعثة بتطلع علي بخسارة

عموماً هذي تجربتي الشخصية اليوم وللأسف رجعت للمدينة بخفي حنين
وراح احاول اراسل موظفين الوزارة وان شاءلله اطلع بنتيجة معهم ولو أن يومهم بسنة
وبالتوفيق للجميع

يعني رفضوك والا برضوا اخدوا الجواز وقالوا ارسل الرقم التسلسلي؟

الله يحقق لك مرادك
حسيت انا الوحيده اللي واجهت هالشي وضاق صدري بقوه وخفت انو الاعضاء يزعلون ويرتبكون بسبب مشكله وحده لي يعني اكون وترت اعصابهم وهم ماراح يواجهون هالشي وفوق هذا خفت انو السفاره مارضت لي بس انا
خنقتني العبره هههههههههههههههه
عموما بالنسبه للراجحي مااحب اتعامل معاه هوا والاهلي افضل سامبا مستحيل ياخذون مبلغ على كشف الحساب والشهاده البنكيه خذوا بس 25 ريال .. بالنسبه لك عشان وفرت شهاده بنكيه هذا بس لتقديم المعهد اما السفاره لا يبون بس كشف حساب للمرافق وقالوا هالكلام في الملتقيات ..

احس الوزاره معتمده علينا من ناحيه التواصل مع السفارت والملحقيات

مدري ايش النظام الي ماشين عليه تخلف مدري متى نطلع من العصر الحجري الي مسويته الوزاره

الله يصبرنا بس

انا المعهد رفض الضمان

ياخوان صدقوني لو القنصل ولد حلال وواقعي يمشي الضمان
لانه البرنامج له ثمانيه سنين
مو معقول الوزاره تدفع مصاريف دراسه وماتدفع معيشه
ماعمرها صارت من ثمانيه سنيين
الله يسهلها

مشكور على الدعوه
وانا من جده
واحد اعرفه راح الاسبوع الماضي
بس سالوه مين المتكفل بمصاريفك
وماقالوله ورينا الضمان
ويومين واخذها
ربنا يسهلها ان شاء الله

مو معقول يعني اطلع لرياض عشان اخذ رقم تسلسلي وش هالسخافه !!
قسم بالله شي يقهر عاد انا اليوم حددت موعدي وموعدي الاسبوع الجاي هالحين وش السوات ياناس قسم بالله مدري شسوي