رد: معـانآة المعيدين المبتعثين
" ولا يملأ فم ابن ادم الا التراب."
يااخي احمد ربك واجهتد في دراستك وناظر مستقبلك اذا تعتقد انك قعدت سنه او سنتين معيد قبل الابتعاث وهذي السنتين راتبك فيها 11 الف ولا اتزوجت للحين فمن الحين اقول لك الخطأ مؤ خطأ الجامعات الخطأ خطئك انت الي ماعندك ادارة للراتبك بالشكل الي يصب لمصلحتك اولا ولمستقبلك ثانيا.
تقبل وجة نظر واحد مبتعث ومتزوج ومستقبلة الوضيفي غامض ..
تحياتي
رد: معـانآة المعيدين المبتعثين
اولا السلام عليكم
الموضوع فيه اشياء كثير وابعاد
اعترف ان هناك ظلم للمعيدين لانه بيرجع للراتب الاساسي 6650 وينقص منه 59%
المفروض انه يصرف له راتب اساسي كامل
او يصرف نص الراتب شهريا واذا عاد بالشهاده المطلوبه منه يصرف له النص الباقي كامل دفعه واحد لكامل السنوات
ثاني شي الي يفيد المعيد انه يحسب له سنوات خدمه يعني جلس مبتعث 10 سنوات يرجع عنده خدمه 10 سنوات في سجله
ثالثا المكافئات للمعيدين نفس مكافئات الطلاب المبتعثين ببرنامج خادم الحرمين
الفرق ان للمعيد راتب ينزل في السعوديه فقط وهذا راتبه وحقه وليس مكافئه ابتعاث
رابعا اعرف ان هناك مطالبات سابقا ان يصرف راتب كامل سمعت بها من اربع سنوات اول دخولي للجامعه فتره والكل سكت محد تكلم
خامسا ستجد في طريقه معارض ومؤيد طبعا من يحس بمعانات المبتعث راح يؤيدك ومن هو رجله بالمويه البارده بيكون معارض
سادس شي المطلب شرعي وحق لانك تريد ان تؤمن مستقبلك وترجع بعد 10 سنوات اسمك دكتور واكيد اذا كان لك بيت وسياره وزوجه اكيد سوف تبدا الجامعه بحصاد الثمار منك لانك مرتاح
ولكن اذا رجعت وتبي تجمع وتسكن وتتزوج وسياره وتتدن راح تعيش هموم كثيره وراح يوثر على الطلاب في الجامعه وتصبح مخرجاتك كدكتور عاديه
صدقني الكلام كثير وطويل ولكن ارفعوا طلبكم الي خادم الحرمين الشرفين الملك عبدالله
والافضل يكون معك مجموعه من الطلاب المبتعثين المعيدين واذا كان اكثر من 1000 افضل بكثير
خطاب واسم الطلاب المعيدين و متابعتها وسوف تجني ثمارها قريبا
وربي يوفقكم ويلحقني بكم معيد يارب
:)
رد: معـانآة المعيدين المبتعثين
اقتباس:
المشاركة الأصلية كتبت بواسطة لوس انجلوس
السلام عليكم ورحمة الله وبركاته ,,,
موضوعك اخوي الكريم لايوجد فيه أي ظلم , لماذا ؟ لانك ولله الحمد والمنة أفضل من 95 % من باقي المبتعثين اللي طالعين مالقو وظايف وتحطمو نفسيا من كثر الجلوس , ولعلمك الأغلبية معدلاتهم ممتازه عشان مايكون لك حجه , ولكن الله هو الذي يقسم الارزاق فمن رضى فله الرضى ومن سخط فله السخط , اذا على العمر فالأغلب أنهم في عمرك أو اكبر منك . وبيروحون يدرسون على مكافأة البعثة فقط ويمكن تكفي ويمكن لا , يعني أنت افضل بكثير ماشاء الله منهم , ناهيك عن اللي راح يستقيلون من أعمالهم عشان يروحون يكملون دراستهم , هل تتوقع أنك الوحيد اللي عندك هذا الهم أو الهاجس اللي مشغل بالك ؟؟ ياعزيزي الأغلبية راح يرجعون ويبتدون من الصفر , هذا اذا لقى له وظيفه ! الله المستعان بس .........
اتمنى تتقبل وجهة نظري بصدر رحب وتنظر للموضوع بإجابيه عشان ترتاح :)
تحياتي ,,,
كلام رائع جدا .....
رد: معـانآة المعيدين المبتعثين
اخوي صاحب الموضوع
احمد الله وأشكره. وبالشكر تدوم النعم انته ضمنت الوظيفه. وغيرك لا
بعدين تستلم مكافئة طالب مبتعث. وراتب من الجامعه 2800 ريال بعدين او حسبناها حساب رياضيات
اربع سنوات وانت تستلم 2800
يطلع رصيدك لما ترجع السعوديه. بعد اربع سنوات مبلغ وقدر ( مئه واربعه وثلاثين الف واربع مئه ريال فقط )
رد: معـانآة المعيدين المبتعثين
كلامك صعب وغير منطقي
حدد اهدافك بوضوح وامشي عليها ...ياراتب قوي وتكون نفسك زين
يا تحقق احلامك وطمواحاتك ...والله بيسر امورك مستقبلا ...
تذكر مافيه شي ببلاش لازم تقدم تنازلات !
رد: معـانآة المعيدين المبتعثين
ليش سبع او تمااان سنواات
ماجستير ومدتها سنتين
والدكتواره سنتين حسب ماسمعت بالملتقيات
اربع سنوات حلو
الشي الثااني راتبك حلووو ووضيفتك مضموونه
وشو لك بالمرمطه
كووون نفسك وعيش حياتك دام الله يسرها لك
العمر قصير والزمن يمشي
والحياه مرره وحده
ومااافي احلئ من الاستقرار
الشي الثالث القرار الاول والاخير لك انت اعررف بنفسك
لان كل واحد يدخل بيعطيك رائيه حسب ظروفه هو
رد: معـانآة المعيدين المبتعثين
يا إلهي كل هذا حسسسسسسسسسسسد
ياناس أنا قاعد أطالب بحقي
ليه راتبي الأساسي يخصم منه 59% ؟
ليه ؟
يعني واحد يستلم 11 ألف ... ولمــا تبتعث يكون راتبك 2800
أسألكم بالله مو ظلم
أبي واحد يجاوبني ويكون صادق معي ..
وياليت تنظفون قلوبكم من الحسد شوي... أعوذ بالله قلوبكم تحتاج تنظيف قسم بالله
رد: معـانآة المعيدين المبتعثين
من جد ليه كلكم نتظرون لها من طرفكم
الولد موظف لذالك المفروض ياخذ راتبه كامل مو ينخصم منه وهو قاعد يتعب عشان الجامعه والجامعه كل همها الدكاتره الاجانب ومراعاه مشاعرهم لكن المعيدين عشانهم سعوديين يهلكوهم ويذلونهم عشان الوظيفه
من جد مافيه احد يقدر
رد: معـانآة المعيدين المبتعثين
اقتباس:
المشاركة الأصلية كتبت بواسطة Bint omar
من جد ليه كلكم نتظرون لها من طرفكم
الولد موظف لذالك المفروض ياخذ راتبه كامل مو ينخصم منه وهو قاعد يتعب عشان الجامعه والجامعه كل همها الدكاتره الاجانب ومراعاه مشاعرهم لكن المعيدين عشانهم سعوديين يهلكوهم ويذلونهم عشان الوظيفه
من جد مافيه احد يقدر
أي والله انك صادقة
بس صراحة مستغرب من حسسد الأعضاء ...
رد: معـانآة المعيدين المبتعثين
المسألة ليست حسد بالتأكيد .. وموفق لكل خير إن شاء الله
المسألة أنك وُضعت في مقارنة - بغض النظر عن كونها عادلة أم لا - بكل المبتعثين , لأجل ان تنظر للناحية الإيجابية من الموضوع
وما أعتقد أنك بتخرج بفائدة من طرحك للموضوع هنا ، سواء حصلت مؤيد أو معارض ..
عموماً لا بد أن تتنازل عن شيء لأجل شيء وأن كان الإثنان من أبسط حقوقك ..