الأعضاء الإشتراك و التسجيل

الملتقيات
ADs

لكل من حصل على i-20 والفيزامن معهد وهو مفتوح واقفل بعد ذالك بسبب التكدس

لكل من حصل على i-20 والفيزامن معهد وهو مفتوح واقفل بعد ذالك بسبب التكدس


NOTICE

تنبيه: هذا الموضوع قديم. تم طرحه قبل 1882 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية عبدالله07
    عبدالله07

    مبتعث مستجد Freshman Member

    عبدالله07 الولايات المتحدة الأمريكية

    عبدالله07 , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى dental public hleath , بجامعة not yet
    • not yet
    • dental public hleath
    • ذكر
    • denver, colorado
    • السعودية
    • Oct 2012
    المزيدl

    November 23rd, 2012, 01:47 AM

    السلام عليكم انا اخوكم عبدالله قدمت على معهد اول ما نزلت بتاريخ 9 نوفمبر اللسته وهو معهد وبعد ماحصلت على الايتوني من المعهد وقدمت على السفاره نزل التحديث الاخير للمعاهد وفيه ان المعهد اللي انا مسجل فيه تكدس وموعدي في السفاره الثلاثاء الجاي بتاريخ 27نوفمبر انا الان ما ادري وش اسوي مع هولاء الناس صراحه لا مشرفين يردون على الطلاب ولا ملحقيه منظمه ولا عالم تفهم الذوق انا اشوف انهم يقفلون الملحقيه عشان ننفك
    ناس ترفع الضغط.................................
    الحين ايش تنصحوني اسوي اكمل واروح المقابله واروح اخش في عيون الوزاره الان المعهد كان مفتوح وقت اللي سجلت فيه او ايش اسوي والله راسي صدع
    ثانيا هل السفس كل ما اخترت معهد ادفع له سفس جديد او هي مره وحده الرسوم بعد كذا تقدر تغير الرقم عادي لان لو كل ما غيرت معهد ادفع سفس جديد والله يبي لك 20000الف ريال


    ياليت من اصحاب الخبره يفيدونا ولكم جزيل الشكر
  2. اعتقد قريت موضوع لاحد الاخوان او الاخوات جابت ردود استفسرتها من الوزارة واحد الاساله كان لو جبت الايتونتي وكان المعهد وضعه سليم وبعد فترة تكدس قالها ليس ذنبك فحين قبولك كان متاح وقالها الوضع تمام ومقبولة اما في حال اغلق المعهد فهنالك الاشكال

    اتمنى انك تبحث وستجد هذا الموضوع الذي طرح من اسبوع تقريبا او يجي احد الاخوان وياكدلنا


    باذن الله لن تخسر ريالا واحدا لمعهد جديد


    موفق
    7 "
  3. لازم يكون فيه شي الله لايوفقهم بس لانهم خربطونا
    بصراحه كلمت ناس مبتعثين من دفعات سابقه وقالو لي كمل اجراءات وروح لهم وحطهم قدام الامر الواقع بس اهم شي يكون عندك دليل

    والله مدري صراحه احس اني متلخبط
    7 "
  4. اخيرا حصلت الموضوع بعد البحث للاخت wrong

    تفضل وعلمني الان معنوياتك كيف



    السلام عليكم ورحمة الله وبركاته ..
    كيف اعصابكم بعد امس هههههههههههههههههههههههه
    المهم رحت الوزاره وقابلت المسؤولات عن الضمانات الماليه أ. شادن التويجري و أ. الاء العمراني
    سألت بالبدايه عن بطاقة المنحه والرقم التسلسلي قالت لي اول بالمراحل السابقه كنا نستخدم بطاقة المنحه الحين استبدلناها باستمارة التسجيل اما الرقم التسلسلي هذا خاص للي مثلا بعثته كانت لايرلندا بعدين حول لامريكا احنا نعطيه رقم تسلسلي عشان يروح للسفاره .. يعني هذا اللي كانوا يستخدمونه بالمراحل السابقه يعني كانوا العام يعطونهم ضمان مالي وبطاقة منحه ..
    قالت لي الحين احنا ارسلنا اسماءكم مع ارقام الطلب حقتكم انتو عطوهم رقم الطلب حقكم وعطوه استمارة التسجيل وكلمت الدكتور ماجد الحربي قال بنكلم السفاره اليوم او خلال يومين نفهمهم بآلية المرحله هذي انو تغيرت ونتفق معاهم بس انتو روحوا لمقابلتكم باستمارة التسجيل .. " استمارة التسجيل اللي طبعناها وقت الملتقى وحضرنا فيها الملتقى الموجود فيها الباركود " وقلت لها انو عطيت السفاره رقم الطلب امس بس قالوا لا نبي التسلسلي قالت اي ماعليك هذا كانوا العام كذا .. قلت الضمان المالي ليه ماترسلونه قالت احنا رسلنا اسماءكم لهم ماله داعي الضمان ..
    بعدين طلبت منها انو ارسل ايميل للسفاره بالاستماره والرقم ونشوف ايش ترد السفاره علي قالت اي ارسلي وعلميني المستجدات واحنا بنكلمهم .. ارسلت للسفاره قلت لهم انو تغيرت الية المراحل السابقه وانو بدل بطاقة منحه صار فيه استمارة تسجيل وارسلت لهم نسخة من الاستماره وفيها رقم الطلب حقي .. وللحين السفاره ماردت ..
    هذا بخصوص سفارة امريكا يعني اللي مو من الرياض لاتستعجلون وتجين الرياض عشان الضمان الوزاره بتكلم السفاره وتفهمهم التغيير وروحوا نفس ماقلت لكم بالاستماره ورقم الطلب
    نجي لمبتعثين كندا ..
    قالت لي مبتعثين كندا لازم نعطيهم خطاب للسفاره .. والخطاب ياخذونه عن طريق الايميل يرسلون لنا رقم الطلب تبع المبتعث والقبول الاي تونتي وصورة من جواز المبتعث والمرافقين معاه .. وبعدين نعطي الطالب خطاب للسفاره يستلمه من عندنا ..
    بالنسبه للمعاهد المتكدسه قالت لي انتي امام امرين :-
    1. معهد متاح قدمتي عليه وجاك القبول وهو لسى متاح كويس مايحتاج ترسلين الملحقيه وكملي اجراءات ووقت اصدار القرار نعطيك القرار حتى لو كان في وقت اصدار القرار متكدس لانه انتي جبتي قبولك وهو في حالة متاح ..
    2. معهدك كان متاح وقدمتي عليه بس القبول للحين ماجاك وصار متكدس والقبول جاك بعد التكدس هنا انتي مضطره تراسلين الملحقيه يعطونك رد عن المعهد ويشيكون عليك عشان ماتكلمين الاجراءات وهو متكدس وترفض الملحقيه وبكذا يرفضون اصدار القرار .. فلازم مراسلة الملحقيه اذا القبول جاك بعد التكدس . .
    يعني بمعنى واضح اللي قدموا وجاهم قبولهم والمعهد لسى متاح هذا حلو ماشيه امورهم حتى لو تكدس المعهد وقت اصدار القرار .. اما اللي قبولهم ماوصلهم الا بعد تكدس المعهد ضروري مره يراسلون الملحقيه ..

    * نسيت اشكر shy Heart ساعدني بوصف الوكاله وبكذا تسهل وصولي للوكاله ..

    اللي يقرأ الموضوع يذكرني ويذكر امي بدعوه ..

    المصدر: رد الوزاره بخصوص السفاره والضمان المالي .. وكذلك ردهم على المعاهد المتكدسه

    رد الوزاره بخصوص السفاره والضمان المالي .. وكذلك ردهم على المعاهد المتكدسه

    تحياتي
    7 "
  5. اللي فهمته من كلام الاخت اللي تم اقتباسه من موضوع اخر انه اذا المعهد متاح في القائمة ووصلنا القبول احنا ماشيين في السليم

    صحيح كذا ؟

    لأني جبت قبولي والمعهد متاح لعدد 63 فالقائمة والمشرفة فالملحقية قالت لي متكدس ورجعت راسلتها بأنه متاح في القائمة وتأكدي من معلوماتك ولا ردت علي
    و الآن احتفظت بنسخة من القائمة وبالرغم من التحديثات الا انه المعهد الى الان متاااااح لنفس العدد برغم اني استلمت الايتونتي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.