الأعضاء الإشتراك و التسجيل

الملتقيات
ADs

معـاهـد اللـغة في أمـريـكا .. موضوع نقاش وتبادل للمعلومات

معـاهـد اللـغة في أمـريـكا .. موضوع نقاش وتبادل للمعلومات


NOTICE

تنبيه: هذا الموضوع قديم. تم طرحه قبل 1849 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Dr.Tam
    Dr.Tam

    مبتعث مستجد Freshman Member

    Dr.Tam الولايات المتحدة الأمريكية

    Dr.Tam , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Medical Genetics , بجامعة university of oregon
    • university of oregon
    • Medical Genetics
    • ذكر
    • Eugene, Oregon
    • السعودية
    • Dec 2011
    المزيدl

    November 23rd, 2012, 05:16 AM

    بسم الله الرحمن الرحيم

    أسعد الله.. صباحكم / مسائكم .. بكل خير


    بصراحة أنا لاحظة تخبط كبير من المبتعثين خلال المرحلة الثامنة في معاهد اللغة وأنا ما أنكر أني أول المتخبطين

    فحبيت أفتح هذا لموضوع لكي يكون محل نقاش وتبادل للمعلومات والخبرات عن معاهد اللغة وكيفة التدريس والجودة وكل ما يخصها

    طبعاً الكل يبحث عن معهد يكون تعليمة جيدة ويساعدة في قبول جامعي مستقبلاً

    لكن أغلب المعاهد المميزة في الوقت الحالي أما مكدسة أو مغلقة

    أنا بصراحة حاط بعيني معهد ELS في مدينة أندينا بولس او مدينة بروتلاند ولكن للاسف مكدس

    طبعاً أنا أخترة معهد ELS في أندينا وبروتلاند لعدة أسباب منها :


    1- يوفر قبول جامعي بعد 12 مستوا من غير أختبار توفل ولا أيلتس و GRE .. لأكثر من 600 جامعة في أمريكا
    2- جودة التعليم تعتبر جيدة ومقبولة جداً خصوصاً في هذي الفرعين بعد السؤال عنهم
    3- المستوا الواحد يتكون من أربع أسابيع فقط

    صحيح راح يكون ظغط على الطالب يخلص ليفل كامل في أربع أسابيع ولكن لو لاقدر الله ورسب الطالب في مستوا راح يعيد شهر واحد فقط مو زي المعاهد الثانية يكون المستوا الواحد 3 شهور أو أربعة وبالتالي لو عاد الطالب مستوا واحد راح يفقد وقت كبير من مدة دراسة اللغة .. وهذا الشي يميز معهد ELS عن باقي المعاهد في أمريكا

    الخلاصة

    كل طالب يحصل معهد كويس وتدرسية يكون قوي ويوفر للطلاب بعد ما يخلص كل المستويات قبول للجامعة دايركت من غير توفل وأيلتس ياليت يعطيني اسم المعهد ورابطة وكم مدة الكورس كامل وكل ليفل كم شهر ياخذ
    من الوقت .. وطبعاً ما يكون مكدس أو مغلق



    وبالتوفيق للجميع

    أخوكم :
    ثامر
  2. فعلا متخبطين مع هالمعاهد .. الله يسهلها
    انا كنت مرتبه اموري على معهد ELS ملواكي وكان متوفر 53 مقعد لكن لما ارسلت للملحقيه قالوا متكدس وفعلا القائمة تحثت يوم الاربعاء وصار متكدس ..
    يعني انا ماحطيت براسي معهد تبع جامعه ..
    والى الحين مو عارفه ايش اختار بالضبط .. اغلب ELS متكدسه ..
    7 "
  3. المشاركة الأصلية كتبت بواسطة ريومتهم
    فعلا متخبطين مع هالمعاهد .. الله يسهلها
    انا كنت مرتبه اموري على معهد ELS ملواكي وكان متوفر 53 مقعد لكن لما ارسلت للملحقيه قالوا متكدس وفعلا القائمة تحثت يوم الاربعاء وصار متكدس ..
    يعني انا ماحطيت براسي معهد تبع جامعه ..
    والى الحين مو عارفه ايش اختار بالضبط .. اغلب ELS متكدسه ..
    مشكلة والله

    أغلب معاهد ELS المفتوحة تكون في ولايات غالية جداً

    أنا بدية أغير تفكيري وأشوف اي معهد ثاني غيرة

    بس بخلص من المتلقى أول شي بعدين راح أبحث

    بالتوفيق يا زميلة
    7 "
  4. الأولوية للمعاهد التابعة للجامعة وبعضها يعطيك قبول شريطة تجاوز اللغة عندهم بس بعضهم يقولون كذا عشان تجي ولما تخلص المعهد يقولون لازم تجيب درجة التوفل. بعدها الأولوية للمعاهد التابعة لكليات المجتبع لأنها غالبا تكون ممتازة وبرضها تساعد طلاب البكالوريوس كثيييييييير في القبول. كليات المجتمع غالباً تتخرج منها بدبلوم عالي سنتين وهذا طبعاً مرفوض من الملحقية لكن الملحقية تسمح لطالب البكالوريوس أنه يدرس ترم فيها وبعدها يحول والتحيول من كلية مجتمع أسهل بكثير من التقديم على الجامعة. يعني طلاب البكالوريوس بيخلصوا معهد كلية المجتمع ويكملوا فيها تيرم أكاديمي ويبدع، بعدها أي جامعة بتقبلهم إن شاء الله. وأخيراً الأولوية للمعاهد التجارية وأفضلهم ELS لكن حاب أنوه أن مو كل معهد تابع لهذي الشركة ممتاز بعضها شئ جداً في التعامل مع الطلاب والتدريس.

    بالنسبة للمدن فهي تختلف من ولاية لولاية وحسب نظرة الشخص. مثلاً مدينة بلومنجتون إنديانا (معهدها متكدس) مدينة جامعية ممتازة وآمنة لكن أقرب مدينة للترفيه والمولات الكبيرة إنديانابوليس. هذي حلوة للي يبغى يدرس فقط. وفيه ناس تقول لا ما أحب المدن الصغيرة ويبغى الدراسة والفلة وغالباً تكون غالية وخطيرة. الخلاصة تعتمد على الشخص. من معاصرتي للبعثات السابقة الاقي أنهم جميعاً يغفلون نقطة مهمة جداً وهي الوقت! الجامعات والمعاهد تقفل بسرعة لأن عندهم آخر موعد للتسجيل والوزارة عندها فترة توزيع قرارات الإبتعاث. فأنا أشوف أن الأولوية الحالية هي التركيز على إيجاد معهد غير متكدس والحصول على قبول واستخراج قرار الإبتعاث السفر لأمريكا، بعدها وأنت في البلد أسهل عليك بكثير أثناء الدراسة أنك تجيب قبول من أنك تحاول وأنت هنا والسبب في التواصل مع الجامعات من السعودية والاتصال والحضور الشخصي مهم لأن القبول ممكن يجيك مجرد ما يسمعوك وأنت تتكلم معاهم حتى لو ما أنطبقت عليك الشروط.

    الله يوفقكم جميعاً وإذا أحد محتاج مساعدة في موضوع القبول للمعهد أو معلومات عن المدن والمعاهد ممكن يراسلني على الخاص.
    7 "
  5. هل الجامنعة اللي ناوي تقدم عليها من ضمن 600 جامعة؟!!
    نصيحة نصحنا مدير الابتعاث
    بان لا نعتمد على ليفلات الجامعة و نعتمد على درجة التوفل
    طبعا اعطانا اسباب منها
    ممكن تغبر جامعة و الجامعة الثانية ما تتعترف بالليفلات
    7 "
  6. المشاركة الأصلية كتبت بواسطة 7 سنوات في امريكا
    الأولوية للمعاهد التابعة للجامعة وبعضها يعطيك قبول شريطة تجاوز اللغة عندهم بس بعضهم يقولون كذا عشان تجي ولما تخلص المعهد يقولون لازم تجيب درجة التوفل. بعدها الأولوية للمعاهد التابعة لكليات المجتبع لأنها غالبا تكون ممتازة وبرضها تساعد طلاب البكالوريوس كثيييييييير في القبول. كليات المجتمع غالباً تتخرج منها بدبلوم عالي سنتين وهذا طبعاً مرفوض من الملحقية لكن الملحقية تسمح لطالب البكالوريوس أنه يدرس ترم فيها وبعدها يحول والتحيول من كلية مجتمع أسهل بكثير من التقديم على الجامعة. يعني طلاب البكالوريوس بيخلصوا معهد كلية المجتمع ويكملوا فيها تيرم أكاديمي ويبدع، بعدها أي جامعة بتقبلهم إن شاء الله. وأخيراً الأولوية للمعاهد التجارية وأفضلهم ELS لكن حاب أنوه أن مو كل معهد تابع لهذي الشركة ممتاز بعضها شئ جداً في التعامل مع الطلاب والتدريس.

    بالنسبة للمدن فهي تختلف من ولاية لولاية وحسب نظرة الشخص. مثلاً مدينة بلومنجتون إنديانا (معهدها متكدس) مدينة جامعية ممتازة وآمنة لكن أقرب مدينة للترفيه والمولات الكبيرة إنديانابوليس. هذي حلوة للي يبغى يدرس فقط. وفيه ناس تقول لا ما أحب المدن الصغيرة ويبغى الدراسة والفلة وغالباً تكون غالية وخطيرة. الخلاصة تعتمد على الشخص. من معاصرتي للبعثات السابقة الاقي أنهم جميعاً يغفلون نقطة مهمة جداً وهي الوقت! الجامعات والمعاهد تقفل بسرعة لأن عندهم آخر موعد للتسجيل والوزارة عندها فترة توزيع قرارات الإبتعاث. فأنا أشوف أن الأولوية الحالية هي التركيز على إيجاد معهد غير متكدس والحصول على قبول واستخراج قرار الإبتعاث السفر لأمريكا، بعدها وأنت في البلد أسهل عليك بكثير أثناء الدراسة أنك تجيب قبول من أنك تحاول وأنت هنا والسبب في التواصل مع الجامعات من السعودية والاتصال والحضور الشخصي مهم لأن القبول ممكن يجيك مجرد ما يسمعوك وأنت تتكلم معاهم حتى لو ما أنطبقت عليك الشروط.

    الله يوفقكم جميعاً وإذا أحد محتاج مساعدة في موضوع القبول للمعهد أو معلومات عن المدن والمعاهد ممكن يراسلني على الخاص.

    كلامك في قمة الروعة والأهمية


    كل الشكر والتقدير لكي عزيزتي


    - - - مشاركة محدثة - - -

    المشاركة الأصلية كتبت بواسطة gerger
    عدم توفر تقنية فائقة السرعة في إدارة المعاهد والاعداد اللغوي بالملحقية كان نتاجها تخبط صارخ عانى منه ومازال يعاني منه الآف من الشباب والبنات
    الله ييسر أموري وأموركم ... اللهم آمين

    صحيح .. لو كانت في ألية اسرع ما كان الحال حال يشفق علية

    7 "
  7. المشاركة الأصلية كتبت بواسطة early
    هل الجامنعة اللي ناوي تقدم عليها من ضمن 600 جامعة؟!!
    نصيحة نصحنا مدير الابتعاث
    بان لا نعتمد على ليفلات الجامعة و نعتمد على درجة التوفل
    طبعا اعطانا اسباب منها
    ممكن تغبر جامعة و الجامعة الثانية ما تتعترف بالليفلات

    أكيد الجامعة متعاقدة مع معهد ELS

    وأنا لست ضد أختبار التوفل والأيلتس

    وراح أدخلة أن شاءالله أكثر من مرة وممكن أجيب الدرجة المطلوبة في وقت وجيز

    وأنا متفائل فية بصراحة

    لكن أنا أحب أسلك الطريق الأسهل


    7 "
  8. أخي Dr.Tam

    أشكرك على الموضوع الجميل .. ويبدو أن تخصصك نفس تخصصي ، ولا زلت بين استشارة واستخارة من ناحية المعهد ، فحبيت أسألك عن المعاهد اللي وجدتها ووجهة نظرك عنها..

    أنا وجدت عدة معاهد ، وتركيزي كان على المعاهد التابعه للجامعات ، لكن للأسف أغلب المعاهد اتضح أنها متكدسه، والآن بصدد البحث من جديد ، أما المعاهد التجاريه فلست مقتنع بها ، وتخصصنا يحتاج ألى إعداد جيد لـ(TOEFL/IELTS) وكذلك الـ(GRE)..

    خالص ودي

    7 "
  9. معاهد ايلس اغلبها مقفله ومتكدسه المفتوحه فقط صارت بالولايات والمدن الغاليه

    انا نفس الاخت اللي فوق قدمت على ملواكي ووصلني الاي توني وتحدثت المعاهد ولقيته متكدس راسلت الملحقيه اشوف وش يقولون ولا رد . .

    اللي يغبن ان القائمه مليئه بالاخطاء والمعاهد المقفله ومخلينها مفتوحه ويقولون لك غلط من عندنا

    طيب انا وش ذنبي ك طالب احمل قائمه المعاهد الموجوده بموقع المحلقيه واخر شي اقدم وادفع قروش على معهد واخسر ويجيني الاي توني ويقولون غلط من عندنا المفروض انه متكدس

    ؟

    ياخي شي يغبن صراحه مادري وش اسوي الحين
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.