انا طالب في 3 ثانوي واحتاج لمساعدتـــــــــــكـــــــــــــــــــــــــــــــ ـــــــم

القبول في الجامعات يحدد قبولك فيها قوة ال statment of purpose ودرجة عالية في اي اختبار يطلبوك تختبره ودجاتك في مواد التخصص اللي تبغا تدرسه .. يعني بشكل عام كذا عامل يحدد قبولك .. يعني القبول في الجامعات اللي برا مو زي جامعتنا يحددها المعدل او النسبة ودرجة اختبار القدرات لحالهم جامعات برا لها مطالب كثيرة والجامعات القوية اللي زي اللي تبغاها غالبا تكون طلباتها اكثر واصعب .. ولا تستسلم وتقول انك ما تقدر تدخلها الا في ناس قدرت تدخلها .. بس اذا تبغا تاخذها مني نصيحة كأخت اكبر منك اسس نفسك في الباكلوريوس في جامعات عادية وابني لك اساس في التخصص اللي تبغاه وخلي ذي الجامعات الكبيرة للدراسات العليا ..

نفس كلام الاخت عبير ،، شروطهم صعبه لكن مو مستحيله .. و البعض من شروطهم عمل مقابله .
و ايوا في مبتعثين يدرسون فيها .

أحييك على روحك العالية أولا

ثم أقول : شد حيلك أنت وإن حصلت على القبول وإلا فاتجه إلى ما بعدها

طيب عندي استفسار الحين لو دخلت جامعه هنا السنه التحضيريه

يمديني افصل واكمل في الخارج ؟

ويعادلون لي المواد في الجامعات اللي فوووق ؟؟

+

انا هالجامعات كانت هدفي من ايام المتوسط وودي اروح لها بكالوريوس واكمل فيها ماسترز ثم دكتوراه

وبعدين انا كل ما سالني احد اقوله ابتعاث mit او هارفورد او اكسفورد او كامبريدج يعني مثل هالجامعات ويضحكون علي فحبيت اثبت لنفسي اني اقدر اروح هناك وادخل هالجامعات واثبت اني اقدر ادخلها لنفسي واسكتهم

مشكوريين للي ردوا وننتظر ردود اكثر

اذا على حسابك ممكن على حسب الجامعه بعضهم يعادلو و بعضهم لا و تقدر تتواصل معاهم بالايميل عشان تعرف ... اما اذا بعثه فـ لا مافي لأنك بتطلع بشهادتك الثانويه .
و نصحيه اخوي .. لا تزيد عشمك كثير و قوي ايمانك بالله عشان لو لا سمح الله ما صار لك نصيب ما تحبط و يجيك يأس .

و ان شاءالله احد يفيدك اكثر . و جرب تراسل الملحقيه بامريكا او بريطانيا اتوقع ممكن يفيدوك لأنهم ينبسطوا اذا في طلاب بيدرسون بجامعات مميزه و كأني سمعت ببريطانيا ان لهم مكافئات خاصه .


بالتوفيق

انا ايماني بالله قوووي وعارف لو ما انقلبت فيهم هذا قضاء الله وقدره واكيد فيه حكمه من الله بعدم قبولي في الجامعات المذكوره

و بصراحه انا كانت عند هالفكره من زماااان واللي زاد تفكيري لها اني قابلت ناس تخرجوا من mit وهارفورد وكلهم ابتعثوا زي اي احد وكلهم راحوا درسوا لغه سنه وجابوا درجات وقدموا عليها وقبلتهم

وكلهم يقولوا اهم شي شخصيتك في المقابله + تحسسهم انك تحب التخصص اللي مقدم عليه وفاهمه + انجليزيه ممتازه + اسلوب وانت تتكلم عن حبك للتخصص وقصصك مع مواد هالتخصص


ما ادري انا امنيتي يا جامعه البترول والمعادن يا بعثه لجامعه قوووويه مررررره

اخ سلطان .. الابتعاث ترا مو شي سهل والمرحلة الجامعية بشكل عام مو شي سهل زي الثنوية .. انت ما شا الله عليك انسان باين عليك طموح وعندك احلام وطموحات عالية .. اذا تبغاها مني نصيحة فعلا بما انك شايف نفسك قادر ومبدع انصحك تدرس الباكلوريوس في جامعة البترول لانه جامعة البترول تعتبر كنز في يدك في السعودية للبحث عن وظيفة .. شوف انا اخويا ماشا الله عليه كان يطلع من الاوائل عالمملكة لما كان في الثنوية ودخل جامعة البترول وذحين هو سنة ثانية جامعة وانا بما اني مسافرة عرضت عليه يكون مرافقي ويكنسل جامعة البترول ويدرس في جامعة ال MIT وبعد ما سألنا واستشرنا لقينا انه من الافضل له انه ما يفرط في جامعة البترول لانها بتكون دعم له لما يقدم لوظايف في السعودية وجامعة الMIT يدرسيها الماجستير والدكتوراه ويصير بكذا ضرب عصفورين بحجر واحد .. واساسا جامعة الMIT والجامعات القوية الثانية تطلب منك انك تكون عندك خلفية قوية في التخصص .. يعني مثلا طلاب الثنوية الامريكيين واللي يبغوا يقدموا في ذي الجامعات ماراح يلاقوا صعوبة من ناحية الخلفية القوية في التخصص لان دراستهم في المدارس غير دراستنا .. وصحيح انت تقدر تلاقي طلاب سعوديين كثير انقبلوا في ذي الجامعة ودرسوا فيها بس انت ابحث عن عدد السعوديين الي ( اتخرجوا ) منها ورجعوا بأفضل النتايج ..

بإختصار اللي ابغا اقوله لك انت طموح ومبدع و كأخت كبيرة ما ابغاك تروح وتخوض التجربة وانت لساعك ما خالطت عالم الجامعات وتبدأ عزيمتك تضعف .. والاهم من ذا كله لما تبغا تقرر قرار (مهم) ومصيري زي كذا في حياتك قرره على اساس عندك هدف (منطقي وواقعي) اللي هو انك تنجح مثلا في تخصصك ويكون لك منصب عالي في مجال اهتمام مو عشان بس تنافس وتكسر عين اللي اتحدوك .. التحدي يكون بالعقل وبالتخطيط السليم عشان تقدر ذيك الحزة توريهم انك قدها لكن مو تبدأ من الشيء الكبير وانت لساعك في مرحلة الصفر .. ابدأ خطوة خطوة وان شا الله ربي ييسرلك امورك وتجيتفرحنا بأحلى النتايج ^^

اعجبني طموحك واصرارك ، الله يوفقك
بالنسبه للتحضيري اللي تاخذه من السعوديه مايعادل برا هذا الشي صاير معي