ظروف التوصيات

مي تو خايفه يكسحوني يقولونلي كثير بس يالله ان شالله يرضون

هههههههههههههههههههه من جد

جهزي العجره معك لان هذا الي بسسويه

اجل مدام الامور فيها عفسه ومضاربة

لازم تستعد من السسسبت ابنششبلهم نششبه موب طبيعيه


الله يعين

كلام نو كومنت صحيح لما قدمت على الماجستير طلبوا كل توصية في ظرف مغلق ومختوم من الخلف بختم الجامعة (وهذا يفرق من جامعة لجامعة في أمريكا) بعضهم ما يعترفون بالخطابات هذي ويصرون على أن اللي بيكتب التوصية يعبي فورم أولاين وانتي تزوديهم بإيميلات الدكاترة. ولما زوجي قدم على الدكتورة كان لعشر جامعات واحتاج ل ثلاثين ظرف!! الإحتياط واجب.

فالحل هو كالتالي:
1- تخلين الدكتور يسوي التوصية ويطبعها على 10 أوراق رسمية للجامعة (أو تسوين وحدة وتنسخين قد ما تقدرين وتخلين الجامعة تختم أنها نسخة رسمية)
2- حطي كل توصية في ظرف من ظروف الجامعة (إذا ما قدرتي ظرف أبيض) تقفلين الظرف وتخلين الجامعة تختم عليه من الخلف محل التقفيل (عشان يبين أنه من الجامعة وانتي ما فتحتيه)
3- بس انتبهي أنك تكتبين على الظرف أو تحطين علامة معينة عشان تعرفين هذي التوصية من اي دكتور. أنتبهوا لهذه النقطة مهمة بدل ما ترسلين للجامعة 3 نسخ من توصية وحدة وتكتشفين بعد ما تنفتح الظروف ويبلغونك. ممكن تكون مثلاً الحروف الأولى من كل دكتور مثلاً أو ترقمينهم مثلاً الدكتور الأول 1 والثاني 2 والثالث 3 عشان تميزين وتتأكدين أنك ترسلين الظروف مختلفة (عليها 1 و2 و3)
4- لما تراسلين الجامعات ترسلين لكل جامعة ثلاث ظروف مع الأبلكيشن وأوراقك الثانية. تأكدي مرة ثانية أنك ترسلين الظروف اللي علمتيها مزبوط

بس لاحظوا أنكم لا تحاولون تراسلون الجامعات من السعودية وتخسرون الظروف لأن غالب الجامعات بتشترط التوفل أو الأيلتس (الجي أر إي أو الجيمات للدراسات العليا) عشان يعتبر ملفك كامل ويتحرك لموافقة الكلية.

بالتوفيق

هل لا بد يكون السجل في ظرف مختوم ؟

ايوا تروح للقبول والتسجيل وقلهم ابغى ظروف للسجل الاكاديمي
وراح يعطوك ظروف فيها اسم الجامعة وحط كل نسخة في ظرف وخليه يقفله ويختم على لسان الظرف
لكن خذ معاك ظروف احتياط اذا ماكان عندهم

وهنا الموضوع ممكن يفيدك
http://www.mbt3th.us/vb/forum163/thread367855.html

الحين التوصيه لازم تكون براغراف ، ماينفع زي الجدول !!!

السلام عليكم ورحمة الله
ليش 30 ظرف كثير خذي عشره تكفي وزود بعد

ابي علمك لاتحطين كل توصيه بظرف والحكي هذا

بقولك وش سويت وهذا المعروف واللي لقيت بنات كثير مسوينه لما جيت اسووي اوراقي

انا اخذت ثلاث توصيات ووصورتها عشر نسخ كل توصيه ورحت للقسم وبعد طلعة الروح ختمولي طبق الأصل حسبي الله عليهم حقون جامعتنا يغثونك غثى
وأخذت الوثيقه والسجل الأكاديمي وحسن السيره وكذلك سويت لها عشر نسخ ورحت للشؤون والعماده وختمتها كلها طبق الأصل ووطلبت منهم ظرووف وبالعافية اعطوني خمسه
وكملتها من قسمي بخمسه ثانيه صارت عشره

الحين خليت الأصول على جنب واخذت ورقة وحده من النسخ اللي طبق الاصل ( ثلاث توصيات + وثيقتي + حسن السسيره + السجل الاكاديمي ) وحطيتها بظرف واحد
وسويت هذا الترتيب نفسه بكل الظرووف بحيث يصير في كل ظرف نسخه من الصور طبق الأصل ووديتها للموظفة وختمت لي على لسان الظرووف وبكذا خلصت العشر المظاريف والأصل معاي برى مااحطيته معاها طبعآ


يارب تكوني فهمتي طريقتي .. اذا عندك استفسار او مافهمتي نبهيني والسلام عليكم

أنا سويت سكنر وراسلت الجامعات والمعاهد عن طريق الايميل أسهل صراحه .
ودي أعرف الجامعات بعد القبول تطلب اوراق الأصل أو نسخ لتكملت أجراءات القبول ؟؟؟

بالنسبة للاظراف ( ظرف كبير يكون فيها شعار الجامعة ومعلوماتها تختم من مكان لسان الظرف و تحطين فيه كل اوراقك الأصل ( الوثيقية والسجل الاكاديمي و التوصيات ) و كذا ظرف للنسخ المختومه طبق الأصل برضوه
أو أنك تأخذين ظرف كبير وتحطين في داخله ٣ ظرف صغير فيها شعار الجامعة >> ظرف التوصيات وظرف السجل الاكاديمي وظرف الوثيقية ) < .
الظروف من الجامعة نفسها تأخذينها =)

وإذا ماعطوك > حاولي تراسلين الملحقية بخصوص ظرف عادي عليه ختم من الجامعة ، هل هو عادي او مرفوض ؟
بالتوفيق والتياسير من الرحمن =)