تجمع الحاصلين على الورقة الصفراء من السفارة

الله يوفقك وييسرلك أمورك يارب ..وإن شاءالله كلها كم يوم وتجي تبشرنا بالأخبار الطيبة ..

سجلني معك , لي عودة بعد قليل للتفصيل =(

الحمدلله .

مقابلتي كانت اليوم الساعه 9.30 صباحاً , كل أوراقي مكتمله و أموري تمام وحتى المقابلة , لكن المقابلة كانت عند شباك 12 ( موظفة ) و متردده بخصوص الضمان المالي , تقول هذا موجّه للقبول الجامعي واللغة فقط مو لنا , شرحت لهم ان هذا الضمان الوحيد اللي تعطيه للطلاب ما اقتنعت , نادت الموظفة المصرية اعتقد او السورية و خبرتني ان الضمان مو اول مرة يمر عليهم وتتكرر يومياً , و قالت لي ان الفيزا مو معناتها مرفوضه لكن روح هات الضمان المالي وارسله ع الايميل و بنصدر لك التأشيرة , اعطتني الورقة الصفراء وقالت ارسل الضمان ع هالإيميل ..

طلعت منهم مباشرة لوزارة التعليم العالي و قابلت الموظف , طلب مني صورة من الجواز و ارسل الضمان للسفارة عن طريقه مباشرة , وقال لي ارسل ايميل للوزارة ان الضمان تم ارساله عن طريق الوزارة إيميل رقم *** ( كتبه لي ع ورقة )

حركة الوزارة ضيقت الصدر صراحة , والموظف ذكر انهم مرسلين اسمائكم و رقم التسلسل للسفارة , قلت هذي الورقة الصفراء و شوف عينك .. هالخطأ البسيط بيأخرنا ويمكن يأخر دراستنا =/

عسى الله يسهل ويعين يارب , في انتظار الفيزا و ان شاء الله ماتتأخر .

عفوا لو سمحتوا شباب

انا اليوم كان موعدي بس ماخذوا الا مني الجواز و i-20
حتى الصور ماطلبوا؟

هل في احد مثلي ولا تتوقعون انهم نسوا ماطلبوا الصور ؟

هالسفاره قاعده تستعبط بشكل غير طبيعي
مجمعيلي كم هيس اربد
ومسوين لي فيها فاهمين
لو تفهم الضمان واضح زين
الشرهه على الوزاره
المفروض يكون فيه اجراء حاسم مع هالسفاره
اما يتسنعون ويمشون على نظام والية عمل موحده ويتركون المزاجيه والدلاخه
او يفتحون المجال لبريطانيا واستراليا ونيوزليندا
افضضضل منهم الف مرره
وخل الورقه الصفراء اذيك الساعه تنفعهم
والله الا يندمون اشششد الندم

الشكوى لله وانا اخوك ، وزارتنا ردى بكبرها ، اليوم اللي بيصدرون قرار ابتعاث صرفوهم للسبت بحجة المسوؤل بملتقى جده ( ياراجل ! )

ما اقول الا حسبنا الله سيؤوتينا من فضله انا الى الله راغبون ؛ )

والله من جد السفاره قاعدة تتخبط مافيه نظام معين

تعبنا والله منهم الله يسهلها يارب وتطلع فيزكم باسرع وقت

انااشهد

بس هالدوله حادتنا عليهم.. كن مابه بهالبلد الاهالولد.. وخساير مبالغ قبولات ومراسلات.

اعانني الله واعانك ..


الرقم هو نفسه رقم KAS صح؟

ان شاء الله امورنا تمشي بالسليم ياااارب

انا بعد طلبوا اخذوا كل الاوراق والجواز .. وقالت لي الي بالشباك انه فيزتي مقبولة ..

بس الي ضيق صدري انه عطتني ورقة صفراء واشرت على آخر شيء بالورقة الي هو ان اجراءات الفيزا راح تاخذ من اسبوعين الى ٤ اسابيع وقالتها لي شفهيا بعد .. عاد قلت لها ما تجي الفيزا ابكر من كذا رجعت قالت لي راح تاخذ المدة الي قلت لك اياها يمكن اقل ويمكن اكثر لكن فيزتك مقبولة ولا تنسى تسدد لفيدكس

والله من جد ضيقت صدري هالورقة .. لكن الي مفرحني بنفس الوقت انها قالت لي ان فيزتي مقبولة.

الله ييسر بس

هذي نفس حالتي .. طبعا دامهم اخذوا الجواز هذا يعني ان فيزتك مقبولة ...